shadow
Diocese de Dili > NOTÍCIAS > Notícias > CONSELHO MINISTRO APROVA PROJETO DELIBERAÇÃO NE’EBÉ APRESENTA HUSI MINISTRO FINANÇA

CONSELHO MINISTRO APROVA PROJETO DELIBERAÇÃO NE’EBÉ APRESENTA HUSI MINISTRO FINANÇA

DILI 3 Junho 2020 (DCAD) – Iha Sorumutuk Ministros nian iha loron 3 fulan Junho tinan 2020 iha Palácio do Governo Dili quarta semana nee, Conselho Ministro aprova projeto deliberação ne’ebé apresenta husi Ministro Finança Fernando Hanjam, ne’ebé fixa valor dotação orçamental temporária referente ba fulan junho tinan 2020 dolar Americano millão 122,3 (inclui pagamento ba empréstimo). Hosi valor despeza hirak ne’e, inclui mos dolar Americano millão 3,3 hodi halo pagamento ba Nakroma Il no millão hitu dolar Americano hodi assegura pagamento subsídio extraordinário ho 60% hosi remuneração, iha ámbito medida hodi fo apoio ba emprego.

Ministro Presidencia Conselho Ministro (MPCM) Fidelis Manuel Leite Magalhães haktuir, Ministro Finança apresenta Proposta Lei, ne’ebé aprova ona iha Conselho Ministro kona-ba autorização hodi realiza transferência extraordinária hosi Fundo Petrolífero no mos alteração dahuluk ba Lei no. 2/2020, loron-6 fulan abril nian, ne’ebé cria Fundo COVID-19.

Fidelis Manuel Leite Magalhães reforça tan, resseita hirak ne’ebé mai hosi resseita fiscal no saldu execução orçamental hosi tinan kotuk nian, ne’ebé complementa hosi transferência extraordinário hosi Fundo Petrolífero, autorizado hosi Lei no. 2/2020, loron 6 fulan abril nian, la suficiente atu financia actividade regular Administração Pública nian, além de fulan agosto nian no montante neebé atribui ba Fundo KOVlD-19 hatudu katak la cobre despeza tomak neebé previsto tuir medida prevensão no combate ba pandemia KOVlD-19.

Governante nee hateten, Diploma ida ne’e ho objetivo atu fo autorização atu realiza transferência extraordinário hosi Fundu Petrolífero ba Orçamentu Geral Estado ho valor 286. 800. 000 dolar Americano hodi garante condição finanseiro suficiente ba funcionamento normal Administração Pública to’o loron ne’ebé prova ona Orçamento Geral Estado nian ba 2020. Proposta Lei ne’e mos sei hetan alteração dahuluk hosi Lei no. 2/2020, loron-6 fulan abril nian, ne’ebé autoriza hodi realiza transferência extraordinária hosi Fundu Petrolífero iha tinan financeiro 2020 no cria Fundu KOVID-19. Finalidade hosi Fundu ne’e sei financia mós medida ba apoio económico no proteção social hodi hatan ba consequência económica kona ba medida prevensão no combate ba moras KOVID-19 no crize económica mundial ne’ebe provoca hosi pandemia no mós despeza ba funcionamento fundo ne’e rasik.

Tuir Fidelis Manuel Leite Magalhães katak, Conselho Ministro aprova Proposta Lei, ne’ebe apresenta hosi Ministro Finança ba alteração dahuluk ba Lei no. 14/2009, loron 21 fulan outubro nian, kona-ba Estatuto Remuneratório ba Titular cargu Político sira. (L.S’mauS)

Leave a Reply

Your email address will not be published. Required fields are marked *