shadow
Diocese de Dili > NOTÍCIAS > Notícias > MD Filomeno da Paixão, Sei Propõe ba Gúverno Atu Sosa Ró Bo’ot Ida Especial Ba Marítima Nian

MD Filomeno da Paixão, Sei Propõe ba Gúverno Atu Sosa Ró Bo’ot Ida Especial Ba Marítima Nian

DILI 17 Junho 2020 (DCAD) – Ministro Defeza Filomeno da Paixão de Jesus, halo apresentação rua ba Conselho Ministro kona ba Criação Autóridade Marítima Nacional (AMN), no Defini Autóridade nia kna’ar sira no ninia estrutura coordenação.

Hakarak atu Autóridade Marítima Nacional (AMN), sai nu’udar entidade responsavel ba cordenação atividade sira iha ambito nacional, ne’ebe sei ezecuta housi componente Forca Naval no housi direção Autóridade Marítima Nacional iha área juridição no quadro Sistema Autóridade Marítima, ho observa ba instrução ne’ebe define ona housi Ministro Defeza.   

Ministro Defeza Filomeno da Paixão de Jesus Hafoin sorumutuk Conselho Ministro  iha entrevista declara katak “Hau sei propoin ba iha Orçamento Geral do Estado (OGE) 2021, para atu hola Ro bo’ot ida especial ba Marítima nian, para Ró ne’e halo patrulha to’o tasi bo’ot mos nia bele tama, laos hola fali Ró kiik mak bar-barak hanesan Ró componente Forca Naval nian, hala’o patrulhamento iha área Dili laran deit mos labele ona, sá tan ba tasi mane nian.” Dehan Ministro Defeza Filomeno da Paixão de Jesus iha Palacio do Gúverno Dili (17/06).

Relaciona ho cidadão Vietname sira ne’ebe tama Ilegalmente iha Ilha Jaco nian Ministro Defeza Filomeno da Paixão de Jesus afirma katak; Sira ne’e contra Leí internacional nian tanba sira tama liu housi janela nação nian, Ita tem que kaer sira no sulan sira iha quarenta to’o remata loron 14 nian, ita processa sira atu haruka sira fila ba sira nia rain. tanba sira ne’e ilegal no dala ruma naok-ten ikan sira ne’e no ida fali keta sira la kontente ho sira nia rezime nação nian, ne’e mak sira halai ba buka rai seluk no sira mai finze para iha Ilha Jaco ne’e “La bele”, tem que halo procesa ba sira no haruka sira fila.

Filomeno da Paixão de Jesus hatutan katak; hakarak mai vizita Timor karik tama liu housi odamatan bo’ot nian hanesan Aeroporto ho Porto TL nian laos tama fali housi kakuluk nação nian, ne’e contra tanba hanesan sobu lutu nação nian. (L. S’mauS)

Leave a Reply

Your email address will not be published. Required fields are marked *