shadow
Diocese de Dili > NOTÍCIAS > REFLEXÃO > SAI UVAS MIDAR & SIN? Depende Escolha…

SAI UVAS MIDAR & SIN? Depende Escolha…

Reflexão & Leituras DOMINGOCOMUM XXVII/Ano A/2020

Is 5,1-7  Flp 4,6-9  Mt 21,33-43
    

Iha tinan 1990 mai oin, Papa matebian, São João Paulo II crítica tebtebes estilo de vida ema iha mundo tanba altura nebá, mundo hahú daudaun conhece tecnologia. Impacto husi tecnologia ne’e halo ema haluha tiha valor moris sarani nian hodi fila ba mentalidade consumerismo; ema hadau malu sosa no halibur riku soin hodi fo ksolok ba moris rai nian. Tama tiha mai tinan 2000 e tal, Papa Emérito Bento XVI halo reflexão badak ida katak; mundo ohin loron halo ema hadau malu halibur riku soin hodi haluha tiha Maromak.

Iha reflexão semana hirak liu ba, Jesus explica no fo exemplo ona kona ba valor fundametantal sirainclui característica básica sira nebé precisa Católico ida cumpri hodi bele pertence ba Reino Lalehan; ne’e significa katak sociedade foun nebé Jesus anuncia, Jesus explica ho exemplo, analogia no ai-knanoik lobuk ida.

Jesus nia mensagem principal semana ne’e mak; Maromak nunca abandona ita. Ita nu’udar Na’i nia Kreda (Igreja); mai Na’i nia toos uvas nebé precisa cuida (tau matan) didiak hodi hetan resultado (fuan) diak. Jesus nia ai-knanoik nebé relata iha Evangelho semana ne’e, Jesus halo piadas (sindiran) forte ba matenek na’in judeu sira nebé tan de’it arrogancia no sente santo demais hodi haré Jesus nia presença nu’udar ameaça (ancaman ou saingan) ba sira nia popularidade.

Mentalidade sociedade iha altura nebá ho lalaok sociedade ohin loron quase la iha diferença dook. Lalaok hanesan de’it maibé, circunstâncias ida rua mak diferente de’it. Iha rai ne’e, buat nebé atraido liu ba ema feto no mane mak; poder, riku soin no fama. Lalaok human hirak ne’e contribui mos ba desordem lobuk ida iha sociedade. Too ponto ida que ema sente matenek liu Maromak hodi desvia moris husi ordem Divina.

Tanba ne’e mak religioso ida halo reflexão nune’e:…Quando vemos multiplicarem-se as violências, as injustiças, as prepotências, as escravidões… É difícil acreditar que o “Reino” está em processo de construção, quando o materialismo, a futilidade, o comodismo, a procura da facilidade, o efémero sobressaem, de forma tão marcada, na vida de grande parte dos homens e das mulheres do nosso tempo…”

Profeta Isaías mos iha Antigo Testamento descreve imagem povo Israel nu’udar toos uvas nian.Jesus iha Ninia hanorin sira, compara nafatin imagem hanesan iha Antigo Testamento hodi hatudu critério oinsa ema nebé fiar Jesus bele cumpri requisitos sira hodi hetan salvação.

Figura hirak nebé cuida povo Maromak nian iha Antigo Testamento mak profeta sira. Na verdade, uvas hirak ne’e produs de’it uvas sin! Basá, sira la simu presença profeta sira hodi cuida no fo hanoin sira. Sira rejeita profeta sira nia existência; ne’e significa katak sira rasik rejeita Maromak nia vontade atu salva sira.

Evangelista Mateus utiliza imagem kona ba toos uvas Antigo Testamento hodi descreve condição fira comunidade Judeu iha ninia tempo. Ema judeu sira rejeita no oho hotu Maromak nia manu ain sira (profeta). Sira mos continua rejeita manu-ain hanesan João Baptista, até rejeita Jesus rasik nu’udar Maromak Oan.

Ita  nia memoria sei hanoin namanas hela acontecimento hirak liu ba iha planária Parlamento Nacional, wainhira deputado Partido KHUNTO ho inicial LR halo crítica ba Amu Domingos Maubere ho Amu Martinho Gusmão relaciona ho polémica juramento hemu ran.

Polémica KOLU BATINA sai viral iha momento nebá li-liu iha media social (Facebook) tan de’it deputado Luis Roberto crítica padre sira tenke hasai BATINA mak koalia política. Declaração ne’e hamosu pro-contra iha sociedade. Tuir kedas ho homilia husi padre ida nebé mos viral iha media social (Whatsapp-Facebook) tan de’it crítica partido khunto nia método juramento hemu ran hodi tuir partido too mate. Homília ne’e mos nu’udar reação ba declaração deputado inicial LR relativo ho kolu batina ne’e. Facebook harame liu tan ho ofende malu no tolok malu entre grupo pro-contra ba declaração ne’e.

 

Nune’e reflexão semana ne’e convida ita nobun nebé mesak sarani Católico maske mai husi partido político diferente hodi interioriza Maromak nia Lia Fuan no hanoin ho lógica ba entidade eh moviento hirak nebé lori ita sees husi Maromak.                                          

 

História moris ema nia sempre monu ba sala no prática lalaok mal sira. Maromak maske kbiit na’in no bele halo buat hotu maibé, sempre iha sensibilidade humana tan sempre laran luak atu ho perdão ba Ninia emar sira be lao sees husi Na’i.

Relato Evangelho hakarak loke netik ita nia neon kona ba sentido “Reino de Deus/Reino Lalehan”. Jesus nia ai-knanoik halo ita reflectae katak Reino Lalehan ne’e pertence ba ema hotu nebé fiar Maromak (sarani); Esse “Reino” não é um clube exclusivo de “bons” e de “santos”: nele todos os homens – bons e maus – encontram a possibilidade de crescer, de amadurecer as suas escolhas, de serem tocados pela graça, até ao momento final da opção definitiva.

Tanba ne’e mak iha Segunda Leitura, São Paulo justifica katak tan Maromak nebe laran luak (misericordioso) sempre mai hodi fo auxilio (tulun) ba Ninia emar sira liu husi Espírito Santo hodi guia ida iha qualquer situação ba vida plena. São Paulo iha ninia carta reflecte katak dalan salvação sempre mai husi Maromak laos mai husi figura ema criatura bai-bain quanto mais político ida.

Ita mos sei hanoin oinsa iha 1999, amu lulik no madres balu massacrado no rejeitado tan de’it defende rai Timor nu’udar toos uvas Na’i nian.

Iha Novo Testamento, toos uvas mak ita nobun nu’udar Cristo nia Kreda (Igreja Católica). Oinsá situação Igreja actual relaciona ho uvas fuan nebé midar ou sin, toos uvas ne’e, Na’i nu’udar toos na’in, sei la abandona, quanto mais destrui tiha.

Maromak nu’udar toos uvas na’in, uvas mak povo fiar na’in iha universo ida ne’e, maske fila kotuk bebeik ba Maromak maibé, Maromak sempre iha alternativa ikus hodi haruka Ninia Oan Mane mai cumpri promessa salvação ne’e. Cumprimento salvação ne’e ikus mai Maromak hakarak concretiza liu husi Jesus Cristo rasik maske tan de’it vaidoso, Jesus tenke comprova Maromak nia domin iha Cruz tutun.

Nu’udar Católico, nu’udar político, nu’udar povo bai-bain, ita iha nafatin liberdade no opção preferêncial hodi escolha no halao moris ohin loron sai uvas diak ka uvas sin. Keta haloba be iha loron ikus, Maromak sobu lutu, ita mos incluido iha grupo ida Maromak atu tebe sai husi nia toos uvas ne’e. “…maibé, iha buat hotu, buka hamulak hodi husu; buka mos agradece, atu buat nebé imi husu bele sae too Maromak futar oin. Maromak nia paz nebé boot liu matenek hotu, sei rai imi laran no imi neon iha Jesus Cristo.   Assim seja e Bem Haja (ignasoliveira2020).

Leave a Reply

Your email address will not be published. Required fields are marked *