shadow
Diocese de Dili > NOTÍCIAS > Notícias > MSSI ANUNCIA ONA DATA PAGAMENTO SUBSÍDIO $ 100 BA UMA KAIN

MSSI ANUNCIA ONA DATA PAGAMENTO SUBSÍDIO $ 100 BA UMA KAIN

DILI 3 Junho 2020 (DCAD) – Ministério Solidariedade Social no Inclusão Armanda Berta dos Santos quarta semana ne’e fo sai ona data fixa relaciona ho pagamento subsídio $ 100 ba cada uma kain hamutuk 298.119 iha município 12 la inclui RAEOA-Oe-Cusse.

Vice Primeira Ministra e Ministra Solidariedade Social no Inclusão iha Salão MSSI Caicoli Dili quarta ne’e hateten, Pandemia covid-19 iha timor-leste no declaração estadu emergência fó impacto ba vida social povo nian no hamosu problema social. Ho nune’e, governu timor-leste liu housi ministério solidariedade social no inclusão foti medidas intervensão ho programa apoio monetário ba uma-kain sira ne’ebé precisa liu iha território tomak.

Tuir Vice Primeira Ministra e Ministra Solidariedade Social no Inclusão katak, Apoio monetário sei beneficia uma-kain hamutuk 298.119 iha município 12 la inclui RAEOA-Oe-Cusse, nune’e transferência ho montantante $ 59,623,800.00 coresponde ba pagamento apoio monetário uma-kain ba fulan rua hamutuk $ 200 (dolares americano).

Vice Primeira Ministra e Ministra Solidariedade Social no Inclusão hatutan tan, Objetivo housi apoio monetário ne’e hodi garante sustenta família sira no apoia lacuna despezas tanba situação covid-19.

Nia parte husu ba uma-kain sira atu colabora ho equipa pagamento to’o iha momento equipa tun ba iha suco no aldeia ba realização pagamento. Além ne’e husu mos parte hotu-hotu nia colaboração no serviço hamutuk ba mantein paz, estabilidade no cumprimento ba requisitos no lei ne’ebé vigora durante processo ne’e.

Liu tan ne’e Ministério Solidariedade Social no Inclusão Armanda Berta dos Santos clarifica katak, Calendário no processo pagamento ne’ebé sei hala’o uluk iha 12 município sei hahu iha tersa-feira, loron 09 junho 2020, sei realiza iha sucos tuir horário pagamento ne’ebé iha.

Governante ne’e mos husu ba chefe uma-kain sira atu marca presença iha centro pagamento tuir orário pagamento no cumpre ba orientação housi ministério saúde no ODS kona ba distância físico no distância social. (Alin Gama)

Leave a Reply

Your email address will not be published. Required fields are marked *