shadow
Diocese de Dili > NOTÍCIAS > REFLEXÃO > COVID-19 AMEAÇA MUNDO-CRISTO MANAN BUAT HOTU (Reflexão Triduo Pascal)

COVID-19 AMEAÇA MUNDO-CRISTO MANAN BUAT HOTU (Reflexão Triduo Pascal)

Ser cristão não é ver em Jesus apenas o mestre, mas ver nele o Deus encarnado que nos proporcionou a eternidade pela ressurreição (Ataíde Lemos).Ita hahú ona Semana Santa ho Domingo Ramos. Tinan ida ne’e (2020) oin seluk oitoan ho tinan hirak ba kotuk. Covid 19 implica mudança oi-oin iha sociedade inclui afecta mos Igreja nia dias festivo sira, hodi celebra Domingo Ramos sem presença sarani. Maske nune’e, Covid-19 la impede sarani nobun nia fiar ba Maromak no vontade atu assiste Missa (Eucarsitia) liu husi Media Mainstream hanesan (RTTL, GMN Tv ho RTK).

Cada Semana Santa é uma oportunidade de revivermos o amor de Deus por nós e para que continuamos no caminho da conversão. Ita celebra triduo Pascal (Quinta Feira Santa, Sexta Feira Santa, Sábado Aleluia) no Domingo da Ressurreição iha situação ida que mundo enfrenta hela crise global. Mosu interpretação reb-rebo husi mundo nia sikun sira perante Covid-19; balu dehan Maromak mak haruka, balu dehan Cina mak espalha Covid-19 ba mundo, seluk dehan América mak produz, balu tan dehan ne’e ciclo natural ida husi planeta ida ne’e,……nst.

Hirak ne’e hotu la impede ita nia fiar ba Maromak, Covid-19 la impede celebração páscoa ita Timor Leste ho mundo. Maneira celebração mak iha mudança oitoan tuir regra estado no decisão Vaticano nian maibé, essência husi páscoa, lori ita ba hanoin nafatincentralidade fiar cristão nian; oinsa Maromak liberta Ninia povo Israel husi Egipto nia ukun (Antigo Testamento) no oinsa Jesus Cristo liberta ita husi poder Pecado (Novo Testamento). Cristo mate hodi kasu ita nia salan no moris hias hodi lori vitória mai ita nobun ba esperança loron ikus nian.

 

Tanba ne’e mak, ita contempla triduo pascal nudar espelho ba ema nia moris (vida humana) basá, durante loron tolu tutuir malu; (Quinta Feira Santa, Sexta Feira Santa, Sábado Aleluia) too Domingo Páscoa, ita hanoin paixão (terus/torturação), mate (morte) no ressurreição Nai Jesus Cristo.

Mistério pascal nudar centralidade ba ita nia fé cristã (Catolicismo), iha história humanidade nian no sai nudar projeção moris pessoal ita ida-idak nian. Ita nia projecção mak; hetan salvação no coloca ita nia-an nudar Jesus nia emar no halo tuir Maromak nia Mandamento iha Jesus Cristo (Evangelho).

Iha Quinta feira Santa, ita relembra hikas início husi instituição/estabelicimento Eucaristia. Iha momento ne’e mak ita rona directamente husi Leitura sira, oinsa Jesus halo resumo badak husi Ukun Fuan 10 (10 Mandamentos) ba frase badak: “Hau fo ba imi Mandamento Foun:Imi sei Hadomi malu nudar Hau hadomi imi” (Hadomi Maromak liu sasan hot-hotu, Hadomi ema seluk hanesan ita-an rasik).

 

Iha Eucaristia (Quinta feira Santa), ita hetan alimentação ho pão moris no ita aprende husi Jesus, oinsa halao serviço caridade iha ita nia maneira no hahalok iha família no sociedade (modo de viver e ser). Jesus dehan:”Dei-vos o exemplo, para que, como eu vos fiz, também vós o façais” (Jo 13,15)”.

 

Covid-19 halo ita (Timor oan) terus, susar, halerik, desesperado, incertesa, politização, defamação,…ne’e mak ita nia desespero iha “Getsemani’, hanesan Jesus nebé laran taridu wainhira sura minuto hodi simu terus ne’e. Covid-19 halo ita sente Maromak abandona ita, vizinho fihir ita matan sorin, policia/força armada limita movimento, saúde fo hanoin ita, maluk sira iha estrangeiro abandonado,….nst maibé ita reza hamutuk ho Jesus hodi tenik: “Meu Pai, se é possível, que passe de mim este cálice; contudo, não seja como eu quero, mas como tu queres” (Mt 26,39).

 

Se Covid-19 ne’e ema mak inventa hodi estraga ema seluk, autor sei hetan nia castigo, se natureza mak hamosu tuir ciclo natural planeta nian, ita hein natureza mak halo seleção ba, se Maromak mak hakarak koko ita, tau fiar ba katak Maroak hatene liu saida mak diak ba ita. Aprende husi Jesus nia oração no Nain Feto nia lia hatan be tenik: Halo tuir ba (Nai) tuir Ita nia hakarak.

 

Hanesan Jesus nebé simu terus, ita nobun mos passa sexta feira Santa (paixão) hodi contempla experiência moruk Jesus nian iha hakmatek laran (silêncio), iha uma, iha oração no iha solidariedade. Ita buka moris iha Maromak nia mahan maibé iha dalan Social Distancing (mes-mesak), tuir ordem estado. Momento ne’e, ita sente abandonado? Lae….! Maromak mak toma conta ita nia klamar no isin, Jesus mak kasu todan sira, ita be moris iha situação ne’e (surto/pandemia global). Ita buka saran moris ba Maromak nia providência iha oração no contemplação. Ita la precisa tauk demais tan sente Maromak dook husi ita: “Meu Deus, meu Deus, por que me abandonaste?” (Mc 15,34).

 

Ressurreição Nai Jesus nian, hae prova evidente ida katakMaromak nunca abandona Ninia emar sira nebé deposita (tau)sira nia confiança iha Jesus Cristo. Maromak comunica-An, inclusivamente, iha silêncio (hakmatek). Maromak nunca ausente/falta, maibé, Maromak lao ho itanudar roman be leno ita nia dalan nakukun, nudar guarda nebé protege/fo proteção ba ita hodi enfrenta desgraça Covid-19 nian.René Pillot hakerek; A fé não muda as coisas; a fé muda o coração e o olhar sobre as pessoas e as coisas.

 

Saida mak ita halo hodi sente Maromak nia presença silenciosa? Única exigência mak fiar (fé), saran (deposita) ita nia moris tomak ba Maromak nia liman. Halo oração mes-mesak iha quarto ou iha oratório oin ou iha capela/capelinha ho regra social distancing (dook malu). Iha neba mak ita sente no harohan oinsa Maromak tau matan ba ita, oinsa Maromak tulun ita ultra passa desgraça surto Covid-19 ne’e. Iha hakmatek laran, nudar iha sexta feira santa, ita harohan ho Jesus, tenik: “Pai, em tuas mãos entrego o meu espírito” (Lc 23,46).

 

Nia resposta sei mosu iha rai hun mutin Ressurreição nian. No domingo da ressurreição nascemos com Jesus para a vitória da vida sobre a morte, morrendo nos salvou e ressuscitando nos glorificou. Cristo manan ona mate, Cristo nia moris hias lori mos vitória ba ita nobun nebé deposita fiar iha Maromak, ita nia esperança ba moris mai hikas ona, ita nia esperança hodi funu hasoru Covid-19, sei lori novidade foun, tan ita fiar iha Cristo, tan ita fiar iha estado, iha médico linha frente sira, iha autoridade defesa/segurança no entidade relevante sira.

 

Ita nia fuan manas tenik, ita nia fiar metin ba nafatin, ita nia solidariedade buras liu tan, buat hotu renovado iha Cristo nia moris hias tan domin (amor). Cada Semana Santa é uma oportunidade de revivermos o amor de Deus por nós e para que continuamos no caminho da conversão

 

Deseja boa saúde ba ita hotu durante Triduo Pascal ida ne’e. Feliz Páscoa, fortalece fiar iha Cristo Ressuscitado, reza mos ba médico no estado nebé tulun ita funu hasoru Covid-19, cumpri ordem estado tuir saida mak presidente decreta ona. Albert Einstein hameno: Algumas coisas são explicadas pela ciência, outras pela fé. A páscoa ou “pessach” é mais do que uma data, é mais do que ciência, é mais que fé, páscoa é amor. (ignas oliveira)

Leave a Reply

Your email address will not be published. Required fields are marked *