shadow
Diocese de Dili > NOTÍCIAS > Notícias > OGE 2020 APRESENTA NO HETAN ONA APROVAÇÃO HOUSI CONSELHO MINISTRO

OGE 2020 APRESENTA NO HETAN ONA APROVAÇÃO HOUSI CONSELHO MINISTRO

DILI 3 Junho 2020 (DCAD) – Vice Ministra Finanças Sara Lobo Brites iha entrevista iha quarta (03/06) semana ne’e iha Palácio do Governo Dili hateten Orçamento Geral do Estado (OGE) 2020, iha fulan Maio nia laran, ami apresenta ona calendário no hetan ona aprovação housi Conselho Ministro.

“Oras ne’e daudaun ministério Finanças ninia técnico sira serviço hamutuk ho ministério sira seluk atu halo levantamento kona ba dados. Tuir calendário tanba ita prepara orçamento na praticamente ba tinan 2020 nia laran, maibé execução quase la’o ho douadécimo. Então ita sei habadak tempo iha processo barak liu-liu processo sira hanesan jornada do orçamento sei realiza para ita bele cumpre calendário nebé mak Conselho Ministro iha dia 30 de Julho aprova iha Conselho Ministro, tenik Sara Lobo Brites”

Tuir Sara Lobo katak submissão ba Parlamento ne’e depende coordenação entre ministro assuntos Parlamentares atu hare calendário Parlamento Nacional nian rasik;

“ita hatene Parlamento mos iha periodo recepção nebé mak acontece iha fulan julho to’o Setembro. Então ami hein hela ordem housi Ministro Assuntos Parlamentares, atu hatene data nebé mak  Ministério Finanças liu housi Sua excelência Primeiro Ministro ba iha Parlamento Nacional, dehan Sara Lobo”

Governante ne’e hateten, Montante housi Orçamento Geral do Estado 2020 hau seidauk bele fo sai tanba agora iha hela fase início, maibé que certo despesas sira ne’e acontece ona iha durante periodo doudécimo ita sei enquadra hotu no assegura mos despesas durante fulan tolu. Tanba ne’e ami seidauk iha dadus final, maibé preparação ne’e ita prepara ba Orçamento Geral do Estado 2020-2021 dala ida. Agora daudaun ami focus hela ba Orçamento 2020 enquanto orçamento 2021 sei hein lai membro guverno sira seluk simu tiha posse.

Tuir Sara Lobo katak Ita halo processu Orçamento Geral do Estado ba tinan rua (2020-2021) dala ida deit, maibé calendário mak iha diferente. No calendário ba orçamento 2021 ne’e tuir Leí. (L.S’mauS)

Leave a Reply

Your email address will not be published. Required fields are marked *