shadow
Diocese de Dili > NOTÍCIAS > HOMILIA DO BISPO > SÃO ARCANJOS SIRA LAOS DEIT SAI MENSAGEIRO MAIBÉ ATU HATUDU MOS MAROMAK NIA KBIIT

SÃO ARCANJOS SIRA LAOS DEIT SAI MENSAGEIRO MAIBÉ ATU HATUDU MOS MAROMAK NIA KBIIT

Sarani doben sira mak Na’i Maromak hadomi!

Ukuk nana’in ha’u nia parabens no boas festas ba loron ohin hanesan liturgia convida ita ohin tanba ohin ne’e festa santo Arcanjo ninian mak  Miguel, Gabriel e Rafael nebé festa loron ida ne’e hafutar ho inauguração no benção estação igreja São Miguel Arcanjo paróquia Padiae ninian nebé ita boot sira nian iha ita nia rai doben Timor Leste particularmente iha Oe-cusse, ida ne’e mak razão nebé ita hanoin hamutuk, ida ne’e mak lalehan  lori ita e ida ne’e mak sai mos ksolok razão ba ita nia ksolok iha lalehan. Ita boot sira haksolok tanba imi sente katak depois de mehi iha tempo liu ba paróquia iha ona maibé mehi mos atu wainhira furak e laos tanba esforço ne’e mak tun mai maibé sarani rasik iha paróquia ida ne’e fo liman ba malu hanesan iha primeira leitura dehan fo liman ba malu serviço hamutuk hodi prepara imi nia salão e ohin ita inaugura igreja foun ida ne’e ho diak, laos deit ho esforço diocese ninian ou paróquia ninian maibé sarani ninian.

Sarani doben sira!

Ita hakarak halo fatin Maromak nian sai fatin ida nebé digno, fatin ida nebé furak atu ita hasoru malu ho Na’I Maromak, uma Maromak ninian uma nebé sarani bele hasoru malu ho Na’I Maromak, iha altar ida ne’e mak ita mai atu koalia, ita hakmatek atu bele rona Maromak nia liafuan,  ita  bele koalia ho Maromak, nu’udar sarani ita mai atu reza, reza katak dialogo, ita loke ita nia laran maibé ita mos rona Maromak nia futar liafuan, tan ne’e mak fatin furak, fatin santo ida ne’e atu ita  bele koalia ho Na’I Maromak, rona Maromak no hahi Maromak, furak ba sarani sira sente Maromak besik ba sira, Maromak besik ba imi sarani doben sira iha vigario Padiae nian. Imi nia fatin furak ona, diak ona, capaz ona maibé esforço atu   fiel  nafatin atu ksolok nebé imi hetan ne’e labele monu, buka ksolok nebé los iha imi nia moris liu housi dalan rona Maromak nia liafuan sira, celebração ohin nian ne’e foka liu iha festa São Miguel Arcanjo ho nia maluk sira (Miguel, Gabriel e Rafael). Liu housi festa ida ne’e Maromak hakarak dehan saida ba ita, primeiro husu ba ita nia an katak saida mak Arcanjo sira? Arcanjo katak sira nebé nia naran hakerek iha biblia hanesan dehan Arcanjo sira nia festa atu celebra mak ida naran Miguel nebé Maromak foti atu sai duni mahein Gabriel no Rafael, sira laos deit atu comunica mensagem Maromak nian ba povo maibé sira mos hatudu Maromak nia kbiit, tan ne’e wainhira hare naran 3 ne’e, Miguel dehan katak se mak boot liu Na’I Maromak, Miguel defende nafatin Maromak katak laiha ida nebé a’as liu Na’I Maromak, Maromak mak boot liu hot-hotu, Gabriel katak Maromak mak boot laiha ida nebé boot liu  no Rafael  mak ida nebé curadeiro, ida nebé hanesan doutor cura. Sira na’in 3 ne’e ita bele dehan  Gabriel ita hotu hatene katak nia mak ba fo sai mensagem ba Maria atu sai Maromak nia inan, Miguel nia papel hanesan ohin ita rona iha segunda leitura hanesan funu na’in tan ne’e mak iha ita nia rain mos ita nia força sira foti são Miguel mos ba sira nia mahein iha ita nia rain, ne’e duni lutador nebé ita rona luta katak  anjo sira nebé revela, duni sai sira housi lalehan e Rafael mak bele acompanha Tobias defende to’o nia aman David mos bele cura nia matan nebé delek, então sira na’in 3 ne’e hanaran Arcanjos.

Maluk doben sira!

Grupo ida be  hanaran Arcanjo ne’e mak anjo sira nebé simu missão especial atu sai hanesan chefe anjo sira nian basá Maromak tau iha sira nia liman missão especial iha uma creda então Jesus dehan iha Arcanjo sira nia ne’e hakarak hatudu saida ba nia escolante sira no ba ema hotu, iha Arcanjo sira nia relação ho Nia, anjo sira haklaken iha lalehan nebé sira continua hasa’e Gloria ba Maromak nia Oan Mane e liafuan anjo dehan katak mak mensageiro, manu ain, sira ne’e Maromak nia mensageiro lori mensagem Maromak nian mai ita. Tan ne’e leitura sira ohin hahu housi primeira leitura São Paulo ba sarani sira iha Cristo recomenda buat ida deit, oinsa atu hala’o ksolok nebé Nia dehan sarani sira contente haksolok iha liturgia ohin nian tanba  creda foun maibé São Paulo dehan humildade oituan atu ksolok ne’e labele horiseik  no ohin deit maibé haka’as an atu ksolok ida ne’e tem que mantein nafatin, ksolok ida nebé los, ksolok ida nebé mai housi Na’I Maromak, ksolok ida mai housi sasan sira,  ida ne’e ksolok ida temporario, ksolok ida nebé los ne’e mai housi ida nebé laiha hun no laiha rohan maibé quando ksolok ida nebé iha hun no iha rohan ne’e ohin o haksolok aban o stress maibé se o confia Maromak, Maromak nunca confu ita, tan ne’e mak dehan sasukat atu hatene ida ne’e mak ita precisa haraik an deit, humildade, haraik an diak hatudu katak la boot hanesan Maromak  hanesan anjo sira a’at nebé foti an  oituan Miguel ho nia maluk sira duni sai sira tanba sira hahu foti an dehan katak sira mos boot hanesan Maromak então  Maromak dehan hanesan anjo sira hahi Maromak nune’e mos Maromak halo ita atu sai instrumento Maromak ninian, hahu housi ita nia familia, iha escola, iha comunidade, iha fatin nebé ita hala’o serviço. Wainhira koalia kona ba ksolok ne’e ita bele husu ba ita nia an  e wainhira ema hotu hamutuk ho ita iha uma creda ida ne’e bele husu ba ida-idak nia an katak ha’u nia moris nu’udar ema ida iha sociedade ida ne’e ha’u protagonista ida ba ksolok, alegria ba ha’u nia maluk sira  ga ha’u la permanen la halo contribui ba maluk sira ho ksolok nebé los.

 Doben maluk sarani sira!

Iha segunda leitura koalia oituan kona ba fofoun iha lalehan ema ida ho anjo sira hasoru samea, samea lao to’o rai naroman no du’ut sai naroman duni sai samea, se mak Miguel ida ne’e, ema hotu dehan ida nebé balun Maromak soi nia mak selvagem nebé a’at liu, então Miguel sai ita nia manu ain, dala barak anjo sira be a’at, diabo, espírito a’at demonio no samea nebé mak nia hahalok bosok ten, nia bosok ema hot-hotu, samea ba bosok Eva  atu halo nia monu ba sala tanba nia hahalok mak mate, tan ne’e wainhira koalia kona ba tentação ne’e ema santo sira dehan santo sira sura deit katak loron ida sira sei mai então buat nebé ita precisa atu tau a’as mak anjo sira ne’e mak nakonu hodi ita nia naran rasik  maibé ho nia Oan nia naran hanesan ohin evangelho dehan katak mak ita Na’I Jesus Cristo, tan ne’e mak força nebé ita sarani nian mak confessa no comunga, eucaristia e confeção  ne’e mak força rua nebé nafatin bele fo kbi’it  fo força ba ita atu bele perçebera lao iha dalan nebé los. Mai ita sarani liu-liu foinsa’e sira  iha paróquia ida ne’e ninian particularmente ba ita sarani Arcanjo São Miguel nian atu São Miguel Arcanjo bali ita nia foinsa’e sira hotu iha paróquia ida ne’e nia laran tulun sira atu hadook sira housi lia bosok tanba lia falsu no lia bosok ne’e dala barak sobu ita nia familia, sobu ita nia comunidade, sobu ita nia rain, sobu ita nia nação ne’e duni ita apela atu to’o fim iha foinsa’e sira nia leet bele hadomi buka verdade iha ita Na’in Jesus Cristo nian. Ita mos haka’as an ida atu bele tama ba iha Arcanjo sira nia liman, familia hot-hotu iha Paróquia ida ne’e, familia hotu pretence ba paróquia ida ne’e atu iha familia hotu tan familia mak knu’uk sociedade nian, knu’uk uma creda nian, knu’uk moris nian, ne’e duni iha knu’uk ida ne’e nia laran iha knu’uk ida nebé wainhira iha lialos ita bele hetan ona kona ba buat seluk nebé ita bele halo, ita reza atu familia ida-idak atu bele tulun liu housi São Arcanjo nebé nia harohan daet ita temi nia naran halo nia naran sai boot liu tan iha paróquia ne’e atu ita kuda iha familia hot-hotu tuir vontade, tuir lia los tuir ita na’in Jesus Cristo nia hanorin.

Leave a Reply

Your email address will not be published. Required fields are marked *