shadow
Diocese de Dili > NOTÍCIAS > LETURA DIÁRIA > Quinta-Feira, XII Semana Tempo Comum (ANO A)

Quinta-Feira, XII Semana Tempo Comum (ANO A)

Primeira Leitura                      Sir. 24. 8-17

Lia housi Segundo Livro Liurai sira nian:

Iha loron hirak nebá, Joiaquin iha tinan sanulu resin ualu, uainhira tur iha trono hodi ukun Jerusalém fulan tolu nia laran. Nia inan, naran Neústa, Elnatã nia oan feto housi rai Jerusalém. Nia halo buat nebé la fó ksolok ba Na’i, hanesan nia aman halo.

Iha tempo nebá, Nabucodonosor, liurai Babilónia nian, nia emar sira ba hafunu hasouru Jerusalém, hodi hale’u tiha cidade. Nabucodonocor, liurai Babilónia nian, rasik mak mai hafunu hasouru cidade, uainhira nia emar sira hale’u taka metin cidade. Nune’e, Joiaquin, liurai Judá nian, saran-an ba Babilónia, hamutuk ho nia inan, nia emar sira, ulun sira soldado nian no atan sira. Liurai Babilónia halo ulun sira houris. Ida ne’e hala’o iha tinan ba dala ualu ba liurai Nabucodonosor nia ukun.

Nia lori tiha hotu riku soi housi Na’i nia templo, no mós riku-soi tomak housi kadunan liurai nian. Haruka halo rahun tiha hotu osan mean sira nebé Solomão, liurai Israel nian, haruka halo hodi hafutar Na’i nia Santúario, nu’udar NA’i dehan nanis ona. Nia haruka lori ba rai seluk ema tomaak Jerusalém nian, ulun sira no funu na’in barani sira hotu, nebé sura hamutuk ema rihun sanulu. Nia haruka lori ema sira hanesan ema tuku besi no kado ai sira hotu. Husik hela de’it mak ema kiak sira. Nanbucodonocor, lori tiha Joiaquin ba Babilónia, mós nia inan no liurai nia féen sira, atan no ema matenek sira nação nian. Ema sira hotu nebé iha folin, hamutuk ema rihun hitu; ema tuku besi no kado ai sira,  hamutuk ema rihun ida; sira hotu nebé bele káer kilat, lirai Babilónia haruka lori hotu ba rai Babilónia.

Liurai Babilónia  foti ba liurai, iha Joiaquin nia fatin, nia tiun Matanias, nebé troka tiha nia naran ba Sedecias.

Maromak Futar Lia.

 

Salmo Responsorial                                                                                                                             Sal. 78(79). 1-2, 3-5, 8-9 (R. 9b)

Refrão : Na’i, soi ami ba tan glória Ita nia naran!!! Repete-se    

Na’i, nação sira hola ho kroat Ita liman rohan,

Sira hafo’er Ita templo santo,

Sira halo Jerusalém sai hanesan foho krebek nian,

Sira soe Ita atan sira nia isin maten,

Sai aihan manu sira lalehan nian,

Ita sarani sira isin sai aihan balada fuik nian. Refrão

 

Mota boot ran nian suli hale’u Jerusalém,

La iha ema ida atu hakoi mate isin sira.

Ami sai hanesan buat ida be maluk sira hakribi,

No ema sira be hale’u hamoe ami.

To’o uainhira Na’I ita rai hirus hasouru ami,

To’o uainhira lós ita laran manas no nakali? Refrão

 

Keta hanoin fali atu hasouru ami.

Tan ami bei-ala sira nia salan;

Halo ita laran-luak mai lalais hasouru ami,

Tan ami lakon hotu ona ami nia biit. Refrão

 

Tulun ami, Maromak, ami na’in,

Tan glória Ita naran nian.

Soi ami ba no perdua ami salan sira,

Tan glória Ita naran nian. Refrão

 

Aclamação                                                                                                                                                                                          Jo. 14.  23

Refrão : Aleluia, Aleluia!! Repete-se

Na’i dehan: Ema nebé hadomi ha’u, sei halo tuir Ha’u nia liafuan;

Ha’u aman sei hadomi nia, Ami sei mai hela ho nia, Ami sei mai hela ho nia. Refrão

 

Evangelho                                                                                                                                                                                       Mt. 7. 21-29

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus lia tun ba escolante sira dehan: ‘La’os ema hotu nebé dehan mai ha’u, Na’i, Na’i, sei tama iha reino Lalehan nian, Maibé, ida nebé halo tuiir ha’u Aman Nebé iha lalehan Nia hakaran. Iha loron Juizo nian, ema barak sei dehan mai Ha’u; ‘Na’i, Na’i la’os hodi ita naran mak ami hanourin? La’os hodi ita naran mak ami duni sai demónio sira? La’os hodi ita naran mak ami halo buat foun oi-oin?’ Iha tempo nebá, Ha’u sei dehan ba sira: Ha’u la hatene imi! Hadook tiha housi Ha’u, imi sira be halo de’it áat’.

Ema hotu nebé rona ha’u nia liafuan hirak ne’e, hodi halo tuir, nia sei sai hanesan ema neon na’in ida nebé hari nia uma iha fatuk leten. Udan monu rai, mot6a boot mai baku hasouru uma nebá, anin boot huu hasouru uma nebá; maibé nia la monu, tanba nia hari metin iha fatuk leten. Maibé, ema sira nebé rona ha’u liafuan sira ne’e, hodi la halo tuir liafuan hirak ne’e. Sira hanesan ema beik ida nebé hari nia uma iha rai henek leten. Udan monu rai, mota boot mai baku hasouru uma nebá, anin boot huu hasouru uma nebá: uma ne’e monu hodi naksobu tiha hotu”. Jesus ko’alia hotu tiha, ema lubun boot hakfodak ho nia doutrina, basá, nia hanourin sira hanesan ema nebé iha biit ukun nian, la hanesan ema escriba sira.

Lia Maksoyn.

Leave a Reply

Your email address will not be published. Required fields are marked *