shadow
Diocese de Dili > NOTÍCIAS > LETURA DIÁRIA > Terça-Feira, XXIII Semana Tempo Comum (ANO A)

Terça-Feira, XXIII Semana Tempo Comum (ANO A)

Primeira Leitura                      1Cor. 6. 1-11

Lia housi São Paulo nia primeira Surat ba sarani iha Corinto:

Maun alin sira: Uainhira imi ida iha buat ruma hasouru maun alin ruma, oin sá imi barani lori nia ba tribunal nebé ema la lós nian, la’os iha tribunal santo sira nian? Imi la hatene katak santo sira mak sei tesi lia ba mundo tomak? Imi sei tesi lia ba mundo karik, imi la to’o atu tesi lia iha tribunal nebé kiik liu? Imi la hatene katak ita sei tesi lia ba anjo sira? Ne’e duni, tansá ita la bele tesi lia kona ba buat nebé moris ne’e nian? Ne’e duni, tansá ita la bele tesi lia kona ba buat nebé moris ne’e nian? ne’e duni iha iha buat ruma karik, tansá imi lori sira ne’e ba juiz nebé ema haré áat liu iha kreda? Ha’u dehan ne’e atu hamoe imi. Imi la iha ema iha imi leet nebé matenek atu bele tesi lia kona ba buat ruma iha maun alin sira leet? Maibé maun ba hasouro alin iha tribunal, no tribunal ne’e gentio sira nian?

Katak imi hasouro malu iha tribunal la di’ak ba imi. Tansá la tahan buat áat? Tansa la husik ema lohi imi? Maibé, imi rasik mak halo áat no lohi ema, no imi halo ida ne’e ba imi nia maun alin rasik. Imi la hatene katak ema áat sei la simu Maromakl nia reino nu’udar liaman rohan? Keta husik ema bosok imi: sira nebé halo sala fo’er ho fetoran, ka adora lulik, ka halo sala foer ho kaben na’in, ka halo sal fo’er ho maluk mane ka maluk feto, ka na’okten, ka karakten, ka lanuten, ka sira nebé konta ema nia vida, ka tama uma atu na’uk sei la simu Maromak nia reino nu’udar liman rohan. Uluk, imi balun hanesan ne’e; maibé ohin imi fase mós ona, imi sai santo ona, imi sai ona ema lós iha Na’i Jesus Cristo nia naran no iha Maromak nia Espírito.

Maromak Futar Lia.

 

Salmo Responsorial                                                                                                                          Sal. 149. 1-2, 3-4, 5-6ª, 9b (R. 4ª)

Refrão : Na’i hadomi Nia povo!!! Repete-se

Hananu ba Na’i knananuk foun ida,

Hahhi Nia, santo sira hotu;

Israel haksolok iha nia Na’i,

Sião nia oan sira, iha nia Liurai. Refrão

 

Hahi no hana’i Nia futar naran,

Hananu hamutuk ho Ita Maromak.

Na’i hadomi Nia Povo!

Nia sei tau coroa manan nian

Iha ema sira be haraik-an. Refrão

 

Ema laran mós sira nia fuan haksolok,

Maromak nia sarani sira haksolok ba.

Tan hahi la mohu iha sira ibun!

Ida ne’e mak Nia sarani sira nia glória. Refrão

 

Aclamação                                                                                                                                                                                     cf. Jo. 15. 16

Refrão : Aleluia, Aleluia!! Repete-se

Ha’u mak hili imi hodi haruka imi ba atu bele fó fuan no

imi nia fuan bele hela ba nafatin, Na’i dehan. Refrão

 

Evangelho                                                                                                                                                                                        Lc. 6. 12-19

Na’i Jesus Cristo nia Evangelho nu’udar São Lucas haktuir:

Iha loron hirak nebá, Jesus sae ba foho ida atu harohan; kalan tomak Nia harohan ba Maromak. Iha dader, Nia bolu ba nia An escolante sira, hodi fihir housi sira leet na’in sanulu resin rua nebé Nia hanaran ‘Apostolo’ Simão, nebé nia hanaran Pedro, ho nia alin Andrée; Tiago, João, Filipe ho Bartolomeu; Mateus, Tomé; Tiago, Alfeu nia oan; Simão nebé hanaran Zeloso; Judas, Tiago nia oan, no Judas Iscariotes nebé sei saran Nia.

Tun tiha hamutuk ho sira, Jesus tur iha rai tetuk ida. Iha nebá escolante barak ho tan ema lubun boot housi rai Judeia tomak, housi Jerusalém no housi tasi ibun Tiro no Sidónia nian, mai atu rona Nia no mós atu hetan isin di’ak housi sira nia moras no sira nebé espírito fo’er sira book, no sira hotu hetan di’ak. Sira hotu buka atu kona Nia, basá biit sai housi Nia hodi fó isin di’ak ba sira hotu.

Lia Maksoyn.

Leave a Reply

Your email address will not be published. Required fields are marked *