shadow
Diocese de Dili > NOTÍCIAS > Notícias > KALOHAN: GOVERNO LADAUK APROVEITA CAPACIDADE BOLSEIROS NEBÉ FILA ONA MAI TIMOR

KALOHAN: GOVERNO LADAUK APROVEITA CAPACIDADE BOLSEIROS NEBÉ FILA ONA MAI TIMOR

DILI, 21 Julho 2020 (DCAD) – Deputado Bancada Partido Democrático (PD) António da Conceição (KALOHAN) hato’o nia preucupação ne’e iha Parlamento Nacional Segunda semana ne’e, relaciona ho lamentações sira housi bolseiros nebé Ministério Saúde no Educação haruka ba estuda iha Indonesia no Brasil, barak fila ona mai Timor, maibé parte Ministério Saúde no Ministério Educação ladauk aproveita sira nia capacidade hodi investe iha área Saúde no Educação.

“Ministério Saúde no Educação halo plano haruka bolseiros barak ba iha rai liur ho intenção atu reforça iha setor rua ne’e, Saúde no mos setor Educação. Maibé iha saúde nian haruka estudante lubuk ba escola iha Indonesia-Kediri, kona ba enfarmágem maibé sira barak fila tiha hotu ona. Iha Baucau ressentemente hau hasoru Bolseiros sira balun nebé lamenta tanba sira fila tiha ona, maibé hosi ministério Saúde rasik ladauk tau matan ba sira hodi aproveita sira nia capacidade nebé estudante sira hetan. Enquanto ita sempre dehan katak ita sei falta recurso iha area sira ne’e. ha’u hanoin plano housi Ministério ida-idak nian, se di’ak liu karik aproveita recurço sira ne’e para aumenta tan ita nia capacidade de serviço ba área de Saúde ninian, dehan Depudado Bancado PD António da Conceição iha plenária segunda semana ne’e iha Parlamento Nacional”.

Iha sorin seluk Deputado Partido Democrático ne’e mos recomenda ba Ministério Educação atu aporveita Bolseiros sira nebé acaba ona sira nia processo estudo iha Brasil no Portugal be fila ona mai Timor.

“Ministério Educação haruka bolseiros lubun ba escola iha Brasil, iha Portugal no iha fatin sira seluk tan ho intenção ida mai atu reforça iha setor educação hanesan Professores, tanba iha lamentações barak nebé ita rona katak professores balu nebé ho idade ona, maibé sira sei nafatin hanorin hela. No entanto iha mos ema sira nebé qualificados fila ona. Tanba ne’e hanoin uma questão do Governo por exemplo tanba agora dadauk ita tama ba ona novo letivo nebé maka mai tinan oin, nee hanesan questão ida Ministério bele planeia atu halo orçamentação ida que di’ak atu integra ona sira nebé mak ba escola duni iha liur ou domínio da língua no material. Se ita hakarak duni atu implementa duni Constituição no halo uso língua oficial iha Português ne’e ita precisa duni recurso sira hanesan ne’e, tenik António da Conceição ‘Kalohan’”. (Alin S. Gama)

Leave a Reply

Your email address will not be published. Required fields are marked *