shadow
Diocese de Dili > NOTÍCIAS > REFLEXÃO > PRIORIDADE: ENTRE REINO LALEHAN NO PODER POLÍTICO

PRIORIDADE: ENTRE REINO LALEHAN NO PODER POLÍTICO

Reflexão & Leituras DomingoComum XVII/Ano A 2020

1Reis 3,5.7-12 Salmo 118 (119) Rom 8,28-30 – Mt 13,44-52

 

Salmista Harohan dehan: Na’i, ha’u hadomi tebes ita nia ukun fuan. Jesus recomenda aos seus seguidores que façam do Reino de Deus a sua prioridade fundamental. Todos os outros valores e interesses devem passar para segundo plano, face a esse “tesouro” supremo que é o Reino.

 

Ema balu dehan; moris ne’e dala ida de’it tanba ne’e aproveita hodi goza kedas basá, mate tiha hotu ona. Seluk fali dehan; moris maske dala ida de’it maibé, se ita uza didi’ak, maske dala ida de’it mós suficiente ona. Artista senior Timor Leste (Saudoso) Chico Maulohi hatete; Mai ita hamutuk kona ba moris moris ne’e tanba ita la hatene loron aban sai oinsá (…) sei moris fo dame malu ba, wainhira mate hotu ona.

Evangelho semana ne’e housik hela lia menon fundamental ida atu ita nobun ida-idak determina sucesso oinsá hala’o moris ne’e. Jesus hatoo dalan sucesso ne’e liu housi relato Evangelho São Mateus nian kona ba murak mean nebé haksumik hela iha tos ida. Mensagem principal housi ai-knanoik ne’e mak; Jesus hakarak atu ita coragem (aten brani) hodi hili no fó prioridade ba ida nebé di’ak liu ba moris ne’e. Jesus hakarak atu ita precisa halo decisão nebé di’ak hodi moris tuir Ninia doutrina no hahalok moris.

Ita lé, rona no reflecte katak; Jesus dala wa’in hatoo Ninia doutrina sira liu housi ai-knanoik oio-oin. Exemplo ai-knanoik kona ba ema ida buka bibi malae nebé lakon, ou kona ba feto nebé ninia osan mean lakon. Kona mós ba aman ida nebé lakon ninia oan mane.

Jesus mai hodi kasu no soi ema hotu nebé Aman hadomi. Talvés tanba missão universal ida ne’e mak halo ex-presidente Indonésia(+) Abdul Rahman Wahid (Gus Dur) hatete lia brincadeira ida dehan: ‘Jesus la’os mai hodi salva sarani sira de’it maibé, Nia mai hodi salva humanidade tomak’. Iha linguagem Bíblico ita dehan; Jesus mai hodi harí Reino Lalehan. Ho alegoria eh expressão seluk, Jesus  hatete katak Nia mak realização housi Reino Lalehan nebé tinan atus ba atus povo sira hein iha Antigo Antigo Testamento.

Wainhira Jesus hahú mosu iha sociedade altura nebá, Nia proclama katak Reino Lalehan nebé ema hein mai tiha ona. Maibé, na realidade, ema sira iha altura nebá, interpreta Jesus nia afirmação ho sentido literal falun tan ho motivo político hodi nune’e, ema barak ladun considera Jesus hanesan Messias nebé ema judeu hein hodi mai realiza reino Lalehan iha rai ne’e.

Iha sira nia interpretação política, Reino Lalehan ne’e tenke mai ho forma governação política ida, seguro, paz no properidade. Judeu sira deseja Messias ida nebé mai completo hanesan Liurai ho força armada hodi restaura hikas israel housi poder Romano. Então los duni, interpretação ida ne’e halo judeu sira iha Jesus nia tempo difícil tebes atu haré no considera Jesus nia presença nu’udar cumplicidade Reino Lalehan nian. Tanba ne’e mak grupo judeu sira sempre husu ba Jesus wainhira los mak Reino Lalehan ne’e mosu mai, oinsá atu hatene Reino ne’e?

Nu’udar Cristão Católico, atu ita compriende didi’ak Jesus nia ai-knaoik tuir relato Evangelho semana ne’e, precisa ita tau iha consideração, aspecto histórico balu kona ba condição socio-económico Palestina iha altura nebá. Iha Jesus nia tempo, ema Palestina costuma haloot (rai/hakoi) sasan improtante sira hanesan osan mean iha rai okos. Wainhira pescador sira tiha ikan, sira sei hili ikan di’ak tau hamutuk hafoin ikan hirak nebé la di’ak, sira soe tiha ba tasi. Basea ba situação concreta hirak ne’e mak Jesus sempre hanorin Ninia doutrina sira utiliza ai-knanoik hodi halo comparação tuir povo nia moris lor-loron. Murak mean nebé Jesus hatoo hakarak atu justifica de’it katak murak mean kmanek liu nebé ema buka mak salvação rohan laek nebé exemplifica iha Jesus katak; Reino Lalehan mai tiha ona.

Reino Lalehan lolos ne’e, la hanesan ho instituição estado maibé, Reino ne’e configura iha Jesus Nazaré. Jesus nia personalidade sai hanesan imagem concretização Reino Lalehan nebé ita la haré.

Jesus nia-An ne’e mak Reino Maromak nebé, haklaken ba ita housi tempo ba tempo liu housi ai-knanoik sira. Reino Lalehan ne’e ita simu hodi fiar iha Jesus nia hanorin sira, hahalok sira, terus, mate no Ninia moris hias. Então, saida mak Jesus hatete, Jesus halo, Jesus realiza, hirak ne’e mak sai hanesan fundamento no início ba realização sociedade ida, mundo ida nebé hanaran Reino Maromak.

Hanesan escolante sira iha Jesus nia tempo, ohin loron ita sarani Católico dalabarak seidauk consegue simu, fiar hodi moris tuir saida mak Jesus hanorin. Tanba sa? Tanba maske ita sarani ona, ita seidauk simu consequência housi saida mak ita fiar. Ita seidauk consegue moris tuir personagem Jesus ho Ninia hanorin sira nu’udar murak mean ba ita nia vida loron aban.

Ohin loron, sarani barak nia Reino Lalehan mak poder, cargo político, partido político, projecto, fahe lucro, sai broker, sai profeta falso, sai anjo da guarda, sai cobrador osan, sai defensor povo, sai povo nia liman-ain, sai maupagador, sai defensor constituição,…..nst. Reino Lalehan modelo ida ne’e la seluk la leet mak atu hetan osan ba kabun, ba partido, ba Bos Partido, ba família maibé, iha televisão, iha rádio, iha jornal, iha media social, hot-hotu koalia kona ba povo nia moris di’ak. Ida ne’e mak diferente Reino Lalehan rai ho Lalehan  nian.

Jesus haklaken ona Lia Foun Reino Lalehan, ho expressão seluk, Jesus haklaken Evangelho kona ba Ninia personalidade rasik. Los duni Jesus haklaken ho Ninia di’ak tomak, ao mesmo tempo ho Ninia exigência (Critério) sira. Sobretudo ohin loron. Progresso informação tecnológico halo ema haré mundo nia di’ak ho aat bes-besik malu. Tecnolgia cria sociedade ida nebé hahú questiona sira nia fiar, ema lubun ida harí tiha partido hafoin começa koalia hasoru Cristo nia kreda, tan sira hetan ona poder. Tecnologia halo ema lakon respita ba malu, halo ema susar atu subar segredo até tecnnologia facilita ema atu estraga ema seluk nia fiar, estraga estrutura família, estraga ema nia liberdade pessoal liu housi juramento ba grupo até partido importante liu Cristo nia kreda.

Condição hirak ne’e hotu cria sociedade ida que ema nia sentido social (tulun malu/caridade) sai tiha caridade partidária-familiar. Nune’e, hamosu tensão socio-política, sentido tauk, angústia (kekhawatiran), incertesa, lakon esperança, no pior liu mak político sira tauk lakon poder no lakon pensão vitalícia. Too iha ponto ida ne’e, Murak mean Reino Lalehan nia valor redus tiha ba oinsá hetan pensão vitalícia, oinsa forma partido haruka ema halo juramento hodi hetan poder até foti lian hasoru Maromak nia liman-ain tan hasae crítica.

Evangelização significa kee fila fali murak mean Evangelho; mak Jesus nia pessoa tomak, nebé, iha nebá haksumik hela bukae loron ikus nian. Murak mean Evangelho nebé ita simu ona (sacramento Baptismo) la bele halakon nia valor tan de’it murak mean rai ne’e nian hanesan poder no riku soin. Tanba ne’e mak ohin loron sarani balu, político balu sente alergia wainhira temi Jesus nia naran, wainhira temi Igreja wainhira temi doutrina pior liu tan wainhira rona ukun fuan sira, ema sente la iha ona sabor. Mandamento nia princípio mak oinsá ita rona no moris tuir saida mak Jesus haruka. Housi ne’e, murak mean Reino Lalehan ita kumu metin ona.

Ita precisa aprende housi liurai Salomão iha primeira leitura nebé apresenta exemplo di’ak. Salomão, liurai povo Israel. Nia mak protótipo (exemplo ida) kona ba ema neon na’in “sábio”, nebé consegue percebe no escolha saida mak importante no saida mak sei hadook ita housi Maromak.

Reflexão ida ne’e hanesan fanun hikas ita nia neon no fuan sarani ni’an hodi tetu didi’ak wainhira ita buka hadau malu mak murak mean rai ne’e ni’an hanesan cargo, posição social, popularidade, riku-soin no luxúria sira.

Nu’udar Cristão Católico, ita precisa define importância housi murak mean rai ne’e nian ho murak mean loron ikus nian. Wainhira sarani hatene coloca murak mean rua ne’e tuir ninia fatin, Maromak mós sei la taka matan ba ita ita-idak. Ita nia prioridade mak saida? reflectir nas nossas prioridades, nos valores sobre os quais fundamentamos a nossa existência. Sugere, especialmente, que o cristão deve construir a sua vida sobre os valores propostos por Jesus. [Assim Seja e Bem Haja (ignas2020)]

 

Leave a Reply

Your email address will not be published. Required fields are marked *