shadow
Diocese de Dili > NOTÍCIAS > Notícias > DOM. VIRGÍLIO: COMUNGA DIDI’AK MAROMAK NIA UKUNFUAN 10, LA PRECISA CRIA TAN LEI DEFAMAÇÃO

DOM. VIRGÍLIO: COMUNGA DIDI’AK MAROMAK NIA UKUNFUAN 10, LA PRECISA CRIA TAN LEI DEFAMAÇÃO

DILI, 15 Agosto 2020 (DCAD) – Arcebispo Metropolitá de Dili Dom Virgílio do Carmo da Silva, SDB wainhira preside Solenidade Assunção Virgem Santa Maria nian iha Paróquia Same hateten, se ita sarani mak tuir didi’ak Maromak nia Ukunfuan 1 to’o 10 karik, la precisa tan Lei sira ne’e atu halo, tanba iha Maromak nia Ukunfuan 8 ne’e dehan tiha ona “KETA DUN MATAK KETA BOSOK”.

“Loron hirak ne’e no tempo hirak ne’e iha ita nia rain buat ida nebé naran boot teb-tebes hodi halo discução manas iha média, iha ema barak nia oin kona ba Lei Defamação. Maibé se imi compreende didiak Lei Defamação ne’e ita dehan, se ita sarani mak tuir didiak Maromak nia Ukunfuan 1 to’o 10 karik, la precisa tan Lei sira ne’e atu halo tanba iha Maromak nia Ukunfuan 8 ne’e dehan tiha ona “KETA DUN MATAK KETA BOSOK”. Dala barak ita sidauk kaer ba facto ita dun matak no lori lia falso hodi bobar ema, dehan Arcebispo Metropolitá de Dili Dom Virgílio do Carmo da Silva, SDB wainhira preside Solenidade Assunção Virgem Santa Maria nian iha Paróquia Same sábado (15/08) foin lalais ne’e.

Líder Igreja local ne’e mós afirma, Ohin loron ita discute malu makas, maibé desde uluk tinan 2000 ona, iha timor tinan 500 ona mak Evangelização tama iha rai Timor. Se ita Timoroan kiik too boot se ita comunga duni Doutrina Católico ninian, fiar sarani ninian la precisa halo Lei bar-barak, atu nune’e mak ita bele moris tuir tanba Maromak nia Ukunfuan ne’e lós ba ita maibé tanba de’it ita nia ulun fatuk toos sira ne’e mak tem que halo Lei bar-barak atu ita bele cumpre didi’ak. Tan ne’e ita precisa presença Espírito Santo nian iha ita nia moris hodi sai hanesan mestre guia ita iha moris lor-loron.

Além de ne’e mos Arcebispo Metropolitá de Dili Dom Virgílio do Carmo da Silva, SDB questiona mós kona ba hahalok juramento nebé hakat sees housi fiar sarani nian.

“Buat seluk nebé naran boot mós mak ida ne’e halo juramento. Ne’e duni atu halo juramento iha ne’e ka iha fatin nebé de’it, ita precisa mak ida ne’e, ita sarani precisa husu nafatin molok ita atu hakat sees housi ita nia fiar nu’udar sarani. Ita precisa atu husu ba ita nia an molok iha conciência crítica ida atu ita bele brani confronto ita nia an katak hau nu’udar sarani ida buat ida ne’e vale ka serve ka la serve. Então fila ba ita ida-idak nia an tanba Uma Kreda fo mai ita hotu graça sacramento sira.

Jornalista : Silvestre

Leave a Reply

Your email address will not be published. Required fields are marked *