shadow
Diocese de Dili > NOTÍCIAS > LETURA DIÁRIA > Sexta-Feira, XVIII Semana iha Tempo Comun (ANO A)

Sexta-Feira, XVIII Semana iha Tempo Comun (ANO A)

Primeira Leitura     Na. 2. 1, 3; 3. 1-3, 6-7

Lia housi Profecia Naum nian:

Iha foho sira leten la’o hela manu-ain ida nebé haklaken dame. Hala’o ó nia festa sira ba, Judá, halo tuir lolós ó nia lia hakotu, basá, ema laran áat sei la mai liu housi ó; nia mohu lakon tiha ona. Basá, Na’i atu hamoris hi’as fali ona Jacob nia to’os uvas hanesan mós Israel nia to’os uvas, tan na’uk-ten sira sobu hotu tiha ona, harahun hotu tiha ona uvas hun sira. Áat tebes ba cidade bel aran áat, cidade tomak oin bosok-ten no na’uk-ten nakonu, hodi na’uk la hotu de’it. Ema rona hela chikote nia lian, roda nia tarutu, kuda nia halai, kareta nia nakdoko. Ema sira be sa’e kuda duni sira kuda, surik sira nabilan, diman sira lakan nabilan. Tuir mai ema wa’in tebes kanek, mate la sura, mate isin wa’in tebes, isin latan sa’e malu! “Ha’u ba taka ó ho fóer, sóe ó iha fatin áat tebes, hamoe ó iha ema hotu nia oin – Na’i dehan – Ema hotu nebé haré ó sei halai housi ó, Nia sei dehan: ‘Ninive sai rahun mohu tiha ona!’ Sé mak sei hanoin netik nia? Iha nebé mak Ha’u sei hetan ema atu fó ksolok ba nia?”

Maromak Futar Lia.

 

Salmo Responsorial                                                                                                                                                   Deut. 32. 35cd-36abcd, 41 (R. 39c)

Refrão : Ha’u mak Na’i, moris no mate nian!!! Repete-se

To’o besik ona loron mate mohu nian,

Nia destino to’o daudaun ona;

Na’i sei souri Nia povo,

Sei hanoin netik Nia atan sira. Refrão

 

Oras ne’e imi hatene katak Ha’u mak Maromak,

Ha’u mesak de’it, la iha tan Maromak seluk ida;

Ha’u mak moris no mate nia Na’i;

Ida sei la halai housi Ha’i kbiit. Refrão

 

Wainhira Ha’u hasaik surik nabilan housi nia fatin,

Wainhira Ha’u liman hatudu castigo,

Ha’u sei hatun Ha’u funu baluk sira

Hodi selu sira be hasouru Ha’u. Refrão

 

Aclamação                                                                                                                                                                                                                   Mt. 5. 10

Refrão : Aleluia, Aleluia!! Repete-se

Rahun di’ak ba sira nebé ema duni tan hadomi justiça,

Basá reino Lalehan sira nian. Refrão

 

Evangelho                                                                                                                                                                                                              Mt. 16. 24-28

Na’i Jesus Cristo nia Evangelho nu’udar São Mateus haktuir:  

Iha tempo nebá, Jesus dehan ba nia escolante sira: “Ema ruma hakarak tuir Ha’u karik, nia sei heuwai nia an rasik, sei lori cruz hodi tuir Ha’u. Tan ema nebé hakarak soi nia moris sei lakon moris ne’e; maibé ema nebé lakon nia moris tanba Ha’u sei hetan fali nia. Ema ida manan lós sá wainhira nia manan mundo tomak, maibé lakon nia moris? Ka, ema bele fó lós sáida atu troca ho nia moris? Basá Oan Mane sei mai iha nia Aman nia glória, ho Nia anjo sira hodi fó ema hotu nia kolen tuir ida-idak nia hahalok. Tebes, Ha’u dehan ba imi katak ema balun iha ne’e sei la mate molok sira haré Oan Mane to’o mai iha nia reino.

Lia Maksoyn.

Leave a Reply

Your email address will not be published. Required fields are marked *