shadow
Diocese de Dili > NOTÍCIAS > LETURA DIÁRIA > Quinta – Feira, XXX Semana do Tempo Comum (ANO A)

Quinta – Feira, XXX Semana do Tempo Comum (ANO A)

Primeira Leitura                         Ef. 6. 10-20

Lia housi São Paulo nia Surat ba sarani sira iha Éfeso:

Maun alin sira: Hari imi nia kbiit iha moris hamutuk no Na’i, housi nia kbiit nia tulun. Tau hatais funu nian nebé Maromak haraik tiha ba imi, atu imi bele ba hasouru diabo nia babeur áat hotu. Basá ita la halo funu hasouru ema de’it, maibé ho babeur diabo nian nebé ukun otas ne’e. Ne’e duni, tau Maromak nia hatais funu nian ohin kedas! Nune’e, wainhira loron áat sei mosu mai, imi bele ba hasouru funu baluk, no wainhira imi halo tiha funu to’o rohan, imi sei manan.

Matan moris ba, ho lialós nu’udar imi nia futu kabun, ho moris lós atu tahan imi nia hirus matan; ho imi nia laran maus atu haklaken liafuan di’ak dame nian nu’udar imi nia sapatu. Lori fiar nu’udar imi nia eskudu ba nafatin, basá ho nia, imi bele ba hasouru rama ho ahi nebé mai housi diabo. Simu maksoyn atu taka imi nia ulun no Maromak futar lia nu’udar surik nebé Espírito fó ba imi. Halo buat hotu ne’e hodi harohan, no husu Maromak nia tulun.

Hamulak nafatin ba, nu’udar Espírito lori ba imi. Tan ne’e, matan moris ba, hamulak ba Maromak nia povo tomak. Hamulak mós ba ha’u nia di’ak, atu Maromak haraik mai ha’u lia menon ida wainhira ha’u atu ko’alia ona, atu ha’u bele ko’alia ho aten barani hodi fó sai buat hotu nebé subar hela iha Evangelho. Tan Evangelho ne’e ha’u sai manu-ain ida ona, maski ohin ha’u iha dadur laran. Imi hamulak ba atu ha’u hetan aten barani wainhira ha’u ko’alia kona ba Evangelho, nu’udar ha’u nia knaar atu ko’alia.

Maromak Futar Lia.

 

Salmo Responsorial                                                                                                                               Sal. 143(144). 1, 2, 9-10 (R. 1ª)

Refrão : Rahun di’ak ba Na’i, fatuk inan ha’u-an fatin nian!!! Repete-se

Rahun di’ak ba Na’i,

Fatuk inan ha’u heli-an fatin nian,

Nia mak hanourin ha’u liman ba hafunu,

No halibur fuan ba funu. Refrão

 

Maromak mak ha’u tulun no ha’u kota,

Ha’u kbiit no ha’u maksoyn;

Nia mak ha’u kalili no heli-an fatin,

No halibur povo iha ha’u kbiit okos. Refrão

 

Ha’u sei hananu ba Ita,

knananuk foun ida,

Sei hadahur ba Ita ho lia harpa,

Ita mak halo liurai manan,

No soi David, Ita atan. Refrão

 

Aclamação                                                                                                                                                                         cf. Lc. 19. 38; 2. 14

Refrão : Aleluia, Aleluia!! Repete-se

Rahun di’ak ba ida be mai hodi Na’i Nia naran;

Damen iha lalehan, glória iha leten áas ba. Refrão

 

Evangelho                                                                                                                                                                                      Lc. 13. 31-35

Na’i Jesus Cristo nia Evangelho nu’udar São Lucas haktuir:

Iha loron nebá, fariseu balun mai hodi dehan ba Nia: “Sai tiha housi ne’e, basá Herodes hakarak oho Ita”. Nia hatan ba sira: “Imi la’o ba, hodi dehan ba asu fuik ne’e: ‘Ha’u duni sai diabo sira, hodi fó isin di’ak ba ema ohin no aban; no bainhira Ha’u nia knar hotu ona. Maibé ohin, aban no bainrua Ha’u sei tuir Ha’u nia dalan: basá profeta ida la bele mate iha liur Jerusalém.

Jerusalém, Jerusalém, nebé oho profeta sira no tuda sira nebé Na’i haruka ba ó! Dala hira ona Ha’u buka atu halibur ó nia oan sira, hanesan manu inan tau nia oan sira iha nia liras okos, maibé ó lakohi! Tebes, ema sei hamamuk imi nia uma. Maibé Ha’u dehan ba imi katak imi sei la haré tan Ha’u to’o loron nebé imi sei dehan: ‘Rahun di’ak ba Ida nebé mai hodi Na’i Nia naran!’”

Lia Maksoyn.

Leave a Reply

Your email address will not be published. Required fields are marked *