shadow
Diocese de Dili > NOTÍCIAS > Notícias > FRONT MAHASISWA TIMOR LESTE (FMTL); DECLARAÇÃO ADJUNTO PSIC IHA RTTL.EP LALOS

FRONT MAHASISWA TIMOR LESTE (FMTL); DECLARAÇÃO ADJUNTO PSIC IHA RTTL.EP LALOS

DILI 11 Agosto 2020 (DCAD) – Front Mahasiswa Timor Leste (FMTL) hamutuk  ho Associação Jornalista Timor Leste (AJTL) no FONGTIL terça (11/8) semana ne’e, halo ação pacífica ida hodi contra declaração Adjunto PSIC Adino N. Cabral iha RTTL.EP iha segmento 7 minuto nian ne’ebe nakonu ho bosok no la bazeia ba factos lolos.

“Declaração nebé adjunto PSIC Adino N. Cabral iha segmento 7 minuto iha RTTL.Ep iha loron 8 fulan Agostu 2020 ne’e lalos no falso tanba declaração adjunto PSIC nian hateten katak ami mosu derepenti de’it iha Ministério Justiça hodi halo perturbação ba funcionamento serviço iha Ministério Justiça ne’e lalos no ami dezafia  Sr. Adino N. Cabral atu hatudo factos. No Ami mós la concorda número nebé temi housi adjunto PSIC katak ami hamutuk na’in 20 resin ne’e lalos no falso maibé lolos ne’e ami na’in 13 feto na’in 2 no inclui jornalista ida, haktuir porta-voz Novelino, Gerson no Noe iha Faspol Vila verde Dili terça (11/8) semana ne’e.

FMTL nia posição iha edificio Ministério Justiça (MJ) ho intenção atu follow up carta audiencia nebé mak antes ne’e hatama ona atu Ministério Justiça (MJ) hapara esbosu lei criminalização difamação no injúria liu housi dalan pacífico.

“Ami nia intenção ba MJ atu hasoru malu ho chefe gabinete MJ  nian relaciona ho carta acta concordançia nebé mak ami  hatama ona iha dia 3 Agostu hodi husu audiencia ho Sr. Manuel Carceres, nune’e iha dia 4 Agostu tuku 15:30 ami ba hamutuk ho PNTL hodi halo acompanhamento ba ministério justiça. Maibé too iha edificio Ministério Justiça nian, iha atuação adjunto PSIC ho membro sira nakonu ho intimidação no interoga ami hanesan criminoso ida no atendimento ne’e ezerado liu”.

Front Mahasiswa Timor Leste (FMTL) hamutuk  ho Associação Jornalista Timor Leste (AJTL) no FONGTIL husu ba Primeiro Ministro atu foti medidas hodi demite imediata Adjunto PSIC tanba lalaok nebé nia halo la respeita constituição no lei sira. sira mós husu ba Ministério Publico no Comição Função Publica atu halo investigação ba funcionario inclui membro PSIC nebé pratica atetude la umano hasoru manifestante sira iha edificio MJ nian. (Marta/Alin S’Gama)

Leave a Reply

Your email address will not be published. Required fields are marked *