shadow
Diocese de Dili > NOTÍCIAS > Notícias > SEFOPE Iha Futuro Sei Iha Tan Coperação Ba Japão Ho Canada

SEFOPE Iha Futuro Sei Iha Tan Coperação Ba Japão Ho Canada

DILI 02 Julho 2020 (DCAD)-Secretário Estado Formação Profecionál no Emprego (SEFOPE) Alarico do Rosário, halo encontro Interministérial ho Primeiro Ministro Taur Matan Ruak. No encontro ne’e ligação ho servico SEFOPE nian, liu-liu koalia kona ba area de trabalho no area de formação no emprego.

“Primeiro Ministro Taur Matan Ruak, bolu ha’u mai halo encontro ida, atu koalia kona ba assunto importante balun, nebé mak hato’o mai ami ligação ho serviço (SEFOPE) nian. No koalia kona ba area de trabalho no area de formação no emprego.” Haktuir Secretário Estado Formação Profecionál no Emprego (SEFOPE) Alarico do Rosário, iha Palacio do Governo Dili, Quarta Semana ne’e (02/07).

Tuir Alarico do Rosário katak; Mecanismo saida mak ita tem que esforço a’an no ita tem que haré mos ba area formação nian, tanba liu housi formação ne’e maka atu cria ema hodi hasa’e sira nia capacidade atu bele ba compete iha mercadoria rai laran no iha rai liu.

“SEFOPE halo ona coperação ho Australia no Corea do Sul no iha futuro sei iha tan coperação ba nação Japão ho Canada no sira seluk tan. Maibé ne’e iha futuro, agora ita koalia de’it ba nação sira nebé maka ita halo ona coperação ho sira.” dehan Secretário Estado Formação Profecionál no Emprego (SEFOPE) Alarico do Rosário

Nia salienta tan katak; Ita hotu hatene problema nebé mak agora daudaun sata’an netik ita maka Covid-19. No moras ne’e afeta ba nação hotu, tanba ne’e mak ita labele haruka ita nia ema sira ba rai liur lai, tanba moras ne’e sei afeta iha nação hirak nebé mak ita halo ona coperação ho sira. Maibé ita continua prepara nafatin ita ema sira ne’e hodi prepara a’an didiak hodi compete iha mercadoria ida ne’e.

Kona ba processu trabalhador sira Secretário Estado Formação Profecionál no Emprego (SEFOPE) Alarico do Rosário dehan “agora daudaun ita halo ona recrutamento hodi ba servico iha Australia, ida ne’e hala’o iha 12 Municipio no hela de’it municipio Dili mak seidauk halo recrutamento, tanba covid-19 sei la’o hela.”

Secretário Estado Formação Profecionál no Emprego (SEFOPE) Alarico do Rosário dehan; Primeiro Ministro ohin husu atu copera lalais serviço hirak ne’e, para atinge ba oin halo oinsá, tanba estado de emergencia termina ona maka servico tem que la’o normal fila-fali hanesan bai-bain. (L.S’mauS)

Leave a Reply

Your email address will not be published. Required fields are marked *