Primeira Leitura Act. 5. 27-33
Lia husi Livro Apóstolo sira nia hahalok:
Iha loron hirak nebá, comandante templo nianno guarda sira lori Apóstolo sira hodi ba to’o iha tesi lia Na’in sira oin. Sacerdote bo’ot hateten nune’e ba Apóstolo sira: “Ami hateten ona atu imi la bele hanourin hodi Jesus nia naran. Maibé, imi hanourin liu imi nia doutrina iha Jerusalém tomak; imi hakarak mos du’un ema ne’e nia ran mai ami”. Pedro ho Apóstolo sira hatan: “Ami tenki halo tuir Maromak Nia hakarak liu ema sira nian. Ita amtu’ak sira nia Maromak halo moris hi’as Jesus, Jesus ida nebé imi oho hodi hedi ba Cruz. Maromak ho biit hahí duni Nia, halo Nia sai duni Na’i ulun no Maksoi, atu Nia bele halo Israel hakribi sala hodi hetan perdua. Ami fó lia sasin ba buat hirak ne’e, ami ho Espírito Santo, Espírito nebé Maromak haraik ba ema sira nebé tuir Nia hakaran”. Uainhira rona tiha sira, judeu sira ulun laran sai nakali teb-tebes no buka maka’as atu oho sira hotu.
Maromak Futar Lia.
Salmo Responsorial Sal. 33(34). 2, 9, 17-18, 19-20 (R. cf. 7ª)
Refrão : Ema kiak harohan Na’i rona nia!!! Repete-se
Hanai nafatin ha’u Na’i,
Ha’u ibun hahí kalan loron.
Koko ba hodi hare oinsá Na’i nia di’ak,
Ksolok tebes ida be hôrik iha Nia. Refrao
Na’i hirus hasouro ema áat sira
Atu halakon sira naran housi rai klaran.
Na’i sei rona ema laran di’ak sira nia hakilar,
Sei soi sira housi nia susar laran. Refrao
Na’i besik fuan sira be hakribi salan,
Titu hein atu soi sira be laran nakraik
Terus oi-oin monu ba ema laran mos nia leten;
Maibé Maromak sei soi nia housi terus hotu. Refrão
Aclamação Jo. 20. 29
Refrão : Aleluia, Aleluia!! Repete-se
Jesus lia tun teni ba Tomé: “Ó fiar tan ó hare tiha Ha’u.
Ksolok ba sira nebé la fiar maski la haré”. Refrão
Evangelho Jo. 3. 31-36
† Na’i Jesus Cristo nia Evangelho nu’udar São João haktuir:
Iha tempo nebá, Jesus lia tun ba Nicodemos: “Ida nebé mai housi áas, Nia iha ema hot-hotu nia leten; ida nebé rai ne’e nian, nia pertence ba rai, nia ko’alia kona ba rai nian. Ida nebé mai housi Lalehan, Nia iha ema hot-hotu nia leten; Nia fó sasin kona ba buat nebé nia haré no rona, maibé ema ida la simu Nia sasin. Ida nebé simu Nia sasin, nia laran metin katak Maromak lós ida de’it. Ida nebé Maromak haruka mai, nia fó sai Maromak Nia liafuan, basá Maromak Nia Espírito ita ema labele sukat. Aman hadomi Oan no saran buat tomak ba Nia liman. Ema nebé fiar iha Oan, hetan Moris rohan laek. Ida nebé lakohi fiar iha Maromak Oan, sei la haré moris, maibé Maromak Nia hirus hela iha nia”.
Lia Maksoyn.
