shadow
Diocese de Dili > NOTÍCIAS > Notícias > TIMOROAN NAIN ‘6’ CONFIRMADO POSITIVO COVID-19, NAIN ‘1’ RECUPERADO

TIMOROAN NAIN ‘6’ CONFIRMADO POSITIVO COVID-19, NAIN ‘1’ RECUPERADO

DILI 14 Abril 2020 (DCAD) Governo liu husi ‘Centro Integrado Gestão de Crise (CIGC)’ anuncia ba público relaciona ho dados nebé recolha husi sistema de vigilância epidemológica Ministério de Saúde nian hatudu katak to’o ohin (14/04/2020) tuku 12:00 meiodia hatudu “caso confirmado positivo covid-19 hamutuk nain 6 no husi nain 6 ne’e ema nain ida ‘1’ recupera ona, haktuir Porta-voz Centro Integrado Gestão de Crise (CIGC) Dr. Rui Maria de Araujo iha sala de situação Centro Convenção Dili terça ne’e.

 “Total ema nebé iha confinamneto obrigatório ka quarentena iha ema nain 570, suspeito hamutuk ema nain 178. Husi 178 ne’e iha ema nain 34 mak sei hein resultado husi laboratório, iha nain 6 mak confirmado. Husi nain 6 nebé confirmado ne’e iha nain 1 recuperado, nain 5 mak oras ne’e iha fatin isolamento Vera Cruz ninian. Ne’e significa iha 24 horas ikus ne’e iha tan nain 2 mak resultado análize hatudu confirmado covid-19. Sira resto hatudu resultado negativo, dehan Porta-voz Centro Integrado Gestão de Crise (CIGC) Dr. Rui Maria de Araujo iha sala de situação Centro Convenção Dili terça ne’e.

Dr. Rui Maria de Araujo esplica mos tan katak “sira nain 5 nebé confirmado no ita halo isolamento iha Centro Vera Cruz, sira viagem hamutuk iha careta ida deit iha dia 1 de Abril husi Fronteira Motain mai too iha Hotel Katuas. Viagem ida ne’e sira halo iha auto carro ka bus ida nebé equipa epidemológica ministeiro Saúde nian aluga atu tula específicamente timoroan tama husi Fornteira mai. Auto carro ida ne’e la tula tan passageiro sira seluk. Auto carro ne’e mai ho motorista ida no ajudante rua. Auto carro ne’e nia naran Bintang chapa matrícula 37811 TLS, ninia motorista naran Deolindo Pereira. Motorista no ajudante nain rua ne’e oras ne’e dadauk iha quarentena Motain. Equipa de serviço halo hela serviço atu foti mos sira nia sampel hodi halo hela anilisis”. (Alin/Leo)

Leave a Reply

Your email address will not be published. Required fields are marked *