shadow
Diocese de Dili > NOTÍCIAS > Notícias > BÊNÇÃO URBI ET ORBI HOUSI AMU PAPA FRANCISCO

BÊNÇÃO URBI ET ORBI HOUSI AMU PAPA FRANCISCO

PÁSCOA 2020

 

Maun alin no feton doben sira, Boa Páscoa

Ohin Igreja iha mundo, igreja haklaken Jesus Cristo moris hias ona, no moris hias duni. Ho roman foun notícia foun ida ne’e lakan iha kalan. Kalan mundo ida nebé luta hasoru obstáculo epocal sira no oras ne’e pandemia mai hanehan tan hodi koko tebes ita ema nia família bo’ot. Ohin kalan Santa Creda ninia lian ita rona fila fali, Cristo ha’u nia esperança moris hias fali ona. Ne’e contaminação seluk ida, nebé daet housi fuan ba fuan, atu ema ida idak ninia fuan simu Liafoun di’ak ida ne’e, mak contaminação esperança. Cristo ha’u nia esperança moris hias fali ona. Ne’e laos kona ba magia ida nebé halo hodi hamohu problema sira, laos, Jesus ninia moris hias laos mak ida ne’e. Maibé, mak vitória domin ninia hasoru buaat aat nia abut sira hotu. Vitoria ida nebé la troca sofrimento no mate, maibé nia hakaat liu housi dalan ida iha nakukun inferno nian hodi transforma buaat aat sai di’ak, marca exclusive Maromak ninia kbiit. Moris hias no Cruxifíco, laos buat seluk ida. Iha ninia futar Isin glorióso hatudu kanek be la lakon, kanek nebé sai tiha fali mata dalan ba esperança.  Ba Nia mak ita foti matan ba hodi Nia cura tiha humanidade nia kanek nebé hasusar. Ohin ha’u hanoin uluk liu kedas mak sira nebé Corona Virus afeta, hanoin iha ema moras sira, sira nebé mate ona no família sira nebé tanis tanba lakon ema sira be sira hadomi, nebé dala balun la tode mos atu fo saudaçao extrema. Na’i moris nian, simu hamutuk ba iha Ita bo’ot ba sira nebé mate ona, no haraik kbi’it ho esperança ba sira nebé oras ne’e hasoru hela prova ida ne’e, especialmente ema otas no ema sira nebé sente mes-mesak. Keta housik lerek tiha Ita bo’ot nia consolaçao no tulun sira be necessàrio tebes ba sira nebé iha condiçao particulamente vulneràvel tebes hanesan sira nebé serviço iha uma sira ema idoso nian, moris iha quartèis ou iha cadeia sira. Ba ita barak, páscoa ida ne’e hanesan páscoa solidão ida be ita halao iha luta no dificuldade barak nia laran tanba pandemia ne’e, hahu housi terus isin nian ba to’o problema econòmica nian. Moras ida ne’e laos ba de’it sira nebé nia hakarak ba, maibé mos iha possibilidade atu kona mos ema sira liu housi libur malu iha sacramento sira nebé ita celebra, especialmente iha sacramento eucaristia no reconciliaçao. Iha rai barak hakbesik-an ba ne’e, maibé Na’i la bele husik hela ami mesak, unido nafatin iha oraçao ami hatene katak Ita bo’ot tulun ami ho ita bo’ot futar liman. Ami dehan nafatin ho força katak lalika tauk, Ha’u moris hias ona no ha’u hamutuk nafatin ho o. Jesus ami nia páscoa haraik força no esperança ba medico no enfermeiro sira iha nebé de’it be fo sasin kona ba tau matan no hadomi ema seluk ho kbi’it tomak no sacrifice-an la hanoin mos sira ninia saude. Ba sira no mos ba sira hotu nebé serviço makas hodi garante serviço sira essencial no necessàrio iha convivência civil, ba força ordem nian, ba military sira nebé iha rai barak contribui ona hodi hakman populaçao ninia dificuldade no sofrimento, ami hanoin imi ho domin no agradece wa’in. Iha semana ida ne’e ema wa’in ba wa’in mak sira ninia moris muda lalais de’it, iha ema barak mak hela iha uma de’it ne’e ocasião ida atu reflete, hodi halo aat, halo ritmos frenéticos iha moris ne’e, hodi moris ksolok hamutuk ho ema sira nebé sira hadomi. Maibé, mai ita barak sai mos hanesan tempo preocupaçao nian ida ba buaat sira nebé sei mosu mai iha incerteza nia laran, preocupa atu lakon serviço, ho tan consequência seluk nebé mai housi crise atual ne’e. Ha’u encoraja sira hotu nebé iha responsabilidade política atu serviço aativamente nafatin ba cidadão sira nia di’ak, fornece meios ho instrumentos sira hotu nebé necessàrio hodi nune’e ema hotu bele halao moris dignitoso ida no favorece quando circumstância permite ona atu halao fila fali atividade cotidiana. Tempo ida ne’e mos laos tempo indiferença ida tanba mundo tomak sofre hela nune’e tem que unidos fila fali hodi hasoru pandemia. Jesus be moris hias fali haraik esperança ba ema ki’ak sira hotu, ba sira hotu nebé moris iha periferia, ba refugiado sira no ba sira nebé horik faatin laiha, la housik hela maun alin ho feton sira be kbi’it la’ek liu ne’e nebé mos populaçao cidade no periferia sira housi parte nebé de’it mundo ne’e nian. Ita keta housi sira kuran ba sira nia necessidade primària, dificil liu tan oran nee sira atu hetan tanba atividade barak taka, hanesan ne’e mos aimoruk sira, liu-liu possibilidade ba tulun adequada saude nian. Considera ba sircumstância ne’e hasa’e tan ona mos sançao internacional impede nação sira be sai destinatàrio ba ne’e, nune’e laiha kbi’it atu tau matan ba sira nia cidadão rasik. No condiciona estado hotu-hotu atu hatan ba necessidade maior sira iha momento ida ne’e, reduz, laos hamos dìvida maibé  hatodan tan sira be ki’ak liu ne’e ninia balanço. Oras ne’e laos tempo egoismo nian tanba obstàculo nebé ita hasoru hela dau-daun, kona hotu-hotu, la halo diferença ba ema. Entre rai barak iha mundo nebé Corona Virus kona ha’u hanoin especial ba Europa. Funu Mundial II hotu tiha, continente ida ne’e bele moris fila fali tanba espírito solidaridade concreto ida nebé permite nia manan rivalidade tempo uluk nian. Nune’e urgente tebes, liu-liu iha sircumstância loro-loron nian rivalidade ida ne’e la bele mosu fila fali, maibé atu hotu-hotu reconhece sai parte housi família ùnica ida nian no tulun malu ida ho ida seluk. Ohin, União Europeia hetan iha ninia oin desafio epocal ida nebé laos de’it ninia futuro mak sei depende ba maibé mundo tomak nia futuro mos. La bele lakon ocasião atu halo tan solidariedade, nune’e mos fo soluçao inovativa, alternativa mak de’it egoismo housi interesse particular sira no tentação atu fila fali ba tempo uluk ho ninia risco mak dificulta liu tan convivência pacìfica no desenvolvimento geração sira iha tempo oin mai. Laos tempo atu halo fali ida ne’e. Cristo ita nia páscoa haroman sira hotu nebé iha responsabilidade ba conflito sira atu sira hetan coragem hodi adere ba apelo cessar fogo global no imediaata iha mundo tomak. Oras ne’e laos tempo atu continua halo no fa’ankilaat sira ba mai, fakar osan bo’ot tebes nebé lolós usa ba cura ema no salva vida. Oras ne’e lolós sai tempo nebé bele hakotu; funo naruk be falun ho ran amada Siria, conflito Injeman, tensão iha Iraque, nune’e mos Líbano. Tempo ida ne’e mos mak lolós israelita no palestiniano sira bele hahu fila fali diálogo hodi hetan solução ida estável no doura hodi halo sira rua moris iha paz, hakotu população sira be moris iha região oriental Ukrania sira nia terus, para ona ho aatáque terrorista sira nian contra ema inocente barak tebes iha rai barak Àfrica nian. Tempo ida ne’e laos tempo haluhan nian. Crise nebé ita hasoru hela dadaun la bele halo ita haluha buaat emergência oioin nebé halo ema barak tebes terus. Na’i moris nian, hatudu-an besik ba população sira iha Àsia, Àfrica nebé hasoru hela crìse humanitària bo’ot hanesan iha região Cabo Delgado Moçambique nian, hamanas ema barak be sai refugiados, ema hanehan, tanba funu, tanba rai manran no tanba carestia. Hamahan ema wa’in be sai migrante no refugiados, sira barak mak mesak labarik de’it nebé moris iha condição la di’ak, especialmente sira iha Lìbya no iha fronteira entre Grècia ho Turquia. No ha’u lakohi haluhan ilha Lesbo. Halo Venezuela bele hetan solução concreta no imediata, permite fila fali tulun internacional nian ba população sira nebé terus tanba grave conjuntura política, socio-económica no saude. Maun alin no feton doben sira, indiferença, egoismo, divisão no haluhan laos laifuan sira nebé ita hakarak tebes atu rona iha tempo ida ne’e. Ita hakarak halakon iha tempo hotu-hotu, Noprevalece wa’inhira housi ita manan tiha tauk no mate, katak wa’inhira ita housi Na’i Jesus mak manan ita nia fuan no ita nia moris. Nia nebé halakon tiha ona mate no loke mai ita Estrada ba maksoin rohan laek, halakon nakukun housi ita nia humanidade be ki’ak no lori ita tama ba iha ninia loron glorioso nebé sei la lakon tan. Ho reflexão ida ne’e ha’u hakarak deseja ba imi hotu Páscoa di’ak.

 

Santo Padre Francisco haraik Indulgência Plenária tuir buat nebé Igreja estabelece ona ba sira hotu nebé simu ninia bênção, bele liu housi tecnologia comunicação oi-oin, no mos liu housi hamutuk espiritualmente de’it no ho hakarak tuir rito ida ne’e, ita reza ba Maromak bele halo hotu-hotu atu bele hametin Amu Papa bele ukun kleur Santa Creda, no haraik, paz no unidade ba Creda iha raiklaran tomak.

 

Traduzido Pelo : Departamento Comunicação da Arquidiocese de Dili

Vatican News, Link :  https://www.youtube.com/waatch?v=Yx-xSOzf1iU

Leave a Reply

Your email address will not be published. Required fields are marked *