shadow
Diocese de Dili > NOTÍCIAS > Notícias > PM TAUR MATAN RUAK HUSU ARSENIO BANO SERVI POVO ATÓNI HO FUAN

PM TAUR MATAN RUAK HUSU ARSENIO BANO SERVI POVO ATÓNI HO FUAN

DILI 12 Junho 2020 (DCAD) – Primeiro Ministro Taur Matan Ruak fó posse ba Presidente Autoridade Região Administrativa Especiál Económica Sociál Mercado (RAEOA-ZEESM) foun, Arsenio Paixão Bano, iha Palácio do Gúverno Dili.

“Hau husu PA atu halo Oe-cusse oan sira sai ida deit no servi povo Atóni ho fuan, la’os ho ibun deit maibe ho hahalok mos, tem que tau matan ba cidadão sira nia preucúpação tanba cidadão hotu-hotu iha ita bo’ot nia liman no ita bo’ot nu’udar Condutor ka Pilotu ida, ne’ebe buat hotu sei responsabilidade PA.” 

Primeiro Ministro Taur Matan Ruak mos hato’o nia pedido ba povo Atóni dehan “Hau nia pedido ba Oe-cusse oan sira uza no aproveita oportudade ida ne’e, hodi dezemvolve Oe-cusse laran tomak tanba tuir hau nia hare’e dezenvolvimento iha Oe-cusse ho situação dificil compara ho municipio sira seluk, iha pobreza, analfabetismo no malnutrição, tanba ne’e husu PA dezenvolvimento iha Oe-cusse buat barak mak seidauk halo.

“Ha’u husu PA atu labele haluhan hau nia recomendação sira, tanba ne’e hau sente ita bo’ot hatene hau nia caracter, ne’ebe uluk hau sei Presidente da República hau sempre critica no ohin hau Primeiro Ministro hau nia caracter ne’e hau la muda, “Taur Matan Ruak” nafatin, cargo mak muda, uluk PR agora PM. Dehan Chefe Gúverno Taur.

Entretanto Presidente Autoridade foun Arsenio Paixão Bano promete katak “Hau asume kna’ar hanesan PA (RAEOA-ZEESM), hau rona Primeiro Ministro Taur Matan Ruak nia lia-menon hotu atu serviço ho laran no fuan”. Arsenio hateten ba jornalista sira hafoin simu pose husi chefe guverno Taur Matan Ruak iha Palácio do Gúverno Dili Sexta (12/06). (L.S’mauS)

Leave a Reply

Your email address will not be published. Required fields are marked *