DILI 14 Agosto 2020 (DCAD) – Unidade Especial de Polícia (UEP) sexta (14/08) semana nee, celebra 11o aniversário ho ninia motto “O NOSSO PROCEDIMENTO POLICIAL ASSENTA NO DISCIPLINA PROFESSIONALISMO E NA PROPORCIONALIDADE”, iha marcas Bairo-Pite Dili.
Iha comemoração nee, Comandante geral PNTL Comissário Faustino da Costa hateten, Unidade Especial de Polícia (UEP)celebra 11o aniversário katak tinan atu halo reflexão.
“Unidade Especial de Policia ne’e liu ona decada ida katak tinan sanulo resin ida ona unidade tolu tau hamutuk sai unidade ida de’it mak Timor Leste nia policia. Então iha tinan 11 ne’e katak tinan reflexão ida. Claro que buat barak sira halo diak, esforço no serviço lubuk ida sira halo diak mais serviços balun que dala ruma mos sira precisa halo reflexão atu ida nebé mak bele muda no halo sai diak liu tan, tenik Comandante geral PNTL Comissário Faustino da Costa iha marcas Bairo-Pite Dili sexta (14/08) semana nee”.
Comandante PNTL Comissário Faustino acressenta tan katak, missão Unidade Especial nian atu suporta município sira bainhira necessita sira nia apoio.
“Sira nia missão mak suporta município sira bainhira iha casos balu nebé bele afeita ba órgão pública. Hanesan ita hotu hatene preocupa kona ba fronteira liu-liu iha Estado Emergência sira. Ho situação ida ne’e, comando orienta atu suporta ba iha município tolu ao mesmo tempo apoio ba Unidade patrolhamento fronteira iha fronteira para evita ema nebé hakat ilegal fali mai tanto hakat ba rai ketan ka ema rai ketan tama fali mai, tanba doutrina Policia nian ida de’it no juramento mos ida de’it ne’e mak oinsa atu servi povo rai ida ne’e nafatin reispeita direitos humanosTenik comandante Faustino”.
Iha cerimónia aniversário ba dala 11 ne’e hetan participação máximo housi Eis Ministro da defesa e segurança, Vice Ministro Interior, Comandante Geral da PNTL, membro segurança Unidade Especial Polícia (UEP), membro Batalhão Ordem Pública (BOP) nomos familia housi membro polícia nian.
Jornalista : Marta
