shadow
Diocese de Dili > NOTÍCIAS > Notícias > IGREJA HUSU, ACÓLITOS SAI LÍDER IHA COMUNIDADE NIA LE’ET

IGREJA HUSU, ACÓLITOS SAI LÍDER IHA COMUNIDADE NIA LE’ET

DILI 14 Agosto 2020 (DCAD) – Iha Solenidade Assunção Virgem Santa Maria nian, Acólitos iha mundo tomak inclui mos iha Timor-Leste comemora Festa São Tarcísio nian nebe sai padroeiro ba Acólitos iha mundo tomak. Celebração Eucarística Solenidade Assunção Virgem Santa Maria nian no Festa Acólitos sira nian nee halao iha Jardim Lecidere Dili iha sexta (14/08) lorokraik semana nee, iha nebe participa máximo husi Acólitos sira Vigararia Dili nian.

Pe. Celebrante ba Solenidade Assunção Virgem Santa Maria no Festa Acólito sira nian, Vigário Geral Arquidiocese de Dili Mgr. José Antonio da Costa iha ninia homilia hateten, iha lorkarik nee ita halibur hamutuk iha nee laos deit atu hanoin Festa boot Assunção Virgem Santa Maria nian, maibe ita hare ba iha ita nia leet katak iha labarik oan sira nebe lor-loron iha sira nia paróquia halo serviço ba Altar Maromak nian hodi servi Eucaristia.

“Hanesan Acólitos nebe lor-loron servi Altar katak servi Cristo. Ita buka atu besik liu ba Cristo hodi sai Cristo nia belun iha itaa nia moris lor-lorn nian. Acólito ida labele sai fali bainaca iha Igreja laran ho Jesus. Nee duni, hanesan Acólito tem que besik liu Cristo. Tuir amo Papa sira nia hanoin no hakarak husu atu husi Acólito sira bele mosu vocação barak husi sira nia leet ‘vocação ba nailulik no vida religiosa. Nee duni aman-inan sira keta tauk, keta karak husik liberdade ba imi nia oan sira wainhira sira hili dalan ba Nailulik no vida religiosa, dehan Mrg. José António da Costa iha Jardim Lecidere Dili iha sexta (14/08) lorokraik semana nee ba Acólito sira”.

Vigário Geral Arquidiocese de Dili Mgr. José Antonio da Costa afirma tan katak Igreja Hakarak husu Acólito sira sai líder iha comunidade.

“Acólitos laos servi iha Uma Kreda laran, maibe iha fatin hotu-hotu ne’ebe imi pronto para servir no pronto atu hatudu exemplo diak ba comunidade tomak no jovem sira hotu iha Timor laran tomak. Hau husu acólitos hotu tem que banati tuir líder histórico sira hanesan líder Carismático Xanana Gusmão, tamba nia mos antigo acólitos nian iha momento neba. Tamba ne’e Ita nia líder Igreja nian hanesan Amo Papa Francisco no ita nia Arcebispo Dom. Virgílio dehan, Acólitos sira tem que sai líder iha comunidade nia le’et, laos de’it líder ho imi nia alin oan sira iha Paróquia laran, maibe iha sai líder iha fatin hotu-hotu hatudu katak imi mos líder Igreja nian. Hanesan uluk katak iha seminario mak sai líder iha político sira iha Timor laran tomak. Agora housi imi cada paróquia ida-idak mos sei sai fali líder iha juventude Timor nia nia laran.

Jornalista: Lucio

Leave a Reply

Your email address will not be published. Required fields are marked *