shadow
Diocese de Dili > NOTÍCIAS > Notícias > CONSELHO MINISTROS APROVA PROJECTO LEI SUBSÍDIO BA JORNALISTA LINHA FRENTE

CONSELHO MINISTROS APROVA PROJECTO LEI SUBSÍDIO BA JORNALISTA LINHA FRENTE

DILI 12 Agosto 2020 (DCAD)- Governo liu housi Conselho Ministro decide hodi aprova projecto Decreto Lei kona ba subsídio ba ema sira nebé hala’o atividade Jornalística iha Sala Situação-Centro Integrado Gestão de Crise (SS-CIGC) nian.

Tuir Ministro Presidência Conselho Ministros Fidelis Manuel Leite Magalhães katak pessoal nebé durante vigência Estado de Emrgência nebé declara ona housi Decreto sira Presidente República nian nú. 29/2020, loron 27 fulan Março no nú. 32/2020, loron 27 fulan Abril, iha condição direta expozição ba Virus SARS-CoV2 nian.

“Profissionál sira ne’e dezempenha sira nia função sira ho forma exemplar, hodi contribui ho desizivo ba difuzão informação credível kona ba prevenção no controlo moras nian iha território nacional, hodi mitiga prevenção população no hodi prevene pánico jeneralizado, saida mak ultarapassa ona ho dever profissional nebé símples, hodi servi manifestamente interesse público ida nebé superior kona ba transmissão informação nebé lais, dehan Ministro Presidência Conselho Ministros Fidelis Manuel Leite Magalhães hafoin remata reunião Conselho Ministros nian iha Palácio Governo Dili Quarta (12/8) semana ne’e”.  

Lei refere apresenta housi Ministro Assuntos Parlamentares no Comunicação Sociál Francisco Martins da Costa Jerónimo no Ministro Finanças Fernando Hanjam. Hafoin Decreto Lei ne’e Governo finaliza tiha nia redação final sei haruka ba Presidente da República atu hetan promulgação. (Jornalista: Leo S’mauS)

Leave a Reply

Your email address will not be published. Required fields are marked *