shadow
Diocese de Dili > NOTÍCIAS > HOMILIA DO BISPO > 13 DE OUTUBRO, ITA HAFOUN DALA IDA TAN ATU MUNDO BELE SAI FAMÍLIA IDA DE’IT

13 DE OUTUBRO, ITA HAFOUN DALA IDA TAN ATU MUNDO BELE SAI FAMÍLIA IDA DE’IT

Sarani doben sira mak Na’in Feto hadomi!

 

Dala ida tan iha loron kmanek ba loro kraik ida ne’e, ita halibur hamutuk atu hasa’e ita nia agradece ba diak hotu nebe ita simu ona housi harohan daet Imaculada Conceição de Maria, mahein creda Timor no povo Timor nia liurai Feto.

Timoroan sira reconhece Inan lalehan ne’e nia papel iha ita nia moris, iha ita nia historia nu’udar povo, nu’udar sarani, iha momento ne’e mos ita sei continua koko rahun diak nebe suli liu housi Inan lalehan nia harohan daet liu-liu iha tempo susar ida ne’e.

Ohin ita mai hamutuk atu agradece, halo ita nia procissão hanesan tinan-tinan ita halo ho Rosário iha liman ita harohan nu’udar maun no alin, bin no feton hamutuk hanesan familia ida, tan ne’e iha biban ida ne’e atan ha’u hakarak husu ita boot sira nia tempo oituan atu hato’o hanoin badak ida housi ita nia amo papa iha nia enxiclica ida nebe foin sai iha dia 4 de Outubro tinan 2020 iha loron São Francisco Xavier nian, amo papa hanaran nia hotu-hotu mesak maun alin.

Amo papa Francisco nia fraternidade amizade social ida nebe hatudu oinsa atu hari’i mundo ida nebe diak liu iha justiça no dame ba ema hot-hotu, nune’e mos instituição sira hotu hodi fo nafatin nia contribuição atu dehan lae ba funu nune’e mos indiferente globalização. Saida los  mak amo papa hakarak atu contribui ba mundo ida nebe justo no fraterna, iha nia relacionamento sira iha vida social politica nune’e mos instituição ida nian, ida ne’e mak hotu-hotu mesak maun alin koko atu hatan.

Maluk doben sira!

Amo papa descreve hanesan enxiclica ida social ninian, titulo ne’e nia impresta deit housi São Francisco de Asis ninia admonição, nia uza liafuan hirak ne’e atu hato’o ba nia maun alin, bin no feton sira gesto ida evangelho ninian. Enxiclica ida ne’e nia objetivu atu promove aspiração ema hotu nian ba fraternidade no amizade social, amo papa hakerek enxiclica ida ne’e wainhira mundo preocupa hela ho pandemia covid-19 no iha duni situação ida ne’e mak saúde mundial hatudu katak laiha ema ida funu hasoru moris ne’e mesak deit no ita nia mehi hatudu duni ona katak ita forma familia humanidade ida, ida nebe ita hotu mesak maun alin no bin feton. Tan ne’e ha’u hakarak apresenta ponto ruma  habadak housi amo papa ninia livro nebe hakerek iha  capitulo 8 pajina atus 1 resin habadak iha paragrafo 6. Amo papa iha nia capitulo dahuluk ho titulo “Hanesan Kalohan Nakukun Taka Hela Mundo”, documento ne’e reflete hela problema sira haleu ita, manipulação nebe formação ho conseito sira hanesan democracia, liberdade, justiça, comunicação social no historia lakon dadaun nia sentido, hanoin an no indiferença ho bem comum, dezemprego, rasismo, pobreza, dispalidade direito hanesan trafico humano obriga ema atu halo aborto. Amo papa koalia kona ba problema sira vogal nian no husu atu halo acção, nia mos koalia hasoru cultura ida muru nian nebe apoio crime sira organizado hakiak hela tauk no izolamento.

Iha capitulo daruak nian nia “O Estranho no Caminho”, Ema leet ida iha dalan, hasoru lalatak oi-oin masque nune’e enxiclica mos koko atu hatan ho ezemplo sira nebe bele sai naroman nune’e mos sinal ida esperança nian O bom Samaritana. Capitulo ne’e ema leet ida iha dalan, amo papa foka liu ba sociedade ida nebe la saudavel katak ida nebe fila kotuk ba kiik no kiak, generoso sira nia terus no susar, papa bolu ita atu sai bom Samaritana.  Atu sai belun ho ita nia maluk sira no conquista ita nia presuiso interese pessoal, bareira sira nebe causa housi historia cultura, facto katak ita hotu iha responsabilidade ba malu atu hakiak sociedade ida nebe la estrunha ema ida, integra no hamutuk fo liman atu tane hirak nebe mukit nebe iha terus nia laran, domin mak hari’i ponte no ita hotu moris tanba domin. Amo papa aumenta tan hodi dehan mai ita katak sarani ita hare Cristo iha ita nia maluk ida nebe  destruido, sarani ita hare Jesus iha ita nia maluk sira nebe dala ruma keta ita hewai karik.

Iha capitulo tuir mai “Visão Buat Hun Ida Nebe Nakloke”, principio capacidade atu hadomi tuir dimenção universal unico amor iha capitulo ida ne’e, hein no mehi hela mundo ida nebe nakloke. Iha capitulo ida ne’e papa husu ita sai housi ita nia an atu ita bele hetan ou descobre lolos ema seluk, loke ita nia an ba ema seluk tuir finalismo caridade nian mak halo ita hetan ita nia fe vertude. Enxiclo ida ne’e mos fo hanoin fali mai ita perfil espíritual ita ema nia moris, ne’e mak sukat ho domin ida ne’e mak primeiro guia ita buka duni ema seluk nia diak iha nebe hadook housi buat hotu nebe hanoin an nian sentido solidaridade no fraternidade hahu iha familia laran, direito atu moris ho dignidade ne’e ema hotu nian nune’e direito laiha fronteira laiha ema ida nebe estruido la interese housi neba, hafoin ponto seluk papa dehan fuan nakloke ba mundo, ida ne’e mak wainhira koalia kona ba imigração.

 Tema capitulo da-lima nian ne’e “O melhor politica”.  Ida ne’e mak representa forma sira caridade nian nebe a’as liu ona basá wainhira buka ema dook nia diak no reconhece importancia ema nian comprende kona ba loke an no desponibilidade ba discução ka dialogo. Ida ne’e mak ocolismo nebe papa Francisco hakarak dehan ida nebe contrario ho ocolismo ho ida nebe ignora legitima sira nação ho povo, halo conssenços hodi explora intrese ema ida nian no fomenta an rasik ba nia popularidade maibe politica ida nebe diak mos mak atu protege serviço hanesan dimenção essençial iha moris social, estrategia nebe diak liu ona hasoru pobreza tanba ne’e esplica simplesmente laos atu ofere kiak sira maibe promove ho sira solidaridade e suseriedade.

Kna’ar politica sira nian liu-liu atu hetan solução la taka sira hotu nebe mai hasoru direito fundamental ema nian hanesan exclusão social, ne’e cargo sira orgão ema nian, kilat lor-loron crime organizado sira no seluk tan, amo papa ezize atu limita trafico humano ida ne’e fonte moe nian ida be iha humanidade, hamlaha basá hahan ne’e labele sai housi ema ida ninia moris.

Dialogo no Amizade. Housi capitulo ida ne’e dialogo ho amizade iha sociedade, iha nebe hare ho conceito moris hanesan arte ou arvoré de encontro ho ema hot-hotu ho sira hirak nebe iha preferia sira basá ita ida-idak bele aprende buat ida housi ema seluk, laiha ema ida nebe la serve nune’e mos laiha ema ida nebe la util iha sociedade, amo papa iha contexto ne’e nia recomenda milagre ida laran diak nian, atettude nebe ita precisa atu recopera basá ida ne’e mak hanesan fitun ida nebe nabilan iha nakukun boot nia laran no liberta ita housi crueldade no arciedade.

Iha capitulo seluk nia bolu ba hafoun an. Valor no promoção dame nian mak reflete iha capitulo VII dalan nebe hafoun encontro ida nebe papa sublinha katak paz liga ho lialos justiça no laran luak, dook housi desezo  vingança ida ne’e mak ho ativo no nia objetivo atu forma sociedade ida nebe iha tulun malu no halo reconciliação ba dezenvolvimento mutual, ne’e duni paz ne’e arte ida nebe involve no considera ema hotu no ema ida-idak tem que hola parte, perdão liga ho dame ita tem que hadomi malu laiha excepção no decide nia dehan hadomi ema ho presorida katak tulun nia atu muda no la premite nia atu continua hanehan nia maluk sira.

Ikus liu mak Religião no Fraternidade. Amo papa fokus iha religião mak servi maun alin sira iha mundo no sublinha katak terrorismo laos religião nian maibe interpretação sira nebe laos lian kona ba texto sira be religião nian nune’e mos normas sira nebe liga ho hamlaha, pobreza, sira nia justiça ba pressão.

Maluk doben sira!

Amo papa convida ita haka’as an no buka moris diak ita nia dever sarani nian atu hare Jesus nia oin iha ita nia maluk sira, reconhece iha ita nia bin feton, maun alin sira, haka’as an atu hakiak domin ida nebe los nomos basá ema hotu iha imagem no ilhas Maromak nian.

Ho mistura oituan condição mundo ohin loron nian, santo padre tau iha ita nia disposição visão nebe maka’as no urgente ba renovação valor iha vida politica no instituição economica sira housi comunidade ba to’o mundo internacional, chamada ida atu hari’i futuro ida ba ema hotu atu tau matan ba ema nia diak, ba uma creda amo papa sadik ita atu manan individualismo iha ita nia cultura atu servi maun alin sira hodi hare Jesus iha ema ida-idak nia oin no buka sociedade ida nebe iha justiça no bom paixão  no atenção.

Maluk sarani doben sira!

Documento ida ne’e sei foun iha internet iha fatin barak sai ona, ita boot sira nebe hakarak atu haklean liu tan nu’udar sarani hanoin katak ida ne’e furak ba ita sarani liu-liu iha tinan ida ne’e (2020) bele sai materia ida iha ita nia reflexão, tan ne’e mai ita ohin maluk doben sira, ho loron boot Na’in Feto ninian mai ita hafoun dala ida tan atu mundo bele sai familia ida, atu Timor bele sai familia ida, timoroan sira hare malu hanesan maun alin, sai povo ida, familia ida deit, ida ne’e mak sai ita nia preucupação, ita nia hakarak iha loron ida ne’e ita halo prosseição ita hateke Na’in Feto, ita lori lao hamutuk ho Nia nu’udar inan atu bali hakuak nafatin ita hotu nu’udar familia ida, oan, pertençe nu’udar familia boot Maromak ninian.

Leave a Reply

Your email address will not be published. Required fields are marked *