shadow
Diocese de Dili > NOTÍCIAS > Notícias > GOVERNO NOMEIA Dr. TIAGO AMARAL SARMENTO, NUDAR VOGAL EFETIVO BA CONSELHO SUPERIÓR MAJISTRATUR JUDICIÁL

GOVERNO NOMEIA Dr. TIAGO AMARAL SARMENTO, NUDAR VOGAL EFETIVO BA CONSELHO SUPERIÓR MAJISTRATUR JUDICIÁL

DILI 17 Junho 2020 (DCAD) – Iha Sorumutuk Ministros nian iha loron 17 fulan Junho tinan 2020 iha Palácio do Governo Dili quarta semana ne’e, Conselho Ministro aprova Projeto Rezolução Governo ne’ebé apresenta housi Ministro Justiça, Manuel Carceres da Costa kona ba nomeação ba Tiago Amaral Sarmento nudar vogal efetivo ba Conselho Superiór Majistratur Judiciál.

Ministro Presidencia Conselho Ministro (MPCM) Fidelis Manuel Leite Magalhães haktuir Conselho ida ne’e nia kna’ar maka atu gere no hatu’ur diciplina ba actividade sira Majistrado Judiciál nian no mós nomeia, coloca, transfere no promove Juiz sira iha Timor-Leste. Juiz presidente housi Supremo Tribunál Justica maka preside Conselho Superiór Majistratura Judiciál no composto housi vogal na’in-haat no ida governo maka nomeia.

Entretanto iha entrevista Ministro Justiça Manuel Carceres da Costa afirma katak “Dr. Tiago Amaral Sarmento prience fali matebian nia fatin tanba fatin mamuk hela to’o agora, para completa Conselho Superiór Majistratur Judiciál nian.”

Conselho ida ne’e hanesan orgão ida, atu ajuda tribunais sira no Tribunal sei representa governo de’it iha discuções sira no deliberações sira iha conselho nian. No Presidente Conselho ne’e sai hanesan Presidente Tribunal Recurco hanesan mós Conselho Superiór Ministerio Público nian maka procurador Geral da República. No Sira nia mandatu durante tinan haat no sira delibera de’it. Dehan  Ministro Justiça Manuel Carceres da Costa iha Palácio do Governo Dili. (L. S’mauS)

Leave a Reply

Your email address will not be published. Required fields are marked *