shadow
Diocese de Dili > NOTÍCIAS > Notícias > PM TAUR; Ha’u Orgulho Tebes Ba Serviço Equipa (SS-CIGC) Halo Ona Durante EE

PM TAUR; Ha’u Orgulho Tebes Ba Serviço Equipa (SS-CIGC) Halo Ona Durante EE

DILI, 30 Junho 2020 (DCAD)- Sala de Situação-Centro Integrado Gestão De Crise (SS-CIGC), Simu housi Ministério da Saúde no Sala de Situação funciona iha momento declaração de Estado de Emergência (EE) durante fulan tolu nia laran no ohin halo ceremonia enceramento no desmantela Sala de Situação fila fali ba Ministério da Saúde.

Iha ceremonia enceramento no desmantela Sala de Situação-Centro Integrado Gestão De Crise (SS-CIGC), Primeiro Ministro Taur Matan Ruak iha ninia discurço hateten katak; Loron ida ohin, loron nebé mak importante tebes no loron nebé maka fim de Sala de Situação nian ba pandemia Covid-19 nian iha Timor-Leste, transmição no responsabilidade nebé sala situação assume durante iha fulan tolu nia laran, no ohin fila-fali ba Ministério da Saúde.

Primeiro Ministro Taur Matan Ruak hatutan katak; Sala Situação simu housi Ministério da Saúde no Sala Situação funciona iha momento declaração de Estado de Emergência (EE), tanba ne’e hakarak aproveita oportunidade ida ne’e, hodi saúdações especial no parabens ba equipa Sala de Situação-Centro Integrado Gestão de Crise (SS-CIGC) nian, nebé halo serviço kapas tebes durante fulan tolu nia laran.

“Lori ha’u nia naran rasik ho estado Timor, Ha’u orgulho tebes ba sira nia serviço no saúda estrutura (SS-CIGC) ho equipa tomak housi Pillar I to’o Pillar V”.

Liu housi sira nia serviço maka hatudu rezultado nebé diak, mesmo que iha ita nia rain hetan possitivo hamutuk nain 24, maibé evita no prevenção atu moras ne’e labele hadae’t ba ita nia inan-aman sira no sociedade tomak. No liu housi evita no prevenção mak iha Timor la acontece ema mate iha ita nia rain. Dehan Primeiro Ministro

Chefe Governo ne’e salienta tan katak; Ita nia vizinho sira, moras ne’e seidauk lakon no mate mos sei aumenta nafatin, tanba ne’e ita nia luta seidauk hotu no dalan atu ita evita, prevene no mantein cumpre regras sira nebé Organização Saúde Mundial (OMS) fó. Tanba ne’e ha’u aproveita oportunidade ida ne’e, lori gúverno no estado Timor nia naran dejeza continuação serviço diak liu tan, liu-liu Minitério da Saúde nebé mak ohin simu responsabilidade no ba instituições nebé mak hale’u Minitério da Saúde prepara a’an nafatin.

 Ikus liu Primeiro Ministro Taur Matan Ruak hato’o ninia agradecemento ba jornalista sira katak “Lahaluhan mos ha’u nia agradece wain ba Jornalista hotu, nebé fó ona ita bo’ot nia contribuição liu-housi cobertura durante pandemia covid-19, hodi fahe informação sira ba público tomak”. (L.S’mauS)  

Leave a Reply

Your email address will not be published. Required fields are marked *