shadow
Diocese de Dili > NOTÍCIAS > Notícias > LERE ANAN TIMUR: XANANA RESPONDE AMI NIA CARTA LA TUIR AMI NIA SENTIMENTO

LERE ANAN TIMUR: XANANA RESPONDE AMI NIA CARTA LA TUIR AMI NIA SENTIMENTO

DILI 12 Junho 2020 (DCAD)-Chefe Estado Maijor Jeneral das FALINTIL F-FDTL, Lere Anan Timur hatan ona carta housi Eis Comandante em chefe das FALINTIL, José Alexandre Kay Rala Xanana Gusmão katak maun bo’ot la responde tuir ami nia sentimento. Hateten Maijor Jeneral Lere Anan Timur ba jornalista sira iha Palácio do Gúverno Dili Sexta 12 de Junho de 2020.

“Ohin iha reunião, sira dehan carta haruka ona ba Quartel Geral maibe surat ne’e liu housi fali medía, ha’u mos hatene ona maibé maun bo’ot Xanana Gusmão la responde tuir ami nia sentimento.”

Maibé ha’u hanoin katak nu’udar ha’u nia maun, ami sei hasouru malu, loron ida mak ha’u sei buka tempo atu hasouru malu ho ha’u nia maun hanesan lider ida.

Chefe Estado Maijor Jeneral das FALINTIL F-FDTL, Lere Anan Timur hatutan katak “Ha’u hanoin carta haruka housi maun bo’ot Xanana, la’os haruka ba ha’u deit, maibé é nome Falintil-Forca Defeza Timor-Leste (F-FDTL). Ami la’os hato’o ba maun Xanana deit, maibe lider veterano sira hotu, atu hato’o ami nia preúcupação, ami nia sentimento ne’ebe ami mos funda ba nação ida ne’e.”

Ami la’os fundador FRETILIN ka FALINTIL, maibe nação ida ne’e ami mos funda. Ami hare’e situação iha rai laran housi gúverno ne’ebe deit ha’u sente la satisfeito. Ami haruka surat ba lider histórico sira hotu atu sira bele tetu no bele desing, pelo menos altera situacão ida ne’e, sai diak ba nação no geração futuro nian. Dehan Chefe Estado Maijor Jeneral das FALINTIL F-FDTL, Lere Anan Timur. (L.S’mauS) 

Leave a Reply

Your email address will not be published. Required fields are marked *