shadow
Diocese de Dili > NOTÍCIAS > Notícias > PPN ANICETO: ATU TROCA MEJA PPN PRECISA OSAN ESTADO

PPN ANICETO: ATU TROCA MEJA PPN PRECISA OSAN ESTADO

DILI 17 Agosto 2020 (DCAD)Presidente Parlamento Nacional Aniceto Guterres hasouru malu ho Presidente da República Francisco Guterres Lú-Olo iha Palácio Presidencial Bairo Pite Dili segunda (17/08) semana ne’e, hodi informa kona ba meja Presidente Parlamento Nacional nian nebé rahun tuir lolos sei halao cerimónia ritual iha dia 30 de Agosto, maibé adia ba tempo seluk atu bele halo tuir cultura Timor nian.

“Kona ba cerimónia ritual ba meja Parlamento nian nebé rahun ne’e ami seidauk determina tempo, maibé iha tempo badak ami sei decide atu halo cerimonia cultural, data nebé determina dehan iha 30 de Agosto ne’e sei adia fali tanba atu troka meja ne’e sei uja osan estado nian ne’e iha regra liu-liu processo aprovisionamento tanba ne’e sei lori tempo”, tenik Aniceto Guterres, tenik Presidente Parlamento Nacional Aniceto Guterres iha Palácio Presidencial Bairo Pite Dili segunda (17/08) semana ne’e.

Além ne’e, PPN Aniceto Guterres informa mos relatório funcionamento no serviços Parlamento Nacional nian durante fulan 3 nia laran ba Presidente da República. Tuir Aniceto Guterres katak Parlamento funçiona hanesan orgão legislador no orgão fiscalisador.

“trabalho fiscalização no legislação sira lao, iha lei balu aprova tiha ona, iha deliberação barak mak Parlamento halo hanesan mos fo autorização ba Estado de emergência (EE) sira ne’e, deliberação importante e mos ho lei tanba autorização EE ho lei tan ne’e mak funcionamento sira ne’e, serviços administrativos mos lao hela e agora sei iha recesso hela tuir calendario estado, calendario Parlamento nian hanesan bai-bain 15 de Setembro tem que hahu fali ona sessão legislativa foun. E ohin aproveta mos oportunidade ha’u husu disponibilidade Presidente da República ninian e PR hatan atu ba halo abertura ba III sessão legislativa, tenik Presidente Parlamento Nacional Aniceto.

Jornalista : Marta Afoan

Leave a Reply

Your email address will not be published. Required fields are marked *