shadow
Diocese de Dili > NOTÍCIAS > REFLEXÃO > MAROMAK IDA DEIT IHA PESSOA: AMAN, OAN NO ESPÍRITO SANTO.

MAROMAK IDA DEIT IHA PESSOA: AMAN, OAN NO ESPÍRITO SANTO.

SOLENIDADESANTÍSSIMA TRINDADE /Ano A/2020

Êx 34,4b-6.8-9; 2Cor 13,11-13; Jo 3,16-18;

 

Papa Francisco dehan: Com a Santíssima Trindade, Pai, Filho e Espírito Santo podemos ser fermento de comunhão e misericórdia.Liu tiha Solenidade Pentecoste (a descida do Espírito Santo à Nossa Senhora e os apóstolos), Domingo semana ne’e, Cristão (Católico) tomak celebra hikas solenidade Santíssima Trindade. Ba ita sarani Católico, Santíssima Trindade ne’e mistério boot ida iha fiar Catolicismo nebé ita la consegue entende ho kakutak ema nian (humana). Leitura sira sei tulun ita hodi loke neon hodi compreende no fiar tuir óculo Bíblia Sagrada nian. Housi ne’e, ita bele fiar no moris tuir doutrina Católica ba Santíssima Trindade. Padre Raniero Cantalamessa hatete: “O Pai é, na Trindade, aquele que ama, a fonte e o princípio de tudo; o Filho é aquele que é amado; o Espírito Santo é o amor com o qual se amam”.

Tan fe Cristão (Catolicismo) nebé ita simu, ita bele  iha convicção ida katak; ita nia história moris ho universo ida ne’e, hahú no remata iha Domin Aman, Oan no Espírito Santo. Expressão ne’e significa katak maromak laos Ser ida nebé Mes-mesak maibé Ser ida nebé comunhão perfeita (Uno e Trino= Um Deus em Pai, Filho e Espírito Santo).

Nune’e, saida mak Bíblia Sagrada ho Catecismo Igreja Católica koalia sobre Santíssima Trindade?

Compêndio Catecismo Igreja Católica explica ho maneira ida ne’e: “mistério central housi fé no housi moris cristão mak mistério Santíssima Trindade. Cristão sira simu baptismo iha Aman, Oan no Espírito Santo naran” (CCIC, 44).

Liu tan Compêndia Catecismo da Igreja Católica explica katak; Igreja (Católica) exprime ninia fiar trinitário hodi confessa katak Maromak ida deit iha pessoa tolu: Aman, Oan no Espírito Santo. Pessoa tolu ne’e ho natureza Maromak mesak ida deit (Monoteismo) basá, ida-idak idêntico ba plenitude (kepenuhan) housi única no indivisível natureza divina. Sira realmente distinta entre sira housi relação ida ho ida seluk nebé la bele haketak malu; Aman hahoris Oan, Oan hahu-An housi Aman no Espírito Santo mai housi Aman no Oan (o Pai gera o Filho, o Filho é gerado pelo Pai, o Espírito Santo procede do Pai e do Filho) (CCIC, 48)”.

Ita nu’udar Cristão Católico nu’udar fiar na’in ba religião nebé fiar Maromak ida deit (monoteismo). Ita fiar ba Maromak ida maibé laos Maromak nebé mes-mesak (Solitario). Oinsa Maromak ne’e bele hadomi se nia mes-mesak. Maromak bele expressa domin ne’e sofisticado (perfeitamente) wainhira domin ne’e expressa iha pessoa trindade ne’e. Hanesan mos Família ida nebé iha laran composto housi Aman, Oan no Fen Kaben. Hanesan mos comunidade ida nebé composto housi ema lobuk ida laos composto housi ema mesak ida deit.

Iha Antigo Testamento hakerek: “Na’i, Na’i, Maromak nebé laran luak tebes, la hirus lalais, hadomi la bosok” (Êx 34,6). Maromak nu’udar Domin, hatudu-An ba Mosies no ba ita nobun hodi hasé ita nu’udar belun. Nune’e, Maromak hatudu identidade nu’udar Na’i ba ita hodi hatene katak Maromak nakonu ho Domin, we=matan graça, fiel ba Ninia promessa absolutamente,

São Paulo ba sarani sira iha Corinto hakerek: “Na’i Jesus Cristo nia graça, Maromak nia domin, Espírito Santo nia tulun malu hela hamutuk ho imi hotu (2Cor 13,13). Importante tebes atu ita tau atenção basá, São Paulo temin pessoa tolu ne’e; Pai, Filho (Jesus Crsito) no Espírito Santo tu-tuir malu nu’udar união ida. Nune’e, se ita reza (hamulak), ita comunica ho Pessoa tolu ne’e. Formula oração hanesan ne’e, afinal hahu ona desde tradição Antiga Igreja nian.

 

Relato Evangelho São João, apresenta conversa entre Jesus ho Nicodemos; Jesus dehan:“Maromak hadomi teb-tebes mundo…….”(Jo 3,16). João Evangelista hakarak afirma katak; ema nebé la hadomi ou la conhece domin, nia la conhece Maromak basá, nu’udar Papa Emérito Bento XVI hakerek iha ninia encíclica tenik; Deus Caritas Est (Deus é Amor). Liu tan Bento XVI hakerek:Para quem tem fé, todo o universo fala de Deus Uno e Trino.

 

Nu’udar sarani Católico, ita hatene no fiar katak Maromak hadomi tebes ita. Tan Maromak mak Domin, ema nebé hadomi, nia horik iha Na’i no Na’i horik ho nia. Aman Maromak hadomi Oan (Jesus Cristo) hamutuk ho espírito Santo hadomi hikas ita nobun. Maibé, Maromak sei hadomi ita wainhira ita mos hadomi ema seluk (laos ema housi ita nia partido, ita nia grupo, ita ia família). Basá, Maromak presente iha ema ida-idak. Tan ne’e, se ita hadomi (tulun/ajuda) ema nebé pertence deit ba ita nia grupo partidário ou grupo arte marciais ou grupo koran, Maroamk hatene hela katak ne’e laos domin. Ba ida ne’e, padre Joãozinho explica:“Deus não é solitário, Deus é solidariedade! Deus é Pai, é Filho e é Espírito Santo, Deus é família: é Pai e Filho, Ele é o Espírito que existe entre o Pai e o Filho. Deus é Pessoa. A Trindade não é uma composição de três indivíduos, mas de Três Pessoas e pessoa se dá na relação, ou seja, o Pai é pai porque tem filho, o Filho é filho porque tem Pai e os dois são pai e filho porque tem uma paternidade filiação garantida pelo Espírito que há entre os dois. Isso é a Santíssima Trindade, uma relação de amor: o Pai é o amante, o Filho é o amado e o Espírito Santo é o amor do Pai e do Filho”.

Tanba ne’e, atu ita hahi-adora Santíssima Trindade tuir lolos, laos hahi deit Maromak nebé mes-mesak maibé, nu’udar união ida reciprocamente entre Aman, Oan no Espírito Santo. Hahi-adora Santíssima Trindade nu’udar expressão disponível hodi fo honra no hadomi ita nia maluk sira, se se deit, basá, Maromak Trindade nebé ita adora, Nia mos presente iha ita nia maluk sira.

Tansa tenke nune’e? Tan Maromak Trindade nu’udar we-matan (fontes-sumber) relação no comunicação entre ema hotu. Maromak Trindade nu’udar realização moris Trindade nebé dinámico. Movimento de comunicação ida, relação domin. Tanba, Catolico ida qualidade fiar provado housi modelo moris trinitario dinámico significa; hadomi malu iha união Aman, Oan no Espírito Santo. Ne’e mak modelo comunicação nebé hatudu unidade no fidelidade iha comunidade eclesial hotu.

Iha Santíssima Trindade, ita aprende oinsa ita bele cria unidade entre família, suco, povo no religião. Trindade hanorin ita oinsa ita bele unifica hanoin diak sira nebé divergente li-liu hahú ho forma sociedade ida nebé kaer ba modelo Trindade no laos basea ba cor política quabto mais relação familiar deit.

Maske mistério Santíssima Trindade susar tebes atu ita sura ho matemática kakutak nian maibé, naroman fiar nian, tulun tebes ita hodi entende no fiar Maromak ida deit iha pessoa; Aman, Oan no Espírito Santo. Iha liturgia (Missa), ita rona bebeik formulação ne’e: Na’i Jesus Cristo nia graça, Maromak Aman nia domin hamutuk ho Espírito Santo hela ho imi (ita).Moris lor-loron mos hafurak ho presença Trindade wainhira ita reza; Hodi Padre, hodi Filho no hodi Espírito Santo. Kmanek tebes wainhira ita nia ibun temi formulaoração ne’e hodi hanoin Maromak ida deit nu’udar comunhão ida iha Igreja Católica.

Padre Joãozinho explica liu tan katak: “A nossa compreensão do Mistério da Trindade é muito mais o ser compreendido por este mistério, ou seja, estar mergulhado no mistério por uma ação de fé que procura refletir, uma fé inteligente, mas ao mesmo tempo, uma fé vivida, testemunhada”.

Nune’e, ita conclui reflexão ida ne’e hodi entende ho matan fiar nian katak; Santíssima Trindade ne’e nu’udar mistério fiar nebé boot iha história Cristianismo nian. Entre hirak ne’e hotu, ita agradece nafatin ba Maromak; Aman, Oan no Espírito Santo tan, Nia domin be horik nafatin ho ita housi tempo ba tempo. Jesus rasik confirma lia fuan ne’e hodi fo laran metin (esperança) ba apóstolo sira katak; Hau sei horik ho imi too mundo nia rohan.

          Nune’e, saida mak ita precisa halo hodi hola parte iha Santíssima Trindade nia moris? Buat nebé importante mak, ita nu’udar sarani Católico, precisa comporta didiak, halao moris tuir doutrina Trindade nu’udar Jesus hanorin nanis hodi tau fiar metin ba Maromak Santíssima Trindade sem condição. Assim Seja e Bem Haja. (IgnasOliveira2020)

Leave a Reply

Your email address will not be published. Required fields are marked *