shadow
Diocese de Dili > NOTÍCIAS > Notícias > CIGC ENTREGA HIKAS CIDADÃO HAMUTUK 83 BA FAMÍLIA, RAZÃO CUMPRE ONA 14 DIAS QUARENTENA

CIGC ENTREGA HIKAS CIDADÃO HAMUTUK 83 BA FAMÍLIA, RAZÃO CUMPRE ONA 14 DIAS QUARENTENA

DILI 21 Abril 2020 (DCAD) – Governo liu husi Ministério de Saúde iha terça ne’e, hola decisão hodi entrega hikas cidadão nain 83 nebé subtitui hela Hotel tolu iha dili laran hanesan HOTEL COLMERA total feto (0), mane (15), Hotel TIME SQUARE total feto hamutuk (19), mane iha (17) no Hotel SK total feto (16) no mane iha (16) ba ida-Idak nia município tanba completa ona 14 dias iha quarentena. Cidadão hirak ne’e maioria husi município dili no Lospalos, inclui mos husi Ermera no Baucau.

Diretor Gabinete Nacional Política Cooperação Narcisio Fernandes hateten, “ohin ita hola decisão hodi entrega hikas cidadão nain 83 nebé subtitui hela Hotel tolu iha dili laran ba ida-Idak nia família iha município tanba completa ona 14 dias iha quarentena. Cidadão hirak ne’e maioria husi município dili no Lospalos, inclui mos husi Ermera no Baucau. Cidadão hirak ne’e tama husi fronteira iha loron 7 abril 2020 no agora completa ona 14 dias hela iha quarentena hanesan iha HOTEL COLMERA, HOTEL TIME SQUARE no HOTEL SK hamutuk nain 83, dehan Narcisio Fernandes terça ne’e iha Hotel TIME SQUARE Fatuhada Dili.

Diretor Gabinete Nacional Política Cooperação Narcisio Fernandes nafatin recomenda ba cidadão sira nebé cumpre ona 14 dia iha quarentena atu ida-daik nafatin halo contacto ho pessoal saúde sira liuliu serviço vigilância Epidemologia se mosu sintomas ruma atu nune’e bele hetan assistência. (Leo)

Leave a Reply

Your email address will not be published. Required fields are marked *