shadow
Diocese de Dili > NOTÍCIAS > Notícias > SARANI PARÓQUIA BECORA MONU AIN BA NA’IN FETO

SARANI PARÓQUIA BECORA MONU AIN BA NA’IN FETO

DILI-30 Junho 2020 (DCAD)-Sarani Paróquia Sagrado Coração de Jesus Becora, comemora loron aniversário Paróquia Becora ba dala 55 nian. No além de comemoração loron aniversário ne’e, iha  mós ceremonia ritúal sarani Becora inclui lider Carismatico Xanana Gusmão monu ain ba Na’in-Feto, nebé hetan estragos housi ema desconhecido iha recinto Gruta Ave Maria Becora iha loron 05/06/2020.

Iha discurco Archebispo Metropolitana de Dili Dom Virgilio do Carmo da Silva, SDB dehan; “Ha’u nia parabens ba sarani tomak housi Becora nian, maibé hakarak atu haforça de’it  wainhira tuir ita nia ceremonia nian sei ita hotu haré iha primeira parte ohin nian uja ita nia cultura. Hamutuk ho lia na’in sira no responsavel Bairro 24 ho sarani Becora tomak, nahe tais no hakneak hodi husu perdão. Ceremonia tradicional to’o oras ida nia laran, ha’u contente tebes ba cerimonia ritual ida ne’e. Tanba haré katak jovem no labarik barak nebé mai participa loron aniversario SACROJES.“

Tuir Archebispo Metropolitana Dom Virgilio katak; Ohin ita haré ba cerimonia ritual ida ne’e hatudu mai ita katak Timor iha identidade no cultura rasik. No haré ba ritual nebé ohin halo ne’e, tem que senti ho fuan la’os haré de’it ho matan de’it. Maibé atu dehan de’it ba foinsa’e sira katak cerimonia ritual ida ohin ne’e maka ita nia cultura no identidade Timor nian.

Ha’u sita liafuan ida housi Avo NANA dehan katak “Kuda Dame Kari’i Domin” no ha’u nian katak ”Hametin ita nia identidade Timor oan nian”.  Basá ohin loron ne’e iha buat barak nebé mai kahur ona ho ita no ita hakarak koko buat hot-hotu. No bele mos halakon ita nia identidade nu’udar Timor oan. Dehan Dom Virgilio do Carmo da Silva, SDB, iha nia discurco ba ceremonia aniversário SACROJES Becora

Bibi atan ne’e hatutan katak “Tan ne’e mai ita hamutuk hodi haré ita nia inan-aman sira, atu nune’e sira ajuda ita katak ami nia dalan mak ne’e. No wainhira ami la’o sala ruma, ami hatene hakru’uk, hatene monu ain no ami hatene husu desculpa. Tanba ida ne’e sai ona ita nia identidade cultura Timor nian.”

Recomendação housi Archebispo Metropolitana de Dili Dom Virgílio do Carmo da Silva, SDB ba sarani Becora katak; “Ita hamutuk iha fatin ne’e hatudu buat ida katak sarani Becora ohin na’in feto halibur ona ita hotu, hodi hanoin fila fali aconteçemento ne’e hanesan ohin ha’u dehan ona katak halo sarani Becora ne’e sai metin liu tan, no hari’i unidade tem que metin liu tan. No labele metin ba ohin de’it, maibé tem que sai istoria foun no hahu moris foun ba sarani Becora tem que sai nafatin mesagem lori esperança ba iha Timor tomak.” (Janu)

Leave a Reply

Your email address will not be published. Required fields are marked *