shadow
Diocese de Dili > NOTÍCIAS > Notícias > SUSPEITO COVID-19 AUMENTA BA 49

SUSPEITO COVID-19 AUMENTA BA 49

DILI 08 Abril 2020 – Governo liu husi ‘Centro Integrado Gestão de Crise (CIGC)’ anuncia ba público relaciona ho dados nebé recolha husi sistema de vigilância epidemológica Ministério de Saúde nian hatudu katak to’o ohin (08/04) tuku 12:00 meiodia hatudu “Suspeito ohin aumenta katak horseik (07/04) iha suspeito 46 no ohin (08/04) aumenta ba 49 significa iha ema nain 3 mak halo teste maibé sei hein resultado. Hirak nebé negativo aumenta ba 45 compara ho horseik (07/04) iha 51 no ohin (08/04) aumenta ba 45 no confirmado positivo nafatin ema nain 1.

Porta-voz ne’e haktuir “Confinamento/quarentena Obrigatório hamutuk ema nain 869 inclui Dili no Município sira. No Auto Confinamento/qurentena hamutuk ema nain 49. Total husi confinamento/quarentena Obrigatório no Auto Confinamento/qurentena hamutuk ema nain 918. Maske laiha número nebé Mak aumento ba confinamento/quarentena Obrigatório no Auto Confinamento/qurentena, maibé so aumento deit iha sira nebé passa ona 14 dias ba iha periodo de encubaçãos hamutuk 779, haktuir porta-voz Centro Integrado Gestão de Crise (CIGC) Diretora Geral Proteção Saúde Odete da Silva Viegas iha sala de situação Centro Convenção Dili quarta ne’e.

Odete da Silva Viegas bolu atenção ba cidadão sira nebé cumpre hela iha quarentena atu sira mantein regra ba distância social, hakmatek iha sira ida-idak nia fatin, atu nune’e minimiza contactos. (Alin/Leo)

Leave a Reply

Your email address will not be published. Required fields are marked *