Primeira Leitura Act. 13. 44-52
Lia husi livro Apóstolo sira nia hahalok:
Iha sábado be tuir mai, Paulo ho Barnabé hela iha Antioquia pisídia nian. Ema cidade laran tomak mai halibur hamutuk atu roma Maromak nia liafuan. Haré ba lubun boot ne’e, Judeu sira laran moras teb-tebes, hodi hasara Paulo ho lia tolok no lia áat. Ho aten boot, Paulo ho Bernabé hateten: “Uluk knana’in, ami haklaken Maromak nia liafuan ba imi. Maibé, tan imi la simu liafuan ne’e, tan imi rasik hanoin katak imi la so’I atu simu moris rohan laek, ami fila oin ba ema gentio sira. Basá, Na’i haruka ami halo nune’e: ‘Ha’u foti ó nu’udar roman ba nação hotu, atu ó bele lori maksoin la’o lemo rai’.
Rona tiha lia hirak ne’e, ema gentio sira laran ksolok teb-tebes, hodi hahi Na’i nia liafuan. Ema hot-hotu nebé Maromak fihir ona atu simu moris rohan laek, ema sira ne’e fó duni laran hodi fiar. Nune’e, Na’i nia liafuan namkari iha fatin tomak nebá. Maibé, Judeu sira hasa’e lia ba na’in ulun feto sira be hamta’uk, Maromak no na’in ulun mane sira cidade nian, atu sira funu hasoru Paulo ho Bernabé, to’o duni sai sira na’in rua husi sira rain. Paulo ho Bernabé, to’o duni sai sira na’in rua husi sira rain. Paulo ho Bernabé liki tiha rai-rahun husi sira ain, hafoin sira na’in rua liu ba rai Icónio. Escolante sira fali haksolok teb-tebes, tan Espírito Santo hela ho sira.
Maromak Futar Lia.
Salmo Responsorial Sal. 97(98). 1, 2-3ab, 3cd-4 (R. 3cd)
Refrão : Rai-ikun rai-ulun haré Maromak nia maksoyn!!! Repete-se
Ou Aleluia!
Hananu ba Na’i knananuk foun ida,
Basá nia halo buat mesak kmanek.
Nia futar liman lós manan funu;
Manan ho nia fuatr liman santo. Refrão
Na’i fó hatene nia maksoin;
Nia hatudu justiça ba nação sira hotu.
Nia hanoin nia domin no laran lós,
Ba Israel uman. Refrão
Rai-ikun rai-ulun fó sasin,
Maksoin ita Maromak nian.
Rai tomak haklaken Na’i,
Haklalak ho ksolok no hananu. Refrão
Aclamação Jo. 8. 31b-32
Refrão : Aleluia, Aleluia!! Repete-se
Na’i lia tun: “imi halo tuir karik nafatin Ha’u nia liafuan,
imi Ha’u nia escolante tebes; imi sei hatene lialós”. Refrão
Evangelho Jo. 14. 7-14
† Na’i Jesus Cristo nia Evangelho nu’udar São João haktuir:
Iha tempo nebá, Jesus hateten ba escolante sira: “Imi hatene Ha’u karik, imi sei hatene mós Ha’u Aman. Oras ne’e, imi hatene ona, imi haré ona Nia”. Filipe dehan ba Jesus: “Na’i, hatudo Aman Maromak mai ami, ne’e de’it to’o ona”. Jesus simu ba nia: “Ha’u hela kleur ona ho imi, imi seidauk hatene ha’u, Filipe?
Ema nebé haré ha’u, haré Ha’u Aman. Tansá ó dehan: ‘Hatudo Aman Maromak mai ami?’ Ó la fiar katak hela ho Aman Maromak, Aman Maromak hela ho Ha’u? lia hirak nebé ha’u hela ho imi, ha’u la dehan hodi ha’u-an rasik; Ha’u Aman nebé hela ho ha’u, nia mak halo hahalok hirak ne’e. fiar iha ha’u, ha’u hela ho Aman Maromak, Aman Maromak hela ho ha’u, buka fiar netik tan hahalok hirak ne’e.
Tebes, Ha’u dehan lialós ba imi: Ema nebé fiar Ha’u, sei halo mós buat hirak nebé Ha’u halo; nia sei halo boot liu tan hirak ne’e tamba Ha’u atu la’o ba Aman. Buat naran de’it nebé imi husu hodi ha’u nia naran, ha’u sei halo, atu Aman hetan glória iha oan mane; imi husu karik buat ida hodi ha’u nia naran, ha’u sei halo”.
Lia Maksoyn.
