shadow
Diocese de Dili > NOTÍCIAS > Notícias > LERE ELOGIA MEMBRO F-FDTL APOIO KBIIT LAEK IHA FRONTEIRA

LERE ELOGIA MEMBRO F-FDTL APOIO KBIIT LAEK IHA FRONTEIRA

DILI, 22 Julho 2020 (DCAD) – Chefe Estado Maior Falintil Força Defesa Timor-Leste (F-FDTL) Maijor Lere Anan Timor elogia Menbro FDTL sira iha fronteira nebé iha insiativa rasik hodi fo apoio humanitária ba kbiit laek sira iha are fronteira nian. Lere relata lia hirak ne’e hafoin encontro semanal ho Presidente da República Dr. Francisco Guturres Lu-Olo  iha Palácio Presdencial  Aitarak Laran quarta semana (22/07) ne’e, Dili.

“Ha’u elogia ba ha’u nia menbro oficial sira nebé iha fronteira ne’e, sira iha iniciativa no iha sentimento humanu katak bainhira sira hare faluk ka ema kiak ruma, sira soe hamutuk sira nia osan cada ema ida dolar $ 1 ka $ 2 hodi fo apoio ba ema kiak sira ka kbiit laek sira ne’e”.

Lere hateten apoio humanitário nebé nia membro sira halo hanesan acção caritativa no iha sentimento hanesan timoroan la’os atu halo campanha.

“Sira tau hamutuk sira nia osan hodi ajuda hanesan halo uma ka hola hahan ruma hodi fo apoio ho razão iha sentimento hanesan timoroan. wainhira oficial sira halo ação ida ne’e midia la acesso, tanba ha’u lakohi halo campanha maibe naran katak ita mak consiente no ha’u hateten ba sira katak imi ne’e mai hosi povo, imi povo nia oan, tem que hadomi povo, no labele hanoin fali dollar $ 1 Ne’e liu fali o nia povo. Quando sira hasoru susar apoio sira, então ida ne’e ha’u elogia ba sira”. (Alin S’Gama)

Leave a Reply

Your email address will not be published. Required fields are marked *