shadow
Diocese de Dili > NOTÍCIAS > Notícias > Ramos Horta La Concorda Ho Leí Criminaliza Defamação

Ramos Horta La Concorda Ho Leí Criminaliza Defamação

DILI 10 Junho 2020 (DCAD)- Eis  Presidente da República José Ramos Horta la concorda politíca Ministro Justica Manuel Canceres, nebé altera codigo processu penal no reativa hikas proposta Leí konaba Criminaliza Defamação. Liafuan hirak ne’e hato’o housi Laureado Nobel da Páz José Ramos Horta iha ninia residencia Metiaut Dili Quarta semana ne’e.

“Ha’u rasik la concorda ho Leí difamação ne’e tanba ho rezultado mai housi luta ba independencia maka liberdade. Ita bele la iha buat barak ka ita bele kiak teb-tebes no ita bele hateten rezultado housi independencia ne’e saida, ema balun bele hateten katak tinan rua nulu liu tiha povo nia vida nafatin ida ne’e mak ha’u la concorda.”

Buat ida nebé realidade mak ne’e fo independencia no fo liberdade total ba povo atu bele koalia no povo mos bele hato’o sira nia opinião ruma iha intenção politica tanba gúverno ho estado la’os dehan povo labele bo’ok no labele critica. Dehan Laureado Novel da Páz José Ramos Horta.

Eis presidente ne’e hatutan Leí difamação ne’e karik aprova duni, então jornalista sira mos começa tauk, estudante sira mos tauk no sociedade sira mos tauk tanba Leí ida ne’e bele lori sira ba tribunal no Becora, nebé di’ak liu lalika aprova Leí difamação ne’e.

Di’ak liu Gúverno concentra ba prioridade nacional maka covid-19, continua politica di’ak ba prevenção no recoperação economica haré apoiu comunidade sira, apoia agricultura, sigurança alimentar, be’e mo’os, educação no Saúde.

Guverno ida agora ne’e ba tinan rua ho balun de’it tanba ne’e husu ba gúverno ho deputado sira lalika lakon kbi’it energia iha parlamento atu descute. Tenik eis presidente da República hafoin lança programa Rai Matak iha residencia José Ramos Horta Metiaut-Dili. (L. S’mauS)

Leave a Reply

Your email address will not be published. Required fields are marked *