shadow
Diocese de Dili > NOTÍCIAS > Notícias > ANGELA FREITAS : PRESENÇA HORTA FO FORÇA TAN BA RESISTÊNCIA NACIONAL DEFENDE JUSTIÇA E CONSTITUIÇÃO

ANGELA FREITAS : PRESENÇA HORTA FO FORÇA TAN BA RESISTÊNCIA NACIONAL DEFENDE JUSTIÇA E CONSTITUIÇÃO

DILI, 23 JULHO 2020 (DCAD) – Grupo Resistência Nacional Defende Justiça e Constituição RDTL quinta semana ne’e halao sorumutuk alargada ida ho Laureado Novel da Paz Dr. José Ramos Horta iha Bairro Formósa Dili. Remata tiha reunião ne’e, Laureado Novel da Paz Dr. José Ramos Horta liu housi entrevista nia hateten, nia simu convite housi grupo Resistência Nacional Defende Justiça e Constituição RDTL hodi koalia kona ba naiulun sira nebé viola Constituição RDTL.

“Ha’u mai iha ne’e simu convite tamba ho sira nia iniciativa seriedade no sira la’os iha direito de’it maibé iha obrigação para análiza, Critica no questiona acto nebé Presidente da Republika no Parlamento Nacional halo, haktuir Laureado Novel da Paz Dr. José Ramps Horta quinta (23/07) semana ne’e iha Bairro Formosa Dili”.

Eis Presidente da República ne’e iha ninia afirmação sira katak ninia presença atu apresenta ponto de vista, nia hanoin kona ba  problema nebé Timor-Leste enfrenta iha tinan kotuk.

“Ha’u Mai atu apresenta ha’u nia ponto de vista balun relaciona ho problema nebé Timor-Leste hasoru tanba ha’u hanoin katak problema ne’e la’os buat nebé foun, tanba iha fulan sira no tinan liu ba ha’u koalia ona kona ba abut crise iha ita nia rain. No dalan no mós solução saida. Tanba ne’e iniciativa grupo ne’e halo monu los iha buat nebé ha’u hanoin preocupação atu, haré didiak Constitucionalidade ne’e actos Presidente nian, constitucionalidade mós actos iha Parlamento, actos iha Governo tanba ema barak incluindo Corpo Diplomático mós preocupa no hakfodak ho buat bar-barak sira haré. Ne’e duni, lider sira rasik nia hahalok tem que hanoin didiak no sukat didiak, tanba ho sira nia hahalok Timor nia naran monu dadaun iha mundo internacional, dehan Horta”.

Horta mós esplica katak, nia parte sidauk bele hateten concorda atu apoio grupo RDNJC tanba seidauk haré petição refere.

“Ha’u sei estuda Petição tanba nu’udar elementos saciedade civil, nu’udar eis Presidente ha’u sei haré se ha’u comcorda ka lae ho termos petição ne’e ninian, tanba laiha documentos ida ha’u assina taka matan. ha’u sei le’e linha por linha, palavra por palavra”.

Iha sorin seluk, Porta voz Resistência Defende Justiça Constituição RDTL Dra. Angela Freitas katak, presença Laureado Novel da Paz nian ne’e importante tebes ba povo timor tomak.

“Presença Laureado Novel da Paz nian ne’e importante tebes ba povo timor tomak tanba ita hotu hatene katak Constituição ne’e base fundamento nebé que protege cidadão nia direito, social, economia no cultural. Tanba ne’e importante tebes presença ida ne’e hatudu ba ita hotu, hatudu ba mundo katak povo ida ne’e moris iha pais ida nebé que democrático no iha nia regras nebé orienta ita mak constitução. Tuir Angela katak, processo preparação ba petição agora ne’e atinge ona 75 %, no ami precisa continua recolha nafatin, wainhira preparado maka ami sei hatoo ba Presidente da República Dr. Francisco Guterres Lú-Olo. (Alin  S’Gama)

Leave a Reply

Your email address will not be published. Required fields are marked *