shadow
Diocese de Dili > NOTÍCIAS > REFLEXÃO > JESUS NE’E OBJECTO POLÍTICA DE’IT?

JESUS NE’E OBJECTO POLÍTICA DE’IT?

Refelexão & Leituras  Domingo 21ºdo Tempo Comum – Ano A, 2020

 

Susar tebes atu ema riku ida tama iha Reino Lalehan, Fácil liu kuda buru ida hakat liu housi daun leet. Ba Maromak buat ida la susar. Susar tebes ukun nain haré hetan povo nia susar hanesan be mos, estrada, saúde, educação maibé, fácil liu sira hateke borus mak oportunidade regalias housi estado. Jesus laos sai ona sasukat atu político halo diak ba povo maibé, figura Jesus sai hanesan objecto político atu povo hili sira nia partido.Ignoram Scripturam, Ignoram Cristi Est.

Semana ne’e, Evangelista lori ita nobun ba região Norte Galileia nian. Geograficamente, região ne’e situada besik mota Jordão nia ulun iha rai Cesareia Filipe.

Históricamente, Cidade ida ne’e Liurai Herodes Filipo mak construi iha tinan 2-3 antes Cristo hodi fo honra ba Cesar Augusto. 

Semana ida rua ba kotuk, ita acompanha ona oinsa Jesus fo volta território Palestina hodi haklaken Ninia doutrina. Housi viagem haleu ne’e, ita nudar fiar nain descobre katak Jesus nia missão Salvífica laos pertence de’it ba povo Israel maibé, pertence ba ema hotu nebé, simu Maromak nia proposta salvação iha Jesus nia Hanorin sira.

Maibé, molok hakat too salfação refere, Jesus mos convida ita hodi experimenta destino de Cruz.

Jesus prova Maromak nia misericórdia iha Cruz tutun. Ita nobun nebé baptizado sei hetan prova eh tentação laos ona Cruz concreta hanesan Jesus leva iha tinan rihun ba kotuk maibé, Cruz ne’e ho forma seluk tanto housi liur (exterior) no housi mos ita-an rasik (interior). Jesus nia cruz inicial mak wainhira Nia tenke enfrenta desafio ba Ninia missão housi fariseu ho doutor lei sira perante povo judeu nia interece ba salvação messiánica.

Liu tiha fulan hirak Jesus haklaken Reino Lalehan, Jesus justifica Ninia proposta kona ba Reino Lalehan la hetan resposta positiva (não é acolhida) housi ema balu. Grupo kiik ida de’it nebé composto housi apóstolo ho povo simples balu mak simu Jesus nia haklaken. Tanba ne’e mak Jesus husu ba sira kona ba Jesus nia personaliade.
Wainhira Jesus husu escolante sira nia hanoin kona ba Ninia personalidade, ne’e laos atu hodi sukat Jesus nia popularidade perante sociedade judaica altura nebá (Não se trata, tanto, de medir a sua quota de popularidade) maibé, Jesus hakarak confirma ba apóstolo sira katak opção tuir Jesus no aposta Reino Lalehan laos atu hetan popularidade maibé, sei hasoru desafio oioin. Talves tanba versículo ne’e mak mak Santa Teresa de Calcutá iha ninia ditado popular reflecte katak; Maromak bolu ita laos hodi hetan sucesso maibé, bolu hodi Fiel ba Nia.

Evangelista Mateus nia relato, acrescenta tan confissão São Pedro katak Jesus mak Maromak Oan hafoin Jesus confia missão kreda nian ba Pedro. Confissão de Pedro lori paradigma importante rua ba ita nudar sarani. Paradigma ida uluk mak caracter Cristológico nebé centraliza ba definição Jesus nia identidade iha Pedro nia confissão. Paradigma segunda sublinha liu ba caracter mais eclesiológico nebé centraliza iha Igreja liu housi Jesus nia posse ba Pedro nudar chefe da comunidade eclesial: “Também Eu te digo: Tu és Pedro; sobre esta pedra edificarei a minha Igreja e as portas do inferno não prevalecerão contra ela. Dar-te-ei as chaves do reino os Céus: tudo o que ligares na terra será ligado nos Céus, e tudo o que desligares na terra será desligado nos Céus / / Hau dehan tenik ba o; o Pedro, iha fatuk ne’e, Hau sei harí Hau nia Igreja; inferno la iha kbiit atu foti liman hasoru Nia. Hau sei fo Reino Lalehan ba o ukun: buat nebé o futu iha rai, sei futu mos iha lalehan; buat nebé o kore iha rai, sei kore mos iha lalehan”».

Versículo 13-16, ita haré Jesus interroga discípulo sira oinsa ema seluk nia haré  kona ba Jesus nia figura hafoin oinsa discípulo sira nia haré sobre Jesus .
Afinal ema sira iha altura nebá, nafatin haré Jesus hanesan de’it ho figura profeta sira antes hanesan João Baptista, Jeremias, Elias ou profeta seluk ruma nebé mosu ona iha passado. Ne’e significa katak maske Jesus lao fo volta hodi haklaken Doutrina maibé, sira la consegue haré (Capta) Jesus nia novidade sira, originalidade nudar realização (pemenuhan) housi Maromak nia promessa katak Messias sei mai.

Sira reconhece Jesus apenas too de’it ema nebé Maromak envia mai mundo ho missão ida hanesan profeta antigo sira. Ao passo que Pedro ho fuan boot confessa katak Cristo mak Messias Maromak nia Oan.

Precisa ita tau iha consideração katak situação socio político Palestina iha altura nebá cria circunstância ida que povo precisa tebes presença Messias ida ho figura hanesan liurai David ho força armada completo hodi duni sai colónia Romano housi Palestina. Provavelmente circunstância ida ne’e mak halo povo em comum, inclui apóstolo balu excepto Pedro nebé considera figura Jesus hanesan de’it ho profeta sira.

Iha altura nebá, prespectiva ema nia ba Jesus apenas nudar ema diak, justo, generoso nebé rona Maromak nia apelo sira hafoin comunica apelo ne’e ba povo liu housi ninia hahalok sira, hanesan profeta sira halo ona (versículo 12-14). Tanba ne’e mak ema barak inclui escolante sira la consegue contempla figura Jesus ho novidade hirak nebé Jesus actua hanesan Messias. Nune’e mos apóstolo sira nia opinião quase comum, nem halo distinção oiotan ho ema seluk. So Pedro mak sente representa comunidade ou grupo escolante sai porta-voz hodi declara Jesus nudar Messias Maromak oan.

Pedro nia confissão ne’e significa Jesus mak Cristo (Messias) nebé sai hanesan libertador ba Israelita sira durante ne’e sira hein. Messias nebé sai hanesan enviado Maromak nian, sei oferece salvação definitiva.

Liu tiha confissão Pedro nian representa povo kiak no oprimido ne’e, Jesus mos fo kedas resposta imediata ida tan Pedro nia expressão fé ne’e laos meramente humana maibé, divina. Talves Pedro confessa ida ne’e ema nome de comunidade sarani iha altura nebá maibé, Jesus considera expressão

ne’e dom de Deus (“não foram a carne e o sangue que to revelaram, mas sim o meu Pai que está nos céus”). Pedro ho escolante sira tama iha categoria ema kiak sira, ema simples, ema hirak nebé aberto/nakloke ba Maromak katak sira iha coração disponível hodi acolhe dom da graça no proposta salvação nebé Jesua anuncia.

Grupo escolante ho ema fiar nain sira nebé haré Jesus ho maan fiar nian, representa ema hirak nebé disponível ba Maromak, sai hanesan contraposição ba grupo elite sira hanesan fariseu ho doutor lei sira nebé la precisa Jesus até que haré Jesus nia doutrina hanesan ameaças ba sira nia posição no privilégio iha sociedade nebá.

O que é que significa Jesus dizer a Pedro que ele é “a rocha” (o nome “Pedro” é a tradução grega do hebraico “Kephâ” – “rocha”) sobre a qual a Igreja de Jesus vai ser construída? As palavras de Jesus têm de ser vistas no contexto da confissão de fé precedente.

Saida mak ita nudar sarani Católico bele entende kona ba Pedro wainhira Jesus tenik nia nudar fatuk (fatuk inan)? Pedro iha tradução greda nebé adapta housi lain hebraica “Kephâ” katak fatuk (rocha). Fatuk ne’e duni mak Jesus sei edifica comunidade sarani (Igreja) no buat aat sei la destroi kreda ne’e too tempo nia rohan. Pedro nia confissão representa iha hotu nebé simu Cristo nudar Messias. Saida mak Pedro koalia, lori ema hotu nia fatin hodi afirma Jesus nia identidade.

Tanba ne’e mak too ohin loron so Igreja Católica de’it mak única instituição mais antiga nebé iha sucessão completa hahú kedas housi Pedro mai too Papa Francisco.

Se ema ruma mosu mai koalia rebo-rebo kona ba Jesus de’it hodi haluha tiha kreda nebé Jesus institui (edifica) iha tempo nebá, hirak ne’e hotu mesak bosok ten. Se grupo ruma mosu mai halo campanha kona ba Jesus hodi la considera Nossa Senhora (Jesus nia inan Maria), hatene ba katak hirak ne’e doutrina falsa. Jesus Maromak duni no ema duni. Tanba nia Maromak duni, então poder nebé nia haraik ba Pedro nudar chefe da comunidade no Pedro nudar fatuk inan, ne’e puramente legal-histórico. Jesus ne’e ema (mane) duni, então certamente nia tenke moris mai rai ne’e housi inan ida hanesan mos ser humano em comum.

Infelizmente, sarani católico balun oras ne’e facilmente monu ba ema nia promoção bosok sira liu housi media social hanesan facebook. Infelizmente catóico sira oras ne’e haré figura Jesus laos hanesan Messias maibé, apenas hanesan figura artista ida nebé ema uza Jesus nia foto hodi halo tatoo, halo pintura artística de’it.

Infelizmente político balu nebé mai ho origem sarani, uza objecto sagrado Jesus nian hodi harí partido, habosok no hatauk ema ho imagem sagrada sira atu apoiantes hili sira nia partido até haluha tiha katak Jesus ne’e expressão concreta housi Maromak nebé ita la haré.

Foin sae sira sablon camisola Jesus nian hodi hatudu de’it estilo de vida (life Style). Businessman sira aproveita publica Jesus nia imagem ho objecto sagrado sira ho fim económico laos fim da fé.

Pergunta atu ita reflecte mak ne’e; liu tiha tinan rihun rua, ohin loron ita haré figura Jesus hanesan saida? Assim Seja e Bem Haja…. Ignoram Scripturam, Ignoram Cristi Est (ignas2020)

Leave a Reply

Your email address will not be published. Required fields are marked *