shadow
Diocese de Dili > NOTÍCIAS > LETURA DIÁRIA > Terça-Feira, XXVI Tempo Comum (ANO A)

Terça-Feira, XXVI Tempo Comum (ANO A)

Primeira Leitura  Job. 3. 1-3, 11-17, 20-23

Lia houisi livro Job nian:

Job hahu ko’alia hodi fó malisan ba nia loron moris. Nia ko’alia nune’e: “Loron nebé ha’u moris lakon tiha ba, kaln nebé fó hatene hodi dehan: ‘Mane ida moris ona’, lakon tiha ba. Tan sáha’u la mate kedas iha ha’u inan nia knotak, eh la mate kedas wainhira ha’u sai housi ha’u inan nia kabu-laran? Tan sá iha ain tur rua hodi tane netik ha’u, susu matan rua hodi fó susu ha’u? La nune’e karik, ha’u dukur hakmatek ona hodi toba mate nian, hamutuk ho liurai sira no boot sira liurai nian, nebé hari rate kapas ba sira-an rasik; hamutuk ho biit na’in sira nebé iha oasan mean ua’in, no nakonu sira uma ho osan mutin. Eh hanesan oan monu (aborto) be ema soe tiha, labarik oan be la moris , nebé la haré naroman? Iha nebá ema sira be áat husik ona sira nia hahalok áat sira, iha nebá toba hela ema sira be kole. Tan sá fó naroman ba ema be hetan de’it áat, nebé hein hela mate?  Maibé oras la dauk to’o atu mate, buka namanas hela mate liu fali riku soi? Sira sei hetan skolok wainhira sira to’o rate ida nia oin, haksolok tebes wainhira hetan ona rate ida. Tan sá fó moris ba ema ida nebé la haré nia dalan, ba ida nebé Maromak tau lutu hale’u?”

Maromak Futar Lia.

 

Salmo Responsorial                                                                                                                       Sal. 87(88). 2-3, 4, 5, 6, 7-8 (R.3ª)

Refrão  : Na’i, ha’u harohan ba to’o Itaboot!!! Repete-se 

Na’i, ha’u Maromak,

Loron kalan ha’u halerik iha ita futar oin.

To’o iha Itaboot, ha’u nia harohan,

Sée tilun mai hodi rona ha’u lian. Refrão

 

Ha’u klamar nakonu ho terus,

Ha’u moris besik ona odamatan mate nian.

Ema sura ona ha’u iha mate sira leet,

Ha’u. ema ida biit laek ona. Refrão

 

Ha’u hela ona iha mate sira leet,

Hanesan mate sira nebé hôrik hela iha rate,

Iha nebé Ita la hanoin hetan ona,

Nebé hasai tiha housi Ita futar liman. Refrão

 

Na’i, Ita soe ha’u iha ku’ak naruk ida,

Iha nakukun boot nia laran.

Ita Nia hirus monu  hanehan iha ha’u leten,

Ita laran nakali no hirus hanehan ha’u. Refrão

 

Aclamação                                                                                                                                                                                         Mc. 10. 45

Refrão : Aleluia, Aleluia!! Repete-se

Oan Mane mai atu serbi ema, no saran

Nia moris atu soi ema ua’in. Refrão

 

Evangelho                                                                                                                                                                                      Mc. 9, 51-56

Na’i Jesus Cristo nia Evangelho nu’udar São Lucas haktuir:

Iha tempo nebá, wainhira tempo atu husik rai ne’e besik daudaun ona, Jesus, hodi hakarak,  hahu la’o ba Jerusalém. Nia haruka manuain sira atu ba uluk. Sira ne’e la’o ba, hodi tama iha ema Samaria sira nia knua ida, atu hadi’a fatin ba Nia. Maibé sira la simu Nia basá Nia atu sa’e ba Jerusalém. Haré tiha ne’e, escolante sira, Tiago no João, dehan ba Nia: “Na’i, Ita hakarak katak ami hamulak atu ahi tun housi lalehan hodi han sira?” Maibé Nia fila oin hodi si’ak sira. Tuir mai, sira la’o fali ba knua seluk.

Lia Maksoyn.

Leave a Reply

Your email address will not be published. Required fields are marked *