shadow
Diocese de Dili > NOTÍCIAS > REFLEXÃO > KAER, DUNI SAI BADIU FESTA SIRA…….!

KAER, DUNI SAI BADIU FESTA SIRA…….!

Reflexão & Leituras DOMINGOCOMUM XXVIII/Ano A/2020

Is 25,6-10a  Flp 4,12-14.19-20  Mt 22,1-14

 

 

Iha Timor, festa na’in hasai convite ba ema na’in 20, mosu mai ema 200. Sinu Igreja bolu ema 200, mosu mai na’in 20 de’it.

Iha festa sira nebé oferece han-hemu diak, badiu festa mosu nadodon mai hatais elegante liu convidade sira até convidade sira mos la hetan fatin atu tur.

Wainhira festa na’in la simu badiu festa sira, ne’e significa katak funu sobu festa nian hahu dau-daun iha momento ne’e.

Semana rua liu ba, Jesus iha Ninia ai-knanoik hanorin kona ba convite ba oan mane na’in rua hodi ba serviço iha toos uvas nian.

Sira na’in rua nia reação diferente: ida halo tuir no ida seluk la halo tuir.

Iha ambiente hanesan, semana kotuk mos Jesus koalia kona ba toos na’in husu responsabilidade resultado uvas ba trabalhador sira.

Serviço na’in sira rejeita toos na’in nia manu-ain sira hodi oho tiha sira, até toos na’in nia oan rasik mos sira oho tiha.

Semana ne’e, iha ai-knanoik, Jesus haktuir laos de’it kona ba toos uvas na’in nebé hatene fo ordem de’it maibé, Jesus focus liu ba liurai ida nebé convida ema wa’in mai assiste ninia oan nia festa casamento.

Interessante tebes atu ita nudar sarani hatene objectivo housi ai-knaoik hirak be Jesus apresenta ho motivo ida atu ita convicta (yakin) katak Maromak hakarak salva humanidade laos ho castigo maibé, ho convite.

Cristão Católico  ohin loron li-liu hirak nebé activo iha media social hanesan Facebook no google, precisa matan moris neon na’in ho publicação housi irmão separado (protetante) inclui mos seita sira hanesan Adventista ho testemunha jeova nebé sempre hatauk ema, ameaça, siik mundo nia rohan no interpretação seluk nebé sempre hatauk ema ho ameaças housi Maromak.

Na realidade, relato Evangelho sira li-liu Evangelho semana ne’e, Maromak nunca ameaça ema nia liberdade, Maromak fo convite, ema mak iha liberdade rasik hodi escolha; simu ka rejeito proposta salvação Nai nian. Los duni Maromak mak inicia hodi propõe dalan salvação enquanto ema iha rasik liberdade atu simu eh lae.

Haktuir katak fou-foun, liurai fo convite ba de’it ema hirak nebé nia conhece. Na realidade, ema hirak ne’e fo resposta indesesável (lakhoi participa), hodi halo liurai laran triste. Ema hirka ne’e balun fo resposta dehan tempo la iha, balun rona maibé, la halo buat ida, até balu kaer oho tiha liurai nia manu-ain sira. Ikus mai, liurai ne’e convida hikas ema hotu la haré ba convidado ne’e di’ak eh aat, sala na’in eh santo mos eh foer.

Afinal, wainhira convidado hirak ne’e tama ona iha tenda laran, descobre katak iha ema balun nebé mai participa maibé, nia la tau roupa festa nian.

Reaksi si raja sangat mengherankan! Bagaimana mungkin raja itu dapat bahkan berani bertanya kepada orang undangan itu: “Hai Saudara, bagaimana saudara masuk ke mari tanpa mengenakan pakaian pesta?”.

Liurai nia reação estranho tebes! Wainhira liurai tama ba fatin atu haré ema sira ne’e,  nia haré ema ida nebé la hatais unuk festa nian; nia dehan ba ema ne’e: ‘belun, oinsa o tama mai iha ne’e la ho unuk festa nian?’

Pergunta mak ne’e; ema hotu nebé participa iha festa ne’e, laos liurai mak haruka atan sira ba convida? Tansa liurai convida tiha ema hot-hotu atu mai harame ninia festa de repente nia tama haksiak convidado nebé la hatais unuk festa nian?

Keta haluha katak, ai-knanoik iha leten ne’e nudar analogia (comparação) ida. Tanba ne’e, ita la precisa interpreta absolutamente tuir ita nia pensamento humano, tuir sasukat intelectual ema nian. Saida mak Jesus pretende atu explica liu housi ai-knanoik ne’e, relaciona ho convidado nebé la hatais unuk festa nian?

São Ireneu interpreta katak roupa festa casamento nian ne’e refere ba hahalok no moris nebé los (moris tuir Ukun Fuan) no halao moris merece duni iha Maromak futar oin. Nune’e, roupa/unuk significa hakribi sana (conversão), transformação hahalok, fuan mos, hanoin diak. Ne’e mak São Ireneu nia interpretação relativo ho ai-knanoik festa casamento. Ho ponto de vista seluk, ita bele dehan critério atu ita bele tama participa iha Reino Lalehan mak moris los tuir Maromak Ukun Fuan; ne’e regra eh requesitos obrigatório.

Se ema ruma mosu mai iha ita nia odamatan, iha facebook, iha televisão iha Youtube hodi hanorin katak Fiar de’it ita bele tama ona Reino Lalehan, ne’e doutrina bosok. Keta haluha katak Jesus rasik hanorin bebeik ona katak; ema nebé hakarak tuir Cristo, tenke housik buat hotu hodi lori Cruz tuir Jesus. Festa casamento nudar relata iha Evangelho, ne’e nudar imagem analógoca ida housi Reino Lalehan nebé ema hotu hetan convite atu bele tama iha neba maibé, precisamente tenek cumpri lai Reino Lalehan nia critério sira. 

Santo Agostinho reflecte kona ba roupa/unuk festa casamento nian hodi explica katak; roupa festa nudar roupa eh unuk nebé pertence ba ema diak sira (ema hirak nebé moris santo-moris tuir Maromak ukun). Ema diak hirak ne’e mak merece liu participa iha festa casamento ne’e.

Será que roupa festa sira refere ba sacramento sira iha Igreja Católica? Sacramento Baptismo de’it? Los duni katak we baptismo mak loke dalan atu ema sai emar Maromak nian maibé, na realidade iha mos ema balu nebé maske simu ona we baptismo maibé, seidauk bele hasoru Maromak……ou será que roupa/unuk festa nian ne’e refere de’it ba altar hodi hasae sacrifício Missa? Maibé, São Paulo hatete: “ema nebé han no hemu hodi la confessa hostia consagrada nudar Cristo nia futar isin no ran lolos, nia sei simu rasik maldição (1Cor 11, 29)”. Então será que roupa festa ne’e refere de’it ba Jejum? Maibé, na realidade, ema gentio mos halo jejum! Então roupa festa mak badinas ba Igreja? Maibé, na realidade, ema aat mos balu ba Igreja hanesa ema sarani sira………! então, roupa festa lolos nebé ita bele entende housi ai-knanoik Jesus nian ne’e?

Santo Agostinho fo resposta hodi refere ba São Paulo nia Carta be tenik:”maske hau ibun bele koalia lian oi-oin ho lian anjo sira nian maibé, se hau la iha domin, hau hanesan sinu ida nebé lia lerek. Maske hau iha graça atu bele siik no hatene segredo hotu, matenek boot; maske hau iha fiar nebé boot hodi bele muda tiha foho sira, se hau la iha domin, hau folin laek (cf 1Cor 13, 1-2)”.

Santo Agsotinho halo resumu simples hodi dehan; La iha Domin, la ho Cristo hau ne’e ema laek ida! Ne’e mak sentido lolos housi roupa festa! Santo Agostinho acrescenta katak: haré rasik roupa festa iha o nia-an; se iha roupa ne’e, o merece mai participa festa casamento ne’e ho laran ksolok.

Jesus convida ita atu prepara rasik roupa festa casamento ne’e atu ita bele sai Cristão Católico verdadeiro. Moris nudar Católico nebé fiel ba Cristo iha Kreda Católica. Homan rasik ita nia unuk festa casamento nian sura ho Maromak nia bensão. Assim Seja e Bem Haja (Ignaslopes2020)

Leave a Reply

Your email address will not be published. Required fields are marked *