shadow
Diocese de Dili > NOTÍCIAS > REFLEXÃO > “Mais vale perdoar do que remediar”

“Mais vale perdoar do que remediar”

Reflexão & Leituras  DOMINGO23º DO TEMPO COMUMANO A 2020

Ema nebé hatene perdão, nia ema forte, ema nebé la hatene perdão, nia ema fraco. Mahatma Gandhi dehan: “O fraco nunca pode perdoar. Perdão é um atributo dos fortes.

Capítulo 18 Evangelho Mateus nian, Biblista sira considera nudar: “discurso eclesial” basá, apresenta catequese ida housi Jesus kona ba experiência Jesus nia caminhada iha comunidade nia leet. Mateus Evangelista haluan ho forma significativo instruções nebé apresenta housi Evangelista Marcos kona ba vida comunitária (cf. Mc 9,33-37. 42-47). Naturalmente, escrito São Mateus nian endereça ba comunidade judaica sira. Iha comunidade ne’e existe tensões entre grupo oi-oin iha sociedade relacionado ho convivência: iha maluk balu nebé julga nai ulun sira iha kot-kotuk, balun hakarak sai ema boot hodi ocupa fatin importante sira, balun comporta la di’ak hodi abuso poder no escandaliza povo kiak no frágil sira, maun alin balu ofende malu hodi hatete-aat maluk seluk, balu explora hodi cobra osan housi ema seluk nebé hetan serviço tanba ninia organização mak recomenda, seluk susar tebes atu fo perdão ba ninia maluk nebé halo erro ruma.

Atu hatan ba vários problemas hirak ne’e mak relato Evangelho Mateus nian hatur Jesus nia princíppio doutrinário kona ba sentido perdão hodi hatete: ““o maun eh alin sala hasoru o karik, ba haksiak nia mesak deit, iha nia oin. Nia rona o karik, o manan nia. Nia la rona o karik, ba bolu tan ema ida eh ema rua, atu lia ne’e bele lao los tan ema nain rua eh nain tolu sira nia lian.””… «Se o teu irmão te ofender,vai ter com ele e repreende-o a sós. Se te escutar, terás ganho o teu irmão. Se não te escutar, toma contigo mais uma ou duas pessoas, para que toda a questão fique resolvida pela palavra de duas ou três testemunhas”.

Ponto importante iha ne’e mak perdão no amor (Domin); Mateus nia relato hatudu katak Jesus pretende forma comunidade fiar nain ida nebé hatene funu hasoru-an rasik hodi adere ba lalaok perdão. Iha Antigo Testamento ita rona lei ida nebé dehan matan troca matan, tilun troca tilun maibé, iha Novo Testamento Jesus hafoun mentalidade ida ne’e hodi adere liu ba Perdão diálogo. Atu alcança ideal ne’e, lalaok importante nebé precisa foti hanesan fundamento mak simplicidade (kesederhanaan) no Humildade (haraik-an).

Situação política iha Timor Leste, lider histórico sira fila kotuk ba malu hodi provoca impasse política rohan laek iha Timor. Pandemia Covid19 mosu mai piora liu tan situação política IP ida ne’e. Fukun housi ne’e mak la iha simplicidade no humildade entre líderes sira nebé mai housi partido diferente no interece política la hanesan. Tanba ne’e mak Vinicius de Moraesdehan: “Quem não perde perdão não é nunca perdoado”. Lider histórico sira nebé antes tinan 20 liu ba fo liman ba malu hodi lori Timor too ukun-an ikus mai fila kotuk ba malu tan deit interece política la hanesan. Ida-idak mosu mai ho sira nia arogancia hodi dun malu no conta história. Sira haluha katak, perdão no diálogo mak bele fo solução ba prosperidade nação Timor Leste.

Iha figura balu nebé contribui ba impasse ida ne’e, oportunista lobuk ida aproveita situação ne’e hodi hetan lucro, oportunista balun de repente sai defensor do partido, oportunista seluk sai defensor ba figura. Balu aproveita lider carismático Xanana Gusmão hodi hetan cargo política, seluk fali aproveita partido histórico hodi manten poder durante tempo naruk.

Jesus nia doutrina semana ne’e, soke ita nia ambição hodi fo perdão ba malu no tane rai Timor Leste nia progresso nebé lori povo ba prosperidade basea ba mehi naruk luta nian.

Fulan rua ba kotuk, mosu polémica juramento hemu ran nebé halo deputado LR condena amu Martinho ho Amu Maubere. Na realidade, sugestão ho crítica ida rua nebé nailulik rua ne’e hatto ba nai ulun sira, ninia motivo laos atu kaer ukun maibé, contribui hanoin baluk ruma hodi loke ukun nain sira nia fuan ba rai Timor. Tanba ne’e mak Evangealho relata: “…Maibé, nia la fo karik tilun ba sira, ba fo hatene ba Santa Kreda: Nia la fo karik tilun ba Santa Kreda, haré nia hanesan ema gentio eh hanesan ema publicano. Hau dehan tebes ba imi: buat hotu nebé o hametin iha rai, sei hametin mos iha lalehan; buat nebé o hakore iha rai, sei hakore mos iha Lalehan”.

Religioso ida halo reflexão hodi dehan: “Na realidade, a Igreja é uma realidade divina e humana, onde coexistem a santidade e o pecado”. Ne’e significa katak nai lulik sira mesak ser humano nebé bele mos iha pecado maibé, wainhira em nome de Igreja, sira halo crítica, ne’e hodi tulun governante sira la bele desvia housi naturesa ukun basá, poder too ponto ida bele halo ema haluha-an. Tanba ne’e mak atu ema hotu fo liman ba malu cria paza no harmonia tuir doutrina Cristo nian, Jesus prefere sentido perdão no domin atu se mak sala tenke haraik-an confessa nia sala, se mak los la bele ulun boot hodi sai fali oportunista iha estado ida nia laran. Maioria Governante mesak Católico maibé, talves laos hot-hotu praticante no hatene pratica moris humildade. Di’ak liu remediar do que cura. Assim Seja e Bem Haja. (Ignas2020)

Leave a Reply

Your email address will not be published. Required fields are marked *