shadow
Diocese de Dili > NOTÍCIAS > LETURA DIÁRIA > Sexta-Feira, XXIII Semana Tempo Comum (ANO A)

Sexta-Feira, XXIII Semana Tempo Comum (ANO A)

Primeira Leitura   1Cor. 9. 16-19, 22b-27

Lia housi São Paulo nia Primeira Surat ba sarani sira iha Corinto:

Maun-alin sira: Ha’u haklaken Evangelho karik, ne’e la atu ha’u bele gaba an, basá ha’u simu knaar ida, no ha’u la haklaken karik Evangelho fó direito mai ha’u atu gaba an, basa knaar ida ne’e saran tiha mai ha’u hodi obriga; no ha’u haklaken Evangelho karik, susar boot mai ha’u! Ha’u haklaken karik ho laran ksolok, ha’u iha kolen; ho laran todan karik, ha’u simu tiha knaar atu halo. Ne’e duni, ha’u nia kolen ida nebé? Katak wainhira ha’u haklaken, ha’u saran Evangelho hodi la hein ema atu selu, atu ha’u la bele usa ha’i nia direito iha Evangelho.

Maski ha’u ukun rasik an kona ba buat hotu, ha’u halo tiha ha’u nia an atu sai atan ba ema hotu atu bele manan ema barak liu. Ha’u sai tiha buat hotu ba ema hotu, atu bele manan balun. Buat hirak ne’e hotu ha’u halo tan Evangelho, atu ha’u mós bele hetan liman rohan iha nia.

Imi la hatene katak sira nebé halai iha estádio halai atu manan, maibé ida de’it mak manan prémio. Imi halai ba atu manan. Halimar na’in ida-idak buka ukun an iha buat hotu. Sira halo hotu ne’e atu manan coroa ida nebé aban sei mohu, maibé ita sei manan buat nebé sei la mohu. Nune’e ha’u la halai hodi la hatene atu ba nebé; ha’u la halo funu hanesan tuku de’it lalatak. Lae! Ha’u ukun ha’u nia isin no hadi’a nia, tan ha’u ta’uk katak, wainhira ha’u haklaken tiha ba ema seluk, ha’u rasik lakon.

Maromak Futar Lia.                                                                                                                                                                                                                                                                  

Salmo Responsorial                                                                                                                               Sal. 83(84). 3, 4, 5-6, 12 (R. 2)

Refrão : Ita hôrik fatik kmo’ok tebes, Na’i mundo rai klaran nian!!! Repete-se

Ha’u klamar neon sala,

Hodi hanoin Na’i nia kadunan;

Ha’u fuan no ha’u isin

Haksolok iha Maromak moris. Refrão

 

Manu lakateu sira buka hela fatin,

Koá-lelok (andorinha) halo knu’uk ba oan sira;

Besik Ita Altar, Na’i mundo rai klaran nian,

Ha’u nia Liurai no ha’u nia Maromak. Refrão

 

Ksolok ba sira nebé hôrik iha Ita uma,

No sira nebé hahí Ita loron kalan.

Ksolok ba sira nebé buka kbiit iha Itaboot,

Sira be hakarak la’o ba foho Sião. Refrão

 

Basá, Na’i mak loromatan no ita nia mahein;

Nia haraik mai ita, graça no glória.

Na’i la heli Nia laran di’ak,

Ba ema sira nebé moris tuir dalan lós. Refrão

 

Aclamação                                                                                                                                                                                       Jo. 17. 17b,a

Refrão : Aleluia, Aleluia!! Repete-se

Ita liafuan, Na’i mak lialós tebes’

Hametin ami iha lialós. Refrão

 

Evangelho                                                                                                                                                                                       Lc. 6. 39-42

Na’i Jesus Cristo nia Evangelho nu’udar São João haktuir:

Iha tempo nebá, Jesus dehan aiknanoik ne’e ba escolante sira: “Ema matan delek ida bele hatudu ba ema matan delek seluk? Sira na’in rua la monu hotu iha kuak laran? Escolante ida la bele sai boot liu dali nia mestre, basá escolante di’ak ne’e sei halo hanesan nia mestre. Tan sá ó haré ai rahun iha ó nia maun eh alin nia matan, maibé la haré ai kabelak iha ó nia matan rasik? Oin sá ó bele dehan ó nia maun eh alin: ‘Maun eh alin, husik ha’u hasai ai rahun housi ó nia matan, maibé ó la hare ai kabelak iha ó nia matan rasik? Laran makerek! Hasai uluk lai ai kabelak housi ó nia matan, hafoin ó sei bele haré momós atu hasai ai rahn housi ó nia maun eh alin nia matan”.

Lia Maksoyn.

Leave a Reply

Your email address will not be published. Required fields are marked *