shadow
Diocese de Dili > NOTÍCIAS > Notícias > TINAN OIN MOP SEI TAU PRIORIDADE BA INFRAESTRUTURA BÁSICA TOLU

TINAN OIN MOP SEI TAU PRIORIDADE BA INFRAESTRUTURA BÁSICA TOLU

DILI 14 Agosto 2020 (DCAD)- Iha Audência entre Primeiro Ministro Taur Matan Ruak ho Ministro Obras Públicas Salvador Soares dos Reis Pires iha Sexta (14/08) semana nee iha Palácio do Governo-Dili nee, koalia liu ba assunto planeamento investimento ba tinan 2021 nian iha área Infraestrutura básica hanesan Be’e mos, Electricidade no Estradas.

“Primeiro Ministro Taur Matan Ruak bolu ha’u mai hasoru nia atu relata hela progresso  kona ba ami nia planeamento ba investimento nian liu-liu iha 2021, iha capital desenvolvimento ba iha setores tolu nebé mak importante ba iha infraestruturas básica hanesan; Be’e mós, Electricidade no Estradas, dehan Ministro Obras Públicas Salvador Soares dos Reis Pires iha Sexta (14/08) semana nee hafoin halo audência ho Primeiro Ministro iha Palácio do Governo-Dili”.

Membro Governo nee haktuir mos katak, nia parte sei serviço hamutuk ho Vice Primeiro Ministro no Ministro ba plano no Ordenamento no Ministro Transporte no Comunicações, hodi hare kona ba Processo projeto drainazem nebe fo impacto ambiental no plano resentemento iha cidade Dili.

“Kona ba Processo projeto drainazem foin lalais ami halo ona reunião interministerial no atu hare’e impacto ambiental no plano resentemento iha cidade Dili nian ho custo total iha dezenho detalhado ona 300 ital Milhões. Equipa sira nebé halo iha impacto ambiental nian hare’e hela número ita nia comunidade sira  nebé mak afetado, atu bele iha plano atu muda sira ba iha fatin seluk.

Ministro Obras Públicas dadaun nee halo hela reforma justicional dereção geral rua hanesan água no saneamento no electricidade ba empresa pública.

“Hanesan ita bo’ot sira hatene katak ami halo reforma justicional direção geral rua mak hansan; electricidade no agua saneamento atu transforma ona ba empreza publica no hari’i autóridade nacional rua; electricidade no agua saneamento”.

Ministro Obras Públicas, Agora daudaun serviço hamutuk ho Vice Primeiro Ministro no Ministro ba plano no Ordenamento no Ministro Transporte no Comunicações, halo cordenação para acresenta prioridades ba iha tinan 2021 atu investe Be’e mós, Electricidade no Estradas iha território.

Jornalista: Leo S’mauS

Leave a Reply

Your email address will not be published. Required fields are marked *