shadow
Diocese de Dili > NOTÍCIAS > Notícias > FMTL Contra Projeto Lei Criminalização Defamação

FMTL Contra Projeto Lei Criminalização Defamação

DILI, 13 Julho 2020 (DCAD) – Front Mahasiswa Timor Leste (FMTL) hala’o conferência imprensa ida iha Campus UNTL Dili, relaciona ho Projeto Lei Criminalização Defamação nebé mak Ministério Justiça Prepara no Halo Alteração hosi Lei Código Civil nebé mak vigora iha Timor Leste.

Iha Conferênçia imprensa ne’e, Porta-Voz Front Mahasiswa Timor-Leste (FMTL), Jose Lino Pereira hateten, Existência ba Esbossu Lei ida ne’e la’os atu educa Cidadão sira, maibé atu hamate totalmente Cidadão hotu nia liberdade opinião ka expressão nebé haktuir iha artigo 40 Constituição RDTL nian no Convenção Internacional sira hanesan declaração universal Direitus Humanus (DUDH) sira nebé ratifica nu’udar ita nia Lei Nacional nian.

“Ami nota katak ministerio da Justiça Manuel Carceres iha inisiativa boot hodi halakon Sistema democracia nebé mak sosa ho ruin ho ran no ami hare katak Ministério da Justiça tenta atu lori povo ida ne’e hodi refleta fila fali ba tempo ditadura Salazar no Soharto nian, tenik Porta-Voz Front Mahasiswa Timor-Leste (FMTL), Jose Lino Pereira segunda ne’e (13/07/2020) iha Campus UNTL Dili”

FMTL husu ba Ministéro da Justiça atu hapara esbosso lei ida ne’e tanba sei fo impacto no hamate estado de direito democrático Timor-Leste no la comunga princípio Constutição nebé nação ida ne’e adopta hela.

“FMTL husu ba ministério Justiça atu labele uza nia poder atu hamate liberdade nebé sosa ho ruin ho ran, no husu atu hapara lei ida ne’e imediata. Se assunto petição hirak nebé ami relata ba ministério justiça la tau iha consideração, mak FMTL sei organiza sociedade tomak hodi hamrik halo manifestação hasoru Ministério Justiça iha tempo badak nia laran”. (Alin S. Gama)

Leave a Reply

Your email address will not be published. Required fields are marked *