shadow
Diocese de Dili > NOTÍCIAS > Notícias > KM APROVA PROJETO RESOLUÇÃO BA CONCLUSÃO CONSTRUÇÃO RÓ HAKSOLOK

KM APROVA PROJETO RESOLUÇÃO BA CONCLUSÃO CONSTRUÇÃO RÓ HAKSOLOK

DILI 8 JULHO 2020 (DCAD) – Iha sorumutuk Conselho Ministros nian iha loron 8 Julho 2020, iha Palácio Governo Dili, Conselho Ministros aprova projeto resolução nebé apresenta housi Primeiro Ministro Taur Matan Ruak kona ba conclusão ba construção Ró nebé tula naha no Passageiro “Haksolok”.

Tuir Fidelis Magalhães katak, Projeto ne’e ninia natureza nacional ba interesse público hodi hadiak no hasae rede comunicação nacional, liu housi hadiak ligação iha costa norte nação nian no cria ligação ho ilha sira Indonésia nian nebé besik. Objetivo principal ida mak la isola tan região Oe-Cusse Ambeno.

Fidelis hateten, Iha resolução ne’e haktuir katak região Administrativa Especial Oe-Cusse Ambeno (RAEOA) nu’udar ema colectiva pública nebé responsável hodi lori processo negociável no ba promossão hodi halo diligéncia nebé precisa hodi remata construção ba Ró “Haksolok”.

Entretanto orgão sira housi RAEOA maka kaer responsabilidade tomak hodi prática ba acto nebé relaciona ho gestão ba contrato nebé celebra ona ho Atlanticeagle Shipbuilding nebé halo construção ba Ró nebé tula naha no passageiro “Haksolok”. (L.S’mauS)

Leave a Reply

Your email address will not be published. Required fields are marked *