shadow
Diocese de Dili > NOTÍCIAS > Notícias > União Europeia no Oxfam Lansa “Rai Matak” Agricultura Carbono atu Beneficia Geração Futuro iha TL

União Europeia no Oxfam Lansa “Rai Matak” Agricultura Carbono atu Beneficia Geração Futuro iha TL

DILI 10 Junho 2020 (DCAD)- União Europeia no Oxfam lansa Programa “Rai Matak” Agricultura Carbono atu beneficia geração Futuro iha TL ne’e iha residencia Dr. José Ramos Horta Metiaut Dili Quarta ohin.

Ohin anúncia iniciativa ida ba cultivo ho menus emição ba carbono ho certificado international mak sei realiza housi agricultor atus ida housi Timor-Leste atu kuda no halo cultivo ba floresta produtivo iha rai desflorestado.

Objectivo ba programa ida ne’e atu fortalece economia iha aldeia sira no sencibiliza kona ba degradação ambiental ho ligação ba agrofloresta ho certificado comercio carbono internacional. Ida ne’e basea ba experiencia ho sucessu housi agricultura carbono iha Baquia-Baucau, mak disponibiliza conhecimento no financiamento ba comunidade rurais intersado sira maktuir criterio balun iha TL laran.

Iniciativa ida ne’e sei resulta iha ai-hun 400.000 ho armazenamento ba carbono liu tonelada 400.000 ida ne’e sei iha impacto direto positivo ba economia housi agricultura 2.000 no ba membro familia sira nain 6.000 to’o 10.000.

Programa Rai Matak sei servico hamutuk ho agricultur sira atu sukat carbono armagenado iha sira nia ai-hun no sei fa’an carbono ida ne’e ba mercado carbono internacional sira.

Iha sorin seluk tuir embaixador União Europeia ba TL Andrew Jacobs haktuir “Ha’u sente orgulho tebes tanba ohin lanca Rai Matak. Iniciativa ba economia Matak ida ne’e sei reduz emição ba carbono mak provoca mudanca climatica, sei lori rendimento ba agricultor Timor-oan sira, halo reflorestação ba area mak ambientalmente degradado no sei ajuda comunidade sira atu desenvolve. Ida querente ho European Green Deal –hanesan UE nia estrategia rasik ba desenvolvimento mak haketak desenvolvimento economico housi uza recurco sira atu nune’e labele halo emição liquido ba Gás sira ho efeito estufa to’o 2050.”

Iha fatin hanesan diretora nacional Oxfam TL  Kathy Richards hateten Agricultura carbono ne’e situação mana’an ba TL. Iha potencia atu aumenta agricultor sira nia rendimento anual no atu facilita desenvolvimento economico local no mos sei lori beneficio ba rai no ambiente no hadia seguranca alimentar.

Manager housi fundacão “Ho Musan Ida” Leopoldina Gúterres esplica katak agricultor ai-hun sira housi Baquia manaan sira nia rendimento housi agricultura menus redução ba carbono iha tinan sanulu nia laran no sira contente atu ajuda comunidade sira seluk iha TL, atu implementa programa housi Rai Matak no atu hari’i relacionamento ida mak forte, duradoru no positivo atu beneficia geração sira iha futuro.

Participação housi lancamento programa Rai Matak ne’e housi membro União Europeia, Membro Oxfam nian iha TL no inclui mos eis Ministro Agricultura no Pescas Estanislau da Silva no Eis Presidente da Republica José Ramos Horta. (L. S’mauS)

Leave a Reply

Your email address will not be published. Required fields are marked *