shadow
Diocese de Dili > NOTÍCIAS > LETURA DIÁRIA > XXIII DOMINGO TEMPO COMUM (ANO A)

XXIII DOMINGO TEMPO COMUM (ANO A)

Primeira Leitura                         Ez. 33, 7-9

Lia housi Livro Profeta Ezequiel:

Na’i lia tun nune’e: “Ó ema oan, Ha’u tau ó atu hein Israel nia uman. wainhira ó rona lia ida housi Ha’u ibun, ó sei dehan ba ema seluk hodi Ha’u nia fatin. Uainhira Ha’u dehan ba ema aat: ‘Ema aat, ó sei mate; ó la hateten atu nia sai housi dalan aat, ema aat sei mate tan nia salan. Maibe, Ha’u sei husu tusan ba ó kona ba nia mate. Ó fo hatene karik atu nia sai housi dalan aat, maibe, nia lakohi sai housi dalan aat ne’e, nia sei mate tan nia salan; maibe, ó sei soi ó nia moris.

Maromak Futar Lia.

 

Salmo Responsorial                                                                                                                                      Sal. 94(95), 1-2. 6-7ab. 7c-9

Refrão :  Rona ohin Na’i nia lian keta taka imi laran!!! Repete-se

Mai hotu, hananu haksolok,

mai hahi ita Maksoin.

Hahi haksolok ba hasouru ita Na’in. Refrão

 

Mai hotu tuku-tur ba rai,

hana’i ita Na’in nebe halo ita moris.

Na’i, ita nia Maromak, ita nia povo, nia bibi-oan. Refrão

 

Rona ohin Na’i nia lian, keta taka imi laran,

hanesan iha Meribá, eh iha loron Massá, rai-fuik maran.

Imi nia bei-ala sira halo Ha’u iha neba,

sira sadik Ha’u, maski hare Ha’u nia kbiit. Refrão

 

Segunda Leitura                                                                                                                                                                       Rom. 13, 8-10

Lia housi São Paulo nia surat ba sarani sira iha Roma:

Maun-alin sira: Keta hela ho ema ruma nia tusan, maibe, buka hadomi de’it malu, tan ema nebe hadomi nia maluk halo tuir ukun. Tan Ukun-fuan dehan: “Keta hola ema seluk nia fen, keta oho, keta na’ok, keta hakarak aat.” Hanesan mos ukun-fuan seluk, bele habadak ho lia-fuan hirak ne’e:  “Hadomi ó maluk nu’udar ó an rasik.” Caridade la halo aat ba ó maluk. Caridade katak halo tuir lolós ukun.

Maromak Futar Lia.

 

Aclamação                                                                                                                                                                                         Mt. 18, 20

Refrão : Aleluia, Aleluia!! Repete-se

Uainhira na’in rua eh na’in tolu halibur tan Ha’u naran,

Ha’u sei iha sira leet, Na’i hateten. Refrão

 

Evangelho                                                                                                                                                                                     Mt. 18, 15-20

Na’i Jesus Cristo nia Evangelho nu’udar São Mateus haktuir:

Iha tempo nebá, Jesus dehan ba Escolante sira: “Ó maun eh alin sala hasouru ó karik, ba haksi’ak nia mesak de’it, iha nia oin. Nia rona ó karik, ó manán nia. Nia la rona ó karik, ba bolu tan ema ida eh ema rua, atu lia ne’e bele la’o lós tan ema na’in rua eh na’in tolu sira nia lian. Maibé, nia la fo karik tilun ba sira, ba fo hatene ba Santa Kreda: Nia la fo karik tilun ba Santa Kreda, hare nia hanesan ema gentio eh hanesan ema publicano. Ha’u dehan tebes ba imi: Buat hotu nebé ó hametin iha rai, sei hametin mos iha Lalehan; buat nebé ó hakore iha rai, sei hakore mos iha Lalehan. Ha’u dehan tan ba imi: Iha karik ema na’in rua, iha rai, nebé halibur sira lian atu husu naran buat ida, sira sei hetan housi Ha’u Aman iha Lalehan. Tan, wainhira na’in rua eh na’in tolu halibur tan Ha’u naran, Ha’u sei hela iha sira leet”.

Lia Maksoyn.

Leave a Reply

Your email address will not be published. Required fields are marked *