shadow
Diocese de Dili > NOTÍCIAS > Notícias > GOVERNO PREVE ‘1.5 BILHÕES’ BA OGE 2020

GOVERNO PREVE ‘1.5 BILHÕES’ BA OGE 2020

DILI 13 Agosto 2020 (DCAD) – Primeiro Ministro (PM) Taur Matan Ruak, Quinta semana ne’e hala’o encontro semanal ho Presidente da Republica Francisco Guterres Lu-Olo iha Palácio do Presidente Aitarak-Laran Dili hodi informa assunto rua; assunto Orçamento Geral do Estado no Implementação Estado Emergência.

“Ohin encontro semanal ho Presidente da República koalia assunto rua de’it. Assunto ida koalia kona ba orsamento 2020 nian no ida seluk mak implementação estado emergência. Iha semana hirak, Governo prepara hela plano Orçamento Geral ba tinan 2020 liu husi jornada Orçamental. Nunee total valor osan ba orçamento Geral Estado ba tinan 2020 hamutuk 1.5 bilhões. 1.5 bilhões mais ne’e Conselho Ministros sei halo ajustamento no sei aprova proposta Orçamento Geral Estado ba tinan 2020 molok haruka ba Parlamento Nacional, dehan Primeiro Ministro Taur Matan Ruak hafoin remata audência ho PR  iha Quinta (13/8) semana ne’e.

Liga mos ba Orçamento Geral Estado ba tinan 2021 nian Primeiro Ministro Taur Matan Ruak mos hateten, Orçamento Geral Estado ba tinan 2021 sei baseia ba recomendação sira husi Comissão ba Plano Recuperação Económica.

“Foin daudauk Conselho Ministro Aprova ona Plano Recuperação Económica. Então ministério sira sei prepara orçamento Geral Estado ba tinan 2021 baseia ba recomendação husi Plano Recuperação Económica. Recomendações sira ne’e prioridade liu ba iha agricultura, turismo, saúde, educação, area ha’at ne’e re-forma instituicional nebé sira fo atenção maka’as liu, hateten Primeiro Ministro”.

(Jornalista: Marta)

Leave a Reply

Your email address will not be published. Required fields are marked *