shadow
Diocese de Dili > NOTÍCIAS > Notícias > AÇÃO CNRT INVADE MESA PARLAMENTO NE’E CRIME

AÇÃO CNRT INVADE MESA PARLAMENTO NE’E CRIME

DILI 18 Maio 2020 (DCAD) – Primeira Vice Parlamento Nacional deputada Maria Angelina Sarmento declara ação sira nebé invade mesa Parlamento significa deputado sira ne’e comete crime ida nebé impede funcionamento normal vice Presidente sira nian atu preside Plenária.

“Primeiro ha’u hakarak dehan katak deputados sira nebé mak tur iha mesa Parlamento nian hanesan Presidente Parlamento Nacional ho nia Vice nain rua no secretaria da mesa sira. Deputado sira CNRT nian ohin halo ona crime tanba sira invade ona mesa Parlamento Nacional nian, tanba deputado sira ne’e laos de’it sira nia competencia atu tur iha fatin refere, haktuir Primeira Vice Parlamento Nacional deputada Maria Angelina Sarmento segunda ne’e iha Parlamento Nacional.

Maria Angelina Sarmento salienta katak acto invasão husi deputados Partido CNRT sira sae hamrik hotu iha mesa Parlamento nian ne’e significa sira la consege debate ho argumento. Sira só bele halo ho violencia de’it mak sira bele manan. Tanba ne’e, se iha razão karik tanba saida mak la tur iha ida-idak nia fatin hodi debate ho argumento. Se ataca ona ho violencia ne’e significa razão lakon ona ou laiha ona razão no legalidade.   

Maria Angelina Sarmento argumenta tan katak, ba oin ami sei hare quando sira ataka nafatin mesa Parlamento Nacional, ami tem que hola ação ida que sério katak hakarak ka lakohi tem que husu PNTL ninia atuação.

Vice Presidente Parlamento Nacional ne’e argumenta tan katak Iha Regimento Parlamento Nacional artigo 14 Número 4 haktuir, quando Presidente Parlamento falta ka iha inpedimento ruma, maka sei substitui rotativamente husi Vice Presidente sira. Nune’e mós Regimento Parlamento Nacional artigo 22 Número 1 haktuir mós katak Vice Presidente sira sei substitui rotativamente wainhira Presidente Parlamento falta ka iha inpedimento ruma. No karik Vice Presidente rua ne’e laiha hotu, Deputado ida nebé katuas liu bele assume fali responsabilidade hodi lidera plenária. (Leo S’mauS)

Leave a Reply

Your email address will not be published. Required fields are marked *