shadow
Diocese de Dili > NOTÍCIAS > Notícias > Aeroporto Nicolau Lobato Agora Daudaun Loke Deit Ba Ita Nia Conectividade Entre Australia Ho TL

Aeroporto Nicolau Lobato Agora Daudaun Loke Deit Ba Ita Nia Conectividade Entre Australia Ho TL

DILI, 01 Julho 2020 (DCAD)- Ministro Transporte no Comunicação José Agustinho da Silva hateten liafuan hirak ne’e ba jornalista sira iha Palacio do Governo Dili Quarta ohin (01/07).

Ministro Transporte no Comunicação José Agustinho da Silva haktuir katak “Ponto Aero nian agora daudaun ita sei loke deit ba ita nia conectividade entre Australia ho Timor-Leste, ne’e ita assegura nafatin, maibé kona ba nação sira seluk ita sei tetu didiak lai maka ita foin loke ba sira. Para ita bele evita moras ne’e ba iha ita rain no ba cidadão tomak.”

José Agustinho da Silva informa katak; Iha semana kotuk liu ba, comição interministerial ba assunto covid-19 nian aprova no estende contrato ba companha AIR-NORTH, atu nune’e bele assegura nafatin ita nia conectividade aero entre Timor-Leste ho Australia.

Ita hotu conciente katak iha TL ita la regista ona caso housi covid-19, maibé la bele haluha tanba moras ne’e sei egiste iha mundo no liu-liu ita nia nação vizinho sira hanesan Indonesia ho Australia. Tanba ne’e normalização movimento transporte aero ba nações sira seluk, ne’e governo sei hare’e no tetu didiak lai, oinsá maka reativa fila-fali, ida ne’e sei processu. Dehan Ministro Transporte no Comunicação José Agustinho

Ministro Transporte no Comunicação José Agustinho realsa katak; Conselho Interministerial deside atu assegura nafatin ita nia ligação conectividade Timor-Leste ho Australia. No ba conectividade ba nações sira seluk kona ba avião sira nebé maka halo operação mai Timor-Leste hanesan; Citylink no Srywijaya no mos sira seluk.  Sira ne’e ita sei hare no tetu didiak nia vantagem no desvantagem nian tanba surto covid-19 ne’e sei la’o hela iha nação vizinho sira.

Tuir Ministro Transporte no Comunicação José Agustinho da Silva dehan; Ponto entrada terestre nian semana ida, sidadão Indonesia no Timor-Leste sei tama dala ida. No Ponto Aero nian agora daudaun ita sei loke deit ba ita nia conectividade entre Australia ho Timor-Leste, ne’e ita assegura nafatin, maibé kona ba nação sira seluk ita sei tetu didiak lai maka ita foin loke ba sira. Para ita bele evita moras ne’e ba iha ita rain no ba cidadão tomak. (L.S’mauS)

Leave a Reply

Your email address will not be published. Required fields are marked *