shadow
Diocese de Dili > NOTÍCIAS > Notícias > TL DECLARA ‘EE’ TANBA NÚMERO CASO COVID-19 IHA NAÇÃO VIZINHO AUMENTA BEBEIK

TL DECLARA ‘EE’ TANBA NÚMERO CASO COVID-19 IHA NAÇÃO VIZINHO AUMENTA BEBEIK

DILI 11 Agosto 2020 (DCAD) – Primeiro Ministro Taur Matan Ruak acompanha ho Membro Governo tomak participa iha debate kona ba aprovação ba declaração Estado de Emergência (EE) iha Sala Plenária Parlamento Nacional terça (11/8/2020) semana ne’e.

Primeiro Ministro Taur Matan Ruak esclaresse razão fundamental Governo halo petição ba declaração Estado Emergência ne’e tanba número caso Covid-19 iha nação vizinho hanesan Indonesia no Australia aumenta bebeik.

“Iha razão declara Estado Emergência (EE) dahaat nian tamba COVID-19 iha nação vizinho número continua aumenta ba beibeik; Indonesia ultrapassa ona 127.000 no Australia ultrapassa 21.000, no nivel global sa’e besik 20. 000 milhões no 700. 000 mak mate ka lakon sira nia vida. Iha mos razão seluk tan mak atu oinsa atu hare no controla segurança iha rai laran, dehan Primeiro Ministro Taur Matan Ruak iha debate aprovação declaração Estado de Emergência (EE) iha Sala Plenária Parlamento Nacional terça (11/8) semana ne’e.

Tuir Primeiro Ministro katak, Último declaração Estado Emergência iha 26 de Junho 2020, no 30 de Junho Governo desmantela Sala Situação–Centro Integrado Gestão de Crise (SS-CIGC), depois ida ne’e ita intervalho fulan tolu no governo sente katak iha necessidade atu fila-fali mai Estado Emergência.

“Depois discução kle’an ho Presidente República Francisco Guteres “Lú-Olo”, atu hateten lolos conselhamento Presidente República katak iha necessidade ita hili declaração Estado Emergência ba da haat. Tanba ne’e, ami justifica necessidade atu implementa Estado Emergência iha ita nia rain. Tamba ne’e, hakarak lori governo nia naran agradece ba Parlamento Nacional ba comprienção ita boot sira nian hein katak comfirma Estado Emergência nian nebé la’o daudauk ona no Governo halo esforso tomak atu implementa tuir mandantu nebé iha. (Leo S’mauS)

Leave a Reply

Your email address will not be published. Required fields are marked *